Mathiew 4:8 - Wëël Jwøk

⁸ 'Ba kanyøgø, ena cäŋ anägö kïth bäät kïdi mo bäär døc ni nyuth gø buc piny bëët ki beenyge.

Mathiew 4:8 Cross References

Mathiew 16:26

?Kiper agïnaŋø noo beer noo duui jï dhaanhø, ni näk mo piny bäre oci jïre, ni nyääk jwïëye? ?Wala agïnaŋø noo cïp dhaanhe ni wiila jwïëye?

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

1 Piter 1:24

Kiper «Jiy bëët caala luum, na ajiem marge caala wï luum mo oŋøøk. 'Ba luum wø tal, ni päth wïïe piny.

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Acther 5:11

Ni caan luum ajiem kwär mare jïge, ki kwään wääte, ki wödö mana tïïc nyeya kipere, ki mana cuum eni ni ena maal bäät jø kööre bëët ki kwääc mïëri moa bëën nyeya.

Acther 1:4

Ni bëëde ni nyøtha jap kwär mar øt nyec mare, ka ajieme ki dööŋö mare ki nïne mo thööth mo dïpa ki pïërabära.

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Kwään Jiy 23:3

Køøre Beelam aköö jï Balak, ni «Cuŋŋï buut olämme moï moøgø ni waaŋ yøø. 'Ba aana aay; kanymør Wuuö Jwøk öö ni røømme ki aani; 'ba gïno nyoodhe jïra ocaana jïrï.» Køøre Beelam aput aa bäät thuur mo leer.

Jøøn 5:20

Kiper Wuuö mëër ki Wäädö, ni nyooth gïï wø tïïe bëët jïgø. Ni tïïe mo døøŋŋø geni ki moi onyoodhe jïre, nee yïthu thäŋge.