فيلِبّي 1:6 - كِتاب العَهد الجَّديد مِن الكِتاب المُقَدَّس

⁶ و أنا مِتأكِّد في الحاجَه دي، إن هو الإبتَدا عَمَل كوَيس فيكُم، بِكَمِّلو لِغايَة يوم المَسيح يَسُوع.

فيلِبّي 1:6 Cross References

يُوحَنَّا 6:29

يَسُوع رَدَّ عَليهُم و قال: ”دا هو عَمَل الله، أن تَآمِنو بيهو الهو رَسَّلو.“

أعمال الرُّسُل 11:18

و لَمّا سِمِعو دا، سَكَتو و مَجَّدو الله و قالو: ”عَلَشان كِدا الله أدّا لِلأُمَم كَمان التّوبَه لِلحَياة.“

أعمال الرُّسُل 16:14

و كانَت في مَرَه بِتَسمَعنا إسِما لِيدِيَّه البِتبيع قُماش بَنَفسَجي، مِن مَدينَه ثَيَاتِيرَا، و بِتخاف الله. و الرَّب فَتَح قَلبا عَشان تَخَلّي بالا لِلبِقولو بُولُس.

١ كُورِنْثُوس 1:8

هو بِشَدِّدكُم لِلآخِر بِدون لوم في يوم رَبَّنا يَسُوع المَسيح.

٢ كُورِنْثُوس 1:15

و بِالتّأكيد دا، كُنتَ عاوِز أجي ليكُم مِن قُبّال، عَشان بِكون ليكُم نِعمَه مَرَّتين.

٢ كُورِنْثُوس 2:3

و كَتَبتَ ليكُم نَفس الحاجَه، عَلَشان أنا ما كُنتَ عاوِز أجي ليكُم و بَكون حَزنان مِن النّاس اللازِم أكون مَبسوط مِنَّهُم. عَشان أنا مِتأكِّد إذا أنا مَبسوط، كِدا كُلُّكُم كَمان بِتكونو مَبسوطين.

٢ كُورِنْثُوس 7:16

أنا مَبسوط عَشان مِتَّكِل عَليكُم في كُلّو حاجَه.

٢ كُورِنْثُوس 9:4

عَلَشان إذا ناس مِن مَكِدونيَّه جو مَعاي و لِقوكُم ما جاهِزين، نِحنا بِنكون خَجلانين عَلَشان التأكيد دا. و أنا ما بَقول إنتو كَمان بِتكونو خَجلانين.

غَلَاطِيَّه 5:10

أنا مِتَّكِل عَليكُم في الرَّب، إنتو ما بِتَفتَكِرو حاجَه تانيَه. أي زول اليَلَخبِتكُم، ماشي يِتحَمَّل الحُكم.

أفَسُس 4:12

و هو عَمَل دا عَلَشان القِدِّسين يَكونو كاملين في شُغل الخِدمَه، عَشان يَبنو جِسِم المَسيح.

فيلِبّي 1:10

عَشان تَفهَمو الأحسَن في الحاجات، و تَكونو نُضاف و بِدون لوم لِغايَة يوم المَسيح.

فيلِبّي 1:29

عَشان كِدا، الله، فِشان المَسيح، أدّا ليكُم مُش أن تَآمِنو فيهو بَس، لَكِن أن تِتوَجَّعو عَشان خاطِرو كَمان،

فيلِبّي 2:12

عَلى كِدا، يا أصحابي المَحبوبين، زي ما سِمِعتو كَلامي كُلّو وَكِت، كَمِّلو خَلاصكُم بِخوف و رَجف، مُش لَمّا أنا في مَعاكُم بَس، لَكِن أكتَر بِكَتير هَسَّع، وَكِت أنا ما في.

فيلِبّي 2:13

فِشان الله هو العامِل فيكُم الإرادَه و العَمَل عَشان تَعمِلو الحاجات التَّدّيهو فَرَح.

فيلِبّي 2:16

مِقَدِّمين كِلمَة الحَياة. إذا تَعمِلو كِدا، أنا بَقدَر بَفخَر في يوم المَسيح، فِشان ما جَريت ساكِت و لا تِعِبتَ بِدون فايدَه.

كُولُوسِّي 2:12

دَفَنوكُم مَعاهو في المَعموديَّه، و قَوَّموكُم مَعاهو كَمان بِالإيمان بِعَمَل الله القَوَّمو مِن بين المَيِّتين.

١ تَسَالُونِيكِي 1:3

و دايماً نِزَكَّر عَمَل إيمانكُم و تَعب مَحَبَّتكُم و صَبر رَجاءكُم في رَبَّنا يَسُوع المَسيح قِدّام الله أبونا.

٢ تَسَالُونِيكِي 1:11

عَلَشان كِدا، نِحنا دايماً نَصَلّي فِشانكُم، عَشان الله يَعمِلكُم مُستَحِقّين لِإختياراتو، و يَتِم بِقُوَّتو كُلّو فِكرَه كوَيسَه و عَمَل الإيمان.

٢ تَسَالُونِيكِي 3:4

و عِندَنا تأكيد في الرَّب إنَّكُم بِتَعمِلو زي ما نَدّيكُم أمر و إنتو تِستَمِرّو تَعمِلوهو كَمان.

فِلِيمُون 1:21

و عَلَشان عِندي تأكيد إنَّك تَطيع، بَكتِب ليك و بَعرِفَك تَعمِل أكتَر مِن البَطلُب.

عِبرانيين 10:35

و عَلَشان كِدا، ما تَرمو عَنكُم تأكيدكُم العِندو أُجرَه كَبيرَه.

عِبرانيين 12:2

خَلّونا نَعاين لِيَسُوع، رَئيس الإيمان و البِكَمِّلو. هو فِشان الفَرَح المَختوت قِدّامو، إتحَمَّل الصَّليب و إحتَقَر الخَجَل، و قَنَّب عَن يَمين كُرسي الله.

١ بُطْرُس 5:10

و إلَه كُلّو نِعمَه ناداكُم لِمَجدو الأبَدي في المَسيح. و بَعَد ما إتوَجَّعتو وَكِت قَليل، هو نَفسو بِكَمِّلكُم و بِثَبِّتكُم، و بِشَدِّدكُم و بِيَعمِلكُم أُمَنا.

٢ بُطْرُس 3:10

و لَكِن يوم الرَّب بِجي زي الحَرامي. و في اليوم داك، السَّماوات بِفوتو بِصوت عالي، و النُّجوم بيَهلِكو مِن الحَر، و الأرض و الأشغال الفيها بِنحَرِقو.