فيلِبّي 1:23 - كِتاب العَهد الجَّديد مِن الكِتاب المُقَدَّس

²³ أنا مَربوط بين الإتنين. أنا داير أمرُق و بَكون مَعَ المَسيح، عَشان دا أحسَن بِكَتير.

فيلِبّي 1:23 Cross References

لُوقَا 12:50

عِندي مَعموديَّه أتعَمَّد بيها. الدُّنيا ضَيقَه قِدامي لِغايَة ما تَتِم.

لُوقَا 23:43

و قال ليهو: ”بِالحَق أقول ليك، النَّهار دا بِتكون مَعاي في جَنَّه.“

لُوقَا 8:38

لَكِن الرّاجِل الطَلَعت مِنّو الشّياطين طَلَب مِنّو عَشان يَكون مَعاهو. لَكِن يَسُوع رَسَّلو و قال:

يُوحَنَّا 12:26

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

يُوحَنَّا 13:1

قُبّال عيد الفِصَح، لَمّا يَسُوع عِرِف ساعتو جات عَشان يَسيب الدُّنيا دي، و يَمشي لِلأبو، هو حَبَّ النّاس بِتاعو الكانو في الدُّنيا، و حَبّاهُم لِلآخِر.

يُوحَنَّا 14:3

و لَمّا أمشي و أجَهِّز ليكُم مَكان، بَجي تاني و باخُدكُم لِنَفسي. و المَحَل الأنا بَكون فيهو، إنتو تَكونو فيهو كَمان.

يُوحَنَّا 17:24

يا أبوي، أنا عاوِز ديل الأدّيتُم لَي يَكونو مَعاي في المَحَل الأنا بَكون فيهو. أنا عاوِزُم يَشوفو المَجد بِتاعي الأنتَ أدّيتو لَي، عَشان إنتَ حَبّيتني قُبّال خَليقَة الدُّنيا.

أعمال الرُّسُل 7:59

و وَكِت ما كانو بِرمو اسْتِفَانُوس بِحُجار، هو كان بِصَلّي و يَقول: ”يا رَب يَسُوع، أقبَل روحي.“

٢ كُورِنْثُوس 5:8

عَلَشان كِدا عِندَنا شَجاعَه كُلّو وَكِت، و نَفتَكِر أحسَن نَسيب بيتنا في الجِّسم و نَمشي نَكون مَعَ الرَّب في بيتو.

٢ كُورِنْثُوس 6:12

نِحنا ما قَفَلنا قُلوبنا ليكُم، لَكِن إنتو قَفَلتو قُلوبكُم لينا.

فيلِبّي 1:24

و لَكِن ضَروري جِدّاً بَقعُد في الجِّسم عَشانكُم.

١ تَسَالُونِيكِي 2:1

عَشان إنتو نُفوسكُم بِتَعرِفو، يا أخوان، أن زيارَتنا ما كانَت بِدون فايدَه.

١ تَسَالُونِيكِي 2:13

و نِحنا كَمان نَشكُر الله دايماً لِلسَّبَب دا. لَمّا أخَدتو كِلمَة الله السِّمِعتو مِنَّنا، قِبِلتوها مُش زي كِلمَة النّاس، لَكِن زي ما هي بِالحَقيقَه، كِلمَة الله. و الكِلمَه دي تَشتَغِل فيكُم، إنتو المؤمِنين كَمان.

١ تَسَالُونِيكِي 4:17

بَعَد داك نِحنا الحَيين القاعِدين بياخُدونا مَعاهُم في السَّحاب عَشان نَقابِل الرَّب في الهَوا. و كِدا بِنكون مَعَ الرَّب دايماً.

٢ تِيمُوثَاوُس 4:6

عَشان هَسَّع بِقَدِّموني زي ضَبيحَه، و الوَكِت جا عَشان أمشي.

رؤيا 14:13

و سِمِعتَ صوت مِن السَّما يَقول: ”أكتِب: مُبارَكين المَيِّتين، البِموتو في الرَّب مِن هَسَّع!“ ”أيوَه،“ يَقول الرّوح: ”عَلَشانُم بِستَريحو مِن أتعابُم، عَشان أعمالُم بِيَتبَعوهُم.“