Jeremaya 9:3 - Wëël Jwøk

³ Ni kö Wuuö Jwøki, ni «Jiya rege ege jiiŋŋö ki man caange luup tööt, ni paac marge käärge ka jöör cwøk, ni patha jöör adïëri. Kiper ge wø løøŋŋa bäät gïïa reyø, ni kweerge ki man ŋäcge aani, a na Wuuö Jwøk.

Jeremaya 9:3 Cross References

Wïlöölö 39:16

Køøre nyaanøgø abïï akan buute këël mana ö kwääc Jocepi paayø.

Pwöc Leec Wïc 12:5

Acaare mo jøøa marge beer beege adïëri, 'ba pwöc mo jøøa reyø beege cwøk.

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 3:5

Ni tïm jiyi ni ŋati man nø watge thiele piny, ni ö ŋat atut man nø ni dïïm ŋat atut mare. Wøpe ge ööa maal bäät jø døøŋŋø, ni tïm ŋata no otaaø ni töödö bäät ŋata no owøørø.

Aydheea 6:5

Køøre aana köö, «Wui, a kare kaa këët nø; aana nø ränynyö! Kiper aana dhaanhø mo dhee ba waany, naa bëëdö dï jiy mo dhøkge ba waany; kiper aani nyeya ma Wuuö Jwøk, eni na wïth jammi bëët, aneena ki waŋa.»

Aydheea 9:18

Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Jeremaya 12:6

Kiper këël nyïïmeru ki dhi øt wäru kiree atïïö ki gïï mo reyø dëërï ki piny, ni ge poot kwöŋŋö køørï døc ki nyeŋŋï. Ïïni, kär niï ŋäätha geni, këël ge doo cäänö ki luup mo beyø jïrï.»

Jeremaya 22:16

Eni kee luup jøøa no ocaarø ki luup jøøa can aŋøle na karge, ni bëët paaci bäre na wøp. ?Aŋø, ki man ŋäc aani, a na Wuuö Jwøk, paa beeye ki man tïïc teeŋ tïïe moøgø nø?

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 4:22

'Ba Wuuö Jwøk aköö, ni «Jiya bëëdö ni wïthge teek, ni ge bëëdö naa kucge, ni ge caala obwöre ma bøøre, ni wïthge bäŋ acaara. Nyeŋge reegø ka tïïc gïï mo reyø, 'ba tïïc gïn mo beer kucge.»

Jeremaya 5:4

Køøre aana köö, ni «Moi beege jiy mo can jaak mo wïthge bäŋ acaara, kiper geni, jöör Wuuö Jwøk, Jwøk marge, ki ciik moe kucge.

Jeremaya 5:5

Aani, a cøøa baŋ jøøa kwörge døøŋŋø, ni cääna ki geni, kiper geni, jöör Wuuö Jwøk, Jwøk marge, ki ciik moe ŋäcge.» 'Ba geni thuwø, gena kweer ki man bëënge Wuuö Jwøk, ni kweerge ki man jïëcge pwöc moe.

Jeremaya 6:28

Geni, gena jø ageem moa no opöödhö døc, ni ge wø wïdö jaak ni ge waya nyeŋ jiy. Ge caala jwïël ki nywïëny mo wø wet ŋat wø leeny gwel-bïrö, ni gena jiy mo reyø bëët.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Jeremaya 9:5

Ni ö ŋati man nø ni bëëde ni cøøga wati, ni bäŋe ŋat mo cäänö ka adïëri. Lëëpge aŋiicge ki car tööt, ni öölge dëëtge ki tïïc gïï mo reyø.

Jeremaya 9:8

Lëëpge caala atheerø mo 'näk mare raac døc, ni ge wø cara cwøk. ŋati man nø wø cäänö ki dhee ki wati kee cäänö ka mëër, 'ba ki yi cwïnye eni wø cädö ki gïï mo reyø mo tïïe dëër gø.

