Mathiew 8:4 - Wëël Jwøk

⁴ Ni kö Jecu jïgø, ni «Kär dee gïn caanï jï ŋat mør. 'Ba ciï, ni nyoothï dëërï jï dïlämi, ni cïpï ko olämi mana caan Modhe, ni wø näk ŋïï jï jiy.»

Mathiew 8:4 Cross References

Luk 17:14

'Ba na neen geni, ena köö jïge, ni «Cou ni nyoothu dëëtu jï dïlämme.» 'Ba kanya aacge, dëëtge adøø karge ni beyø.

Luk 5:14

Ni kööm gø, ni «Kär dee ŋat mo caanï gø jïre, 'ba ciï ni nyoothï riï jï dïlämi, ni cïpï ko olämi kiper døøn dëërï kare, keda mana caan Modhe, ni wø näk ŋïï jï jiy.»

Maak 7:36

Ni ö Jecu ni kööm geni, ni kär dee ŋat caange gïnögø jïgø. 'Ba kany wø kööm geni, ni kär caange, beeye man wø putge gø kaath ki caan.

Mathiew 9:30

Ni ö nyeŋge ni døøge karge. Ni ö Jecu ni kööm geni døøc, ni «Kär dee ŋat caannu gø jïre.»

Maak 6:11

'Ba ni näk da paac mou ba pänhnhe, ni kweerge ki man wïnyge maru, tør tietu wär teeŋŋu kanyo aayu nee tïme na nyuudhi dëëtge.»

Maak 5:43

Ni ö Jecu ni kööm geni døøc, ni bäŋe ŋat mo ŋäc gïn; ni caan gø jïge, ni moocge nyilaal ki gïn came.

Mathiew 17:9

'Ba kanya duuge piny ki bäät kïdi, gena kööm Jecu ni kööe, ni «Kär dee ŋat caannu gïna jootu en jïgø, këël mano tïŋ Wär Dhaanhø maal ki yi thøø.»

Mathiew 10:18

Ni peege uuni nyïm kwääri ki nyeye mo juurre kiper nyeŋŋa, nou køpa gïra nyïmge ki jø poge.

Mathiew 6:1

«Gwøgu rou nee tïïc mo beer ba tïïyu nyïm jiy kiper nee neenge. Kiper ni näk ma enøgønø, bäŋ gïn mo jootu baŋ Wääu ni en maal.

Mathiew 5:17

«Kär nou caara gø naa ööa kuna raanynya ciik Jwøk ki luup moa køp nyïïkuk Jwøki. A ba ööi naa raanynya geni, 'ba a ööi naa wëëga ge thur karge.

Aydheea 42:21

Wuuö Jwøk yie amïnnö ki køør adïëri mare ki man tïïc ciik moe ni pere leth, ni ee jiemø.

Jøøn 8:50

'Ba aani, a ba cac man ö jiyi ni pwøcge aani. 'Ba beeye Jwøk ni wø cac man pwøc aani, eni ni wø ŋøl luup.

Jøøn 7:18

Ŋat wø cäänö ki wïïe keere, wø cäänö kaper nee eni pwøc. 'Ba ŋat wø many Eni na jääŋ gøøni nee pwøc beeye na adïëri, ni eni bäŋ cwøk jïre.

Jøøn 5:41

'Ba ajiem mara ba jooda baŋ jiy.

Luk 21:13

Kanyøca nø, beeye kanyo caannu gïra.

Maak 8:30

Ni kööm geni ni kär eni caange jï ŋat mør.

Mathiew 16:20

Kanyøgø bääge aköömme døc, nee bäŋe ŋat caange gø jïgø ni ena Krictø.

Mathiew 3:15

'Ba adwøk Jecu jïre, ni «Wec manøgø kawaane. Kiper beer jïïø ki man wëëgø moa many Jwøki bëët thur karge na ennø nø.» Kanyøgønø, Jøøn ajïëy.

Maak 13:9

«'Ba gwøgu rou, kiper uuno kïthge kwör løøe, ni pöötge uuni yïth uut acook lam. Ni cuŋŋu nyïm kwääri ki nyeye kiper nyeŋŋa, nou køpa gïra nyïmge.

Ciik Kiper Dïlämme 13:49

ni näk mo puunnö manøgø kwaar wala marr na ci ra abïï wala ri pïën, wala ra abïïna näk ocwääö, wala ri gïn mo tïïc ka pïën, manøgø beeye puunnö; 'ba wär nyooth jï dïlämi.

Maak 3:12

Ni kööm ge døc, nee eni ba nyoothge.

Maak 9:9

'Ba kanya duuge piny ki bäät kïdi, gena kööm Jecu ni kööe, ni «Gïna jootu en, kär dee ŋat caannu gø jïre, këël mano tïŋ Wär Dhaanhø maal ki yi thøø.»

Luk 4:41

Ni ö anäge thuwø ni öge wøk dëët jiy mo thööth ni ge rëëdö, ni «Ïïni, ïïna O Jwøk.» 'Ba gena jooe ni ba wëëk ge cäänö, kiper ŋäcge ni beeye eni na Krictø.

Luk 8:56

Ni ö jøøa nywøl gø ni thäŋ yïthge. 'Ba gena köömme nee bäŋe dhaanhø mo caange gïna tägö jïgø.

Luk 9:21

Ni ö Jecu ni kööm geni, ni cem ge døøc, nee bäŋe ŋat mo caange luummögø jïgø.