فيلِبّي 2:1 - كِتاب العَهد الجَّديد مِن الكِتاب المُقَدَّس

¹ كِدا، إذا عِندَكُم كَلام شَجاعَه في المَسيح، إذا أي تَعزيَه بِمَحَبَّتو، إذا أي شَرِكَه في الرّوح، إذا أي مَحَبَّه و رَحمَه،

فيلِبّي 2:1 Cross References

لُوقَا 2:25

و كان في أُورُشَلِيم راجِل إسمو سِمْعَان. و الرّاجِل دا كان بار و بِخاف الله، مُنتَظِر راحَة إِسْرَائِيل. و الرّوح القُدُس كان عَليهو.

يُوحَنَّا 14:18

أنا ما بَخَلّيكُم زي أولاد بِدون والِدين. أنا بَجيكُم تاني.

يُوحَنَّا 14:27

أنا بَخَلّي سَلام مَعاكُم. بَدّيكُم سَلامي. أنا ما بَدّيكُم زي ما الدُّنيا بِتَدّي. ما تَضطَرِبو في قُلوبكُم، و ما تَخافو.

يُوحَنَّا 17:13

لَكِن هَسَّع أنا جاي ليك. و أنا بَتكَلَّم بِالحاجات دي في الدُّنيا، عَشان يَكون عِندَهُم في نُفوسُم فَرَح كامِل مِنّي.

أعمال الرُّسُل 2:46

و كُلّو يوم كانو بِستَمِرّو يِتلَمّو في الهيكَل و بِكَسِّرو العيش في البُيوت، و بياكلو مَعَ بَعض بِفَرَح و قُلوب مُخلِصين.

أعمال الرُّسُل 4:32

و كُل المؤمِنين كانو عِندَهُم قَلب واحِد و فِكر واحِد. و لا واحِد قال حاجَه مِن أموالو كانَت ليهو بَس، لَكِن كانو عِندَهُم كُلّو شي مَعَ بَعض.

رُومِيَه 5:5

و عَلَشان عِندَنا رَجاء، نِحنا ما خَجلانين، عَشان الله كَبَّ مَحَبَّتو في قُلوبنا بِالرّوح القُدُس الهو أدّانا.

رُومِيَه 8:26

و كِدا كَمان، الرّوح يَساعِد ضُعفنا. عَشانّا ما بِنَعرِف كيف نَصَلّي زي ما لازِم نَصَلّي. و لَكِن الرّوح نَفسو يَطلُب فِشانّا بِصوت بِفوت الكَلام.

١ كُورِنْثُوس 12:13

عَشان كُلُّنا بِروح واحِد إتعَمَّدنا لِجِسِم واحِد، إذا كُنّا يَهود ولّا ناس إغريقيين، خَدّامين ولّا العِندَهُم حُرّيَّه. و هو أدّانا كُلُّنا روح واحِد عَشان نَشرِبو.

١ كُورِنْثُوس 15:31

أخَبِّركُم، يا أخوان، بِالفَخر العِندي فيكُم في يَسُوع المَسيح رَبَّنا، بَموت كُلّو يوم.

١ كُورِنْثُوس 3:16

ما بِتَعرِفو إنتو هيكَل الله، و روح الله يَسكُن فيكُم؟

٢ كُورِنْثُوس 13:14

نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.

٢ كُورِنْثُوس 2:14

لَكِن شُكراً لِلَّه عَشان هو دايماً بِقودنا في الغَلَبَه في المَسيح، و بِوَرّي بينَنا ريحَة مَعرِفتو في كُلّو مَحَل.

غَلَاطِيَّه 4:6

عَلَشان إنتو أولاد، الله رَسَّل روح إبنو لِقُلوبنا، البِكورِك: ”أبّا، يَعني يا أبوي.“

غَلَاطِيَّه 5:22

لَكِن ثِمار الرّوح، هو المَحَبَّه، و الفَرَح و السَّلام، و الصَّبر، و الرَّحمَه، و الصَّلاح، و الأمانَه،

أفَسُس 4:4

في جِسِم واحِد و روح واحِد، زي ما هو إختاركُم في رَجاء إختياركُم الواحِد.

فيلِبّي 1:8

عَشان الله شاهِد لَي كيف أنا عاوِز أشوف كُلُّكُم بِمَحَبَّة يَسُوع المَسيح.

فيلِبّي 3:3

عَشان نِحنا المُطَهَّرين النَّعبُد الله بِروح. و عِندَنا كِبِر في المَسيح يَسُوع، و ما نَتَّكِل عَلى الجِّسِم.

كُولُوسِّي 2:2

أنا بَعمِل دا عَلَشان قُلوبُم يِتعَزّو و بِكونو واحِد في المَحَبَّه، و بِكونو عِندَهُم كُلّو غِنى بِتاع تأكيد الفَهم. و عَلَشان كِدا يَعرِفو سِر الله، و هو المَسيح.

كُولُوسِّي 3:12

عَلَشان كِدا، زي النّاس الإختارُم الله، القِدِّسين، المَحبوبين، لَبِّسو القَلِب الرَّحيم و اللُطف و التَّواضُع و الوَداعَه و الصَّبر الطَّويل.

عِبرانيين 6:18

و الله عَمَل دا عَلَشان في حاجَتين الما بِتغَيَّرو، و ما مُمكِن هو يَكَضِّب فيهُم. عَلَشان كِدا، نِحنا الهَربنا ليهو عَشان نَمسِك بِالرَّجاء المَختوت قِدّامنا، عِندَنا شَجاعَه شَديدَه.

١ بُطْرُس 1:2

المُختارين بِحَسَب مَعرِفَة الله الأبو الكانَت مِن قَبِل، و المُقَدَّسين بِالرّوح عَشان يَطيعو يَسُوع المَسيح و يَكونو مَرشوشين بِدَمّو. نِعمَه و سَلام يَكَتِّر ليكُم.

١ يُوحَنَّا 3:24

و كُل البِحفَظو أوامِرو يَسكُنو فيهو و هو فيهُم. و بِدا بِنَعرِف هو يَسكُن فينا، بِالرّوح الأدّاهو لينا.

١ يُوحَنَّا 4:12

ما في واحِد شاف الله أبَداً. إذا نَحِب بَعَضَنا بَعض، الله يَسكُن فينا و مَحَبَّتو تَبقى كاملَه فينا.

١ يُوحَنَّا 4:16

و نِحنا عِرِفنا و صَدَّقنا مَحَبَّة الله الهو عِندو لينا. الله مَحَبَّه، و البِسكُن في المَحَبَّه بِسكُن في الله و الله فيهو.