मारकुस 14:3 - आठपहरिया3 येसु बेथानिया युक्टाम्ङि कोरि सिमोन ओपाङ्ङि खाडे॥ हिट्ना पाइले कोर रोग लाहाब् लिसेसाना॥ उन्ङा चामा चामा ठालाँ चोगुना बेला ठिबाङ् मेन्झेमाङा चोखो जाटामासि ओलोडुना उभुङ्मालाम्मा चोक्बालाक् आड्डिक् माहाङ्गो सिङ्गामरमरङाना सिसाङाना बोटालङि आप्टुङ् आबे॥ हिट्ना आट्टार जाटामासि ओलोडुना उभुङ्माङा चोक्बालाक् डाना॥ हिट्ना सिसा बोटाल हेडुङ् हिट्ना बुङ्बुङ् नाम्ना आट्टार येसुङाना ओटेहेक्ङि सोब्बे हुङ्सुए॥ See the chapter |