Edhikiel 8:13

Ni cäŋ köö jïra, ni «Ge cäŋï ka jootø ni ge tïïö ki gïï wø raac eci ki ge døc mo kaala man.»

Daniel 11:27

'Ba nyeye moø na ariiø yøø, cwïnyge oløøge baŋ gïn mo raac, ni pïge piny kar acooŋa, ni ö ŋati man nø ni cään watge ki tööt. 'Ba bäŋ gïn mo thur kare. Kiper aŋuunne poot öö kanya no owäŋŋö.

Ciik Kiper Dïlämme 19:11

« ‹Kärï kwätö, ni ba cäänï ka akaade, ni ba cäänï ki tööt dëër dhaanhø mør.

Maak 8:38

'Ba ŋato wäro wïïe laay ki nyeŋŋa, ki luupa, dï beenhnhø man ni wø kwier luum Jwøk, na jø raay en, Wär Dhaanhø wïïe olaay ki gø thuwø, kanyo ööe ki nyïïatwiet maal moa en kur keerge ka ajiem wänni.»

Jøøn 17:3

Ni man en beeye kwøw mana näk adïëri mo bäŋ cuŋŋe, niï ŋäcge, ï na näk Jwøk mana näk adïëri keere, ki Jecu Krictø na jääŋŋï.

Moa Tïïc Nyïïatwieli 24:9

Ni ö jø Juuthi møga thuwø ni dwalge dhøkge ni gïïögø bëët beege karge.

Wëëlö Mana Göör Pøølli Baŋ Jø Röm 1:16

Kiper aani, wïïa ba laay ki luumma nyään na met, kiper beeye teek Jwøk ki man piem jiy bëët mo wø jïëy ni ŋääthge, ni tägi ka jø Juuth, këël mano këët baŋ jøw mo patha jø Juuth.

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

Wëëlö Mana Göör Pøølli Baŋ Jø Röm 3:13

«Lwör moge atïmö keda bwörö mo ojabø, ni ge cara cwøk ki lëëpge.» «Ni cïmmi mo thwöre ena dhøkge.»

1 Körin 15:34

Cäŋu wïthu caarrø, ni ba bääyu këët. Kiper jø møøk bäŋ gïn mo ŋäcge kiper Jwøk. Ni gïn caana naa lääa wïthu.

Pilipay 1:28

'Ba kär nou lwäyö ki gïï wø tïïc jø wø män ki uuni bëët. Kiper manøgøøni beeye nyuudhi jïge mar ränynyö marge, 'ba ki jïïu beeye pïëm man piem uuni ki gø, ni beeye man wø cïp Jwøki.

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Juut 1:3

Omëëya, a doo manynya man göönna baŋu kiper luum pïëm man piem øøni ki gø ni nywaaø en, 'ba acäŋa jootø ni doo beerra eni jïra ki man göönna baŋu naa köömma uuni ki man pïëmu kiper ŋäädhe mana wëëk jø Jwøk yie aciel ni bäŋ mørø.

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Pïëmme 14:17

Kanyøgønø, dhaaŋŋøgø ajwöŋö dëër Camcøn ki nïra näk abïriiø na beet ajwöma. 'Ba kanya tïme na ri bïriet nïne, Camcøn tier leer acaane jïgø, kiper mana ö dhaaŋŋøgø na cwaat yi gø døc. Køøre dhaaŋŋøgø tier leer aput caan jï jagøgø na jø poge yøø.

Pïëmme 2:10

'Ba jøøa en yi beenhnhø maneca bëët gena thøw thuwø, ni läpge køør kwäcge; ni ö jiyi moa en yi beenhnhø mana öö køør jøøgø ni døøŋge. 'Ba geni na en yi beenhnhø manøgø, Wuuö Jwøk kucge; këël gïïa tïïe kiper jø Icriel kucge thuwø.

1 Camiel 2:12

'Ba wäät Ëli beege jiy mo wïthge reyø; geni luum Wuuö Jwøk kärge kïth cwïnyge,