फिलिप्पि 1:16 - आठपहरिया16 हिट्नागा ओचेट्नुना निङ्ग्वाङा पारचार काचोक्चिङा आङा माया याङ्ओचोक्ङागा, पोङ्भोने माङ्हाङ्ङा नुना खाबोरङाना छेम्बाना रिङ् जोगाँ चोक्ङा आङा नाहि याङ्युङ्साना नुङ् हिट्नागाँ ठाहा ओटोगुएसुए॥ See the chapter |
फिलिप्पि 1:16
13 Cross References
पोङ्भोने माङ्हाङ्ङाना खाबोर ओफाबा टोक्मा लाउङ्सा एडोक् पारचार काचोक् आरु याप्मिचि गाड्डेगा आन्याँ माखाक्॥ कोइङा माङ्हाङ्ङाना खाबोर बेपार गाड्डे डोक् ओचोगुएसुए॥ टरो आन्याँ माङ्हाङ्ङाना रिङ् इमान्जामान्ङि हिट्नुङ् खिरिस्टङाना आधिकारलोक् माङ्हाङ् ओटोकानाङि पारचार चोगुम्टुम्मा पोङ्भोने माङ्हाङ्ङा आन्याँ याप्मि पाङ्साना ए॥
खानि ख्वाप्पा लाउङ्सा खानि बारेङि आङा हिट्डे मिप्मा नुयुक्, पोङ्भोने आङा खानि आड्डिक् माया चोक्नानिगा॥ पोङ्भोने आङा हाट्ले खाम्बाङ्ङि लिङा चा आथाबा नुना खाबोर जोगाँ चोक्मा हिट्नुङ् नुना खाबोर छेम्बाना ए नुङ् पारमान् पिमाना टोॽवाङि चा माङ्हाङ्ङा आनि एक्केउ टोॽवा चोक्माउङ्सा दाया आचोगेसे॥
हाउ बिस्वासिलो आसाइबा, खान्ङा नागाचि इप्पाङ् मेन्झेमाचि ओटोङ्चिउङ् उयुङ्चि नुङ् घुवार फाडुचि नुङ् लोनाँ, पोङ्भोने हिट्नागाचिङा आङालोक् एक्केउ नुना खाबोर पारचार चोक्मा घुवार याङ्फासाचे, हिट्नुङ् आङालोक् एडोक् माखाक्, हिट्नागाचिङा क्लेमेस हिट्नुङ् आङालोक् एक्केउ टोॽवा काचोक् आरु आसाइबाचिलोक् चा टोॽवा चोगाचुए, हिट्नागा सोब्बेङागा उन्चि निङ् चोला आपिना छाप्लाङि माङ्हाङ्ङा छेप्टुबिडुएसुचे॥
Advertisements