فيلِبّي 2:16 - كِتاب العَهد الجَّديد مِن الكِتاب المُقَدَّس

¹⁶ مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

فيلِبّي 2:16 Cross References

مَتَّى 10:27

البَقول ليكُم في الضُّلُمَّه، قُولوهو في النّور. و التَسمَعوهو في الأضان، نادو بيهو فوق البِيوت.

لُوقَا 12:8

و أقول ليكُم، البِعتَرِف بي قِدّام النّاس، أنا كَمان بَعتَرِف بيهو قِدّام مَلائِكَة الله.

يُوحَنَّا 6:63

الرّوح هو البِدّي حَياة، لَكِن الجِّسم ما فيهو فايدَه. الكَلام البَقولو ليكُم هَسَّع، هو روح و حَياة.

يُوحَنَّا 6:68

سِمْعَان بُطْرُس رَدَّ و قال ليهو: ”يا سَيِّد، نِحنا نَمشي لِمِنو؟ إنتَ عِندَك كَلام الحَياة الأبَديَّه.

أعمال الرُّسُل 13:26

يا أخوان، أولاد إِبْرَاهِيم و البِخافو الله بينكُم، الله رَسَّل لينا نِحنا كِلمات الخَلاص دا.

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

١ كُورِنْثُوس 9:26

عَشان كِدا، أنا ما بَجري زي واحِد البِجري بِدون تأكيد، و ما بَضرُب زي البِضرُب الهَوا.

٢ كُورِنْثُوس 1:14

و إنتو فِهِمتونا كَمان بَعض مِن الفَهم، و فِهِمتو أن نِحنا فَخرَكُم زي ما إنتو فَخرَنا في يوم رَبَّنا يَسُوع.

غَلَاطِيَّه 2:2

مَشيت عَلَشان الله وَرّاني بِرؤيا. و عَلَّمتَهُم الإنجيل البَبَشِّر بيهو بين الأُمَم. لَكِن عَمَلتَ دا بَراي قِدّام المُحتَرمين، مِن خوف يِمكِن أنا بَجري، ولّا كُنتَ جَريت بِدون فايدَه.

غَلَاطِيَّه 4:11

بَخاف أنا تِعِبتَ فيكُم بِدون فايدَه.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

فيلِبّي 1:6

و أنا مِتأكِّد في الحاجَه دي، إن هو الإبتَدا عَمَل كوَيس فيكُم، بِكَمِّلو لِغايَة يوم المَسيح يَسُوع.

١ تَسَالُونِيكِي 2:19

و رَجاءنا شِنو و فَرَحنا و تاج فَخرِنا قِدّام رَبَّنا يَسُوع لَمّا يَجي؟ مُش إنتو؟

١ تَسَالُونِيكِي 3:5

عَلَشان كِدا، لَمّا ما قِدِرتَ عَليهو، رَسَّلتَ فِشان أعرِف إيمانكُم. أنا كُنتَ خايِف أن المُجَرِّب كان جَرَّبكُم بِأي طَريق و شُغُلنا بِكون بِدون فايدَه.

عِبرانيين 4:12

عَشان كِلمَة الله حَيَه و نَشيطَه، و سنينا مِن كُلّو سيف العِندو طَرفين. و هي تَقطَع حَتّى تَقَسِّم النَّفس و الرّوح، و المَفاصِل و المُخ، و تَحكُم في أفكار القَلِب و إرَادَتو.

١ بُطْرُس 1:23

عَشان إتوَلَدتو مَرَّه تانيَه، ما مِن تيراب يَخسَر، لَكِن مِن الما يَخسَر، بِكِلمَة الله الحَيَّه و المُستَمِرَّه.

١ يُوحَنَّا 1:1

نَخَبِّركُم بِكِلمَة الحَياة. و الكِلمَه كان مِن البِدايَه. و نِحنا سِمِعناهو و شُفناهو بِعُيونّا، و عايَنّا ليهو و إيدينّا لِمسَتو.

رؤيا 22:17

و الرّوح و العَروسَه يَقولو: ”تَعال!“ و هو اليَسمَع، خَليهو يَقول: ”تَعال!“ و اليَعطَش، خَليهو يَجي. و العاوِز، خَليهو ياخُد مويَة الحَياة مَجّاناً.