فيلِبّي 2:15 - كِتاب العَهد الجَّديد مِن الكِتاب المُقَدَّس

¹⁵ عَشان بِتكونو بِدون لوم و نُضاف، أولاد الله بِدون غَلَط في وَسِط جيل مَعَوَّج و مِتمَرِّد. و إنتو تَنَوِّرو بِينُم زي نِجوم في الدُّنيا،

فيلِبّي 2:15 Cross References

مَتَّى 10:16

شوف! أرَسِّلكُم زي خِرفان في وَسط مَرفَعين. عَشان كِدا، كونو شاطرين زي الدَّبايب و لَكِن بُسَطاء زي الحَمام.

مَتَّى 17:17

و يَسُوع رَدَّ و قال: ”يا أولاد الزَّمَن دا، البِدون إيمان و رُسيكُم قَوّيَّه، لِمِتين بَكون مَعاكُم؟ لِمِتين أنا بَتحَمَّلكُم؟ جيبو لَي هِنا.“

مَتَّى 5:45

عَشان تَكونو أولاد أبوكُم الفي السَّما. عَلَشان هو يَعمِل شَمسو تَطلَع عَلى البَطّالين و الكوَيسين، و يَرَسِّل المَطَر عَلى البارين و الشَّرّيرين.

مَتَّى 5:48

عَلَشان كِدا، كونو كامِلين زي ما أبوكُم الفي السَّما هو كامِل.

لُوقَا 1:6

و هُم الإتنين كانو عادِلين قِدّام الله، ماشين حَسَب أوامِر الرَّب كُلَّها و في كُلّو قَوانينو بِدون لوم.

لُوقَا 6:35

لَكِن حِبّو عُدوانكُم، و أعمِلو الخير ليهُم و أدّو سُلفَه، و ما تَنتَظِرو حاجَه. و أُجرَتكُم تَكون كَبيرَه، و إنتو تَكونو أولاد الله العالي. عَشان هو عِندو نِعمَه لِلما يَشكُروهو و الشَّرّيرين.

يُوحَنَّا 5:35

يُوحَنَّا كان اللَّمبَه المِوَلِّعَه البِتَدّي نور. و إنتو كُنتو رَضيانين تَفرَحو بِنورو لِوَكِت قَليل.

أعمال الرُّسُل 2:40

و بِكِلمات تانيَه كَتيرَه، بُطْرُس كان بِهَظِّرُم و بِبَشِّرُم و قال: ”أخلَصو مِن ناس الزَّمَن دا البَطّالين.“

أعمال الرُّسُل 20:30

و مِنَّكُم نُفوسكُم، بِقومو رُجال يِتكَلَّمو بِحاجات مَعَوَّجَه، عَشان يَجُرّو التَّلاميذ وَراهُم.

رُومِيَه 16:19

عَشان كُل النّاس سِمِعو بِطاعَتكُم. و عَلَشان كِدا أنا مَبسوط بيكُم. و لَكِنّي دَايِركُم تَكونو فاهمين لِلخير و بُسَطاء لِلشَّر.

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

٢ كُورِنْثُوس 6:17

عَلَشان كِدا أمرُقو مِن بِينُم، و فَرِّقو مِنَّهُم، يَقول الرَّب. و ما تَلمَسو حاجَه نَجِسَه. و أنا بَقبَلكُم.

أفَسُس 5:27

عَشان يَقَدِّما لِنَفسو كَنيسَه مَجيدَه، ما فيها نُقطَه ولّا كَرمَش ولّا أي شي زي دا، و لَكِن تَكون مُقَدَّسَه و بِدون عيب.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

فيلِبّي 3:6

في خُصوص الغيرَه، طارِد الكَنيسَه. في خُصوص البِر الفي القانون، بِدون لوم.

١ تَسَالُونِيكِي 5:23

و إلَه السَّلام نَفسو يَقَدِّسكُم بِالتَّمام، و يَحفَظ روحكُم و نَفسَكُم و جِسِمكُم كَامِلَه و بِدون لوم لَمّا رَبَّنا يَسُوع المَسيح بِجي.

