Jeremaya 7:6 - Wëël Jwøk

⁶ ni juurre mo wø bëëdö dïïu ki kïïe ki määr thuunhnhi ba caaru, ni rem jiy mo bäŋ gïn mo ege baaø ba kønynyu piny kany jaak, ni ba cäädhu køør juu møøk mo käla ränynyö bäätu,

Jeremaya 7:6 Cross References

2 Nyeye 21:6

Ni waaŋ wääde no olämi, ni tïïe ki wäälli, ki jap adïëda, ni pëëny ajuuk, ki jiy mo rege da juu mo cøøra jwïëc jøøa no othøw, ki jiy mo cäänö ki juuk piny. 'Ba ena tïïö ki gïï mo thööth døc mo nëëni ni reyø ki jï Wuuö Jwøk, ni tïïya Wuuö Jwøk nee goote.

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

Pwöc Leec Wïc 23:10

Kär niï daaga gïr waŋ keew mana nut cøøn, ni ba nyiigï gø yi pwöth ŋat mo bäŋ wänni;

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 2:34

Maya thuwø, rem jiy moa can na näk bäŋ gïn mo ege baaø akønynyï piny, ni joot remø marge ra abïï marï, ni jøøgø kärï joodø ni ge turö ki øtø. 'Ba këël na näk mo gïïögø bëët ii tïïö,

Jeremaya 26:15

'Ba ka adïëri møn, ni näk maa you nääö, wär ŋäyu nou käla kwör dhaanhø mo bäŋ gïn mo ee baaø bäätu, u ki dëëtu, ki bäät päänyi en, ki jiy mo wø bëëdö yie. Kiper ka adïëri møn, aana jääŋ Wuuö Jwøki baŋu nee luupi bëët ii caana jïïu nee wïnynyu.»

Jeremaya 26:23

Ni øømge Uria Ijep, ni kälge eni baŋ nyeya ma Jeyöakëm, ni ö Jeyöakëmmi ni 'näk gø ko opëëllö, ni leeŋ dëër gø kany wø koony jiy møga jaak yie.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 5:28

Geno lør ni dëëtge pulli, ni geno pöödhö ki tïïc gïïa reyø. Luum kïïc bäŋ wø ŋølge na adïëri, nee bëëtö mare tïme na wøp, ni ge ba pïëmö kiper adïëri mar jøøa can.

Jeremaya 7:5

'Ba ni näk jöör bëëtö maru ki tïïe mou you tiirø møn, ni ŋøllu luup na karge yïthakic jiy,

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Wëël Kïmmö 4:13

'Ba gïnögø tägi kaper raay moa tïïc nyïïkuk Jwøki moe, ki raay moa tïïc dïlämme moe, ki køør mana kønyge rem jiy moa beyø piny.

Edhikiel 18:6

mo eni ba cämö ko olämme mo wø cïp jï juuga reyø yïth uut lam moa en bäät kïte, wala ki man wøør kït gïï wø lam mo jø Icriel, mo cï wati ba pääde, ni ba buti ki dhaagø mo kar pïïn piny mare opäŋ,

Edhikiel 22:7

Jiy moï bäŋ wödö mo tïïcge kiper wëëe ki mëëe yi paayø; ge bëëdö ni wëëlle caarge caarø, ni ge tïïö ki gïï mo reyø dëët kïïe ki määr thuunhnhi.

Ciik Kiper Dïlämme 19:33

« ‹Kanyo näk mo da wëëllö mo path mo bëëdö ka uuni yi ŋöömö maru, kär dee gïn mo raac mo tïïyu tïïö dëëre.

Ciik Kiper Dïlämme 25:17

'Ba uuni, kär dëëtu møønnu; 'ba bëëdu nou lwäära aani, a na Jwøk maru; kiper beeye aani na Wuuö Jwøk, Jwøk maru.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 27:25

Ni dwøgi ya jiyi bëët jïre, ni «Remme ena bäätwa ki nyïïwa.»

Mathiew 27:4

Ni kööe, ni «Aana bääyö kiper na cïba ŋat mo bäŋ gïn mo ee baaø ceŋ nyïïmän.» 'Ba adwøkge, ni «?Jïwa dee ŋø? Manøgø ena jïrï keerï.»

Tiet Ciik 11:28

'Ba ni näk ciik mo Wuuö Jwøk na näk Jwøu ba leŋŋu, ni gaau wøk ki øtjöö man ni köömma uuni ki gø dïcäŋi en, ni caathu køør juu møøk mo kuyu dïkwøŋ, u di cienø.

Tiet Ciik 24:17

«Luum jur mo bëëdö dïïu wala luum kïïc kär daaŋŋi kar løøk, ni ba käl abïï cï thøø na dïgïti.

Tiet Ciik 27:19

« ‹Acïëni oen bäät ŋato daaŋ luum ŋat ma jur mo bëëdö dïïu wala luum dhaanhø ma kïïc wala luum dhaagø ma cï thøø.› «Køøre ojøl jiyi bëët, ni köge, ni ‹Kare!›

Tiet Ciik 8:19

«'Ba mara caana caanø jïïu dïcäŋi ennø. Ni näk mo wïthu wïl ki Wuuö Jwøk na näk Jwøu, ni caathu køør juu møøk, ni tïnynyu geni, ni lammu geni, u puta thumö na bäre bäre.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.