Jeremaya 8:1 - Wëël Jwøk

¹ Ni kö Wuuö Jwøki, ni «Kar kaace cuu nyeye mo Juuda, ki cuu jø kööre moge, ki cuu dïlämme, ki cuu nyïïkuk Jwøk, ki cuu jø Jerucalem okuuny nyïïmänni moge wøk ki yïth bwör moa näk geno koony yïthge.

Jeremaya 8:1 Cross References

1 Nyeye 13:2

Køøre ena köök bäät gïn wø cïp olämme bääte ni caana dwør Wuuö Jwøk, ni kööe, «Wui, ï na gïn wø cïp olämme bääte! Wuuö Jwøk aköö, ni ‹Ka adïëri møn, nyilaal ma dïcwøø olwaarø ki gø dhi øt Deebit, ni cak nyeŋŋe ni Jöcaya. 'Ba eni dïlämme mo kwör lam moa en bäät thuuri, ni wø cïpi ko olämme bäätï, oŋare bäätï, ni ö cuu mo jiy ni waaŋi bäätï.› »

2 Nyeye 23:16

'Ba kanya ö Jöcaya na lwïthe, bwör moa en bäät kïdi aput joot, ni jääge ki dhaanhø ni käl cuu wøk ki yïth bwör ni waaŋ ge bäät gïn wø cïp olämme bääte, ni tïïya gø ni ba waany, ki køør dwør Wuuö Jwøk na caan nyikuŋ Jwøki cøøn, kanya bëëde ni nyeya ma Jeröbäm cuŋŋö buut gïn wø cïp olämme bääte manøgø dïcäŋ man wø wøør na jwøk. Køøre ena cäŋ lwïthö ni joot kïdi mana no ocwöth bäät bwörö mar nyikuŋ Jwøk mana car gïïögø dïkwøŋ.

2 Nyeye 23:20

Ni ŋar dïlämme bëët mo wø lämö kwör lam moa en bäät thuuri na en kaace bäät gïï wø cïp olämme bäätge, ni waaŋ cuu jiy bäätge. Køøre ena døø Jerucalem.

2 Nyeye 9:37

ni ö rïŋ dëër Jedhebelli ni tïme kaamar wär mo oleeŋ piny yi ŋööm Jedhriel, ni put tïmö ni bäŋ ŋat mo ŋec gø ni man beeye Jedhebel.› »

Jeremaya 14:16

Ni ö jø wø køpge luup jïge ni thøwge ri leny ki käc, ni leeŋ dëëtge wøk dï uutjïëthe mo Jerucalem, ni beege geni ki dëëtge, ki määrge, ki wäätge, ki nyïïge bëët, ni bäŋe ŋat mo koony geni, naa dwøga raay moge wïthge.

Edhikiel 37:1

'Ba Wuuö Jwøk cere acïp bääta, ni lwør aani ki teek Jwïëy moe ni cïp aani dï pwöla mo päŋ ki cuu mo jiy.

Edhikiel 6:4

Kiper manøgønø, gïï wø cïp olämme mou bäätge oränynyi, ni ö gïï wø waaŋ jer wø jïcge ŋwääi ni met bäätge ni tøc geni. Aani, u nääa nääö deŋ kït gïï wø lammu.

Edhikiel 6:5

Aani, rïŋ dëëtu moa no othøw, u na jø Icriel, peedha piny deŋ kït gïï wø lammu, ni kera cuu mou piny deŋ gïï wø cïp olämme mou bäätge.

Amøc 2:1

Wuuö Jwøk aköö na ennø, ni «Kiper mana ö jø Möapi na kaathge bääyö marge, a ba døø ŋääa ki man jääla geni, kiper cuu mo nyeny Ëdöm awaaŋge na bäre, këël mana tïmge na bur.