١ تِيمُوثَاوُس 3:10

و لازِم يَجَرِّبوهُم في الأوَّل. و بَعَد دا، يَخَلّوهُم يَخدِمو إذا لِقوهُم بِدون لوم.

١ تِيمُوثَاوُس 3:2

و المُلاحِظ لازِم يَكون بِدون عيب، راجِل عِندو مَرَه واحدَه، ماسِك نَفسو، عاقِل، مُحتِرَم، بِفتَح بيتو لِلغَريبين، بِقدَر يَعَلِّم.

١ تِيمُوثَاوُس 5:14

عَلَشان كِدا، أنا عاوِز الأرامِل الصُّغار يِتزَوَّجو و يَجيبو الأولاد، و يَرَتِّبو البُيوت، و ما يَدّو العَدو فُرصَه لِلشَّتيمَه.

١ تِيمُوثَاوُس 5:20

و وَبِّخ البيَعمِلو الخَطيَّه قِدّام كُل النّاس، عَلَشان التّانيين بِخافو.

١ تِيمُوثَاوُس 5:7

و آمُر بِالحاجات ديل عَلَشان هُم بِكونو بِدون لوم.

تِيطُس 1:6

الشّيخ لازِم يَكون بِدون لوم، راجِل عِندو مَرَه واحدَه، و أولادو مؤمِنين و ما يَشتَكو مِنَّهُم بيَعمِلو الدَوشَه ولّا ما بِطيعُو.

تِيطُس 2:10

و ما يَسرِقو مِنَّهُم لَكِن يَوَرّو إنَّهُم يَقدَرو يتَّكَلو عَليهُم بِالتَّمام. و كِدا في كُلّو شي، تَعليم الله مُخَلِّصنا بِكون مَحبوب ليهُم.

تِيطُس 2:15

و قول ليهُم الحاجات دي. و إترَجّى و وَبِّخ بِكُلّو سُلطَه. و ما تَخَلّي أي واحِد يَحتَقِرَك.

عِبرانيين 7:26

عَشان رَئيس قُسُس زي دا موافِق لينا. هو قُدّوس و بِدون لوم و نَضيف و مَفَرَّق مِن الخاطيين و مَرفوع أعلى مِن السَّماوات.

١ بُطْرُس 2:12

عيشو حَياة طَيبَه بين الأُمَم، عَشان إذا يَشكوكُم زي عامِلين الشَّر، يَشوفو أعمالكُم الطَّيبَه، و يَمَجِّدو الله في يوم زيارتو.

١ بُطْرُس 2:9

و لَكِن إنتو جِنس مُختار، و قُسُس مُلوكي، و أُمَّه مُقَدَّسَه، و شَعب مَخصوص لِلَّه، عَشان تَخَبِّرو بِحَمد النّاداكُم مِن الضَّلام لِنورو العَجيب.

٢ بُطْرُس 3:14

عَلَشان كِدا، يا مَحبوبين، و إنتو مِستَنّين الحاجات دي، إشتَغِلو شَديد عَشان تَكونو نُضاف و بِدون عيب و عَشان يَكون عِندَكُم سَلام مَعاهو.

رؤيا 2:5

عَلَشان كِدا إتزَكَّر مِن وين وَقَعتَ، و توب، و أعمِل الأعمال زي في الأوَّل. و إلّا، أنا بَجيك و بَشيل مَنارتَك مِن مَحَلّها إذا ما تَتوب.

رؤيا 3:9

شوف، في بَعض مِن النّاس مِن مَجمَع الشّيطان، البِقولو هُم يَهود، و هُم مُش يَهود، لَكِن يَكَضِّبو. شوف، أنا بَعمِلُم يَجو و يَركَعو عِند كِرعينَك، و هُم بِيَعرِفو أنا حَبّيتَك.