Jeremaya 7:18 - Wëël Jwøk

¹⁸ Obwöre wø möödö ki jenni, ni ö wëëe ni äpge mäc, ni ö määnni ni cuutge ki muunni nee tïïge ki dääpe jï jwøa cwøl ni Gwanynyø Mar Maal, ni kunyge piny ki køøŋø jï juu møøk, ni ge raanynya cwïnya.

Jeremaya 7:18 Cross References

1 Nyeye 14:9

Ïïni thuwø, ïïna tïmö niï tïïya raay mo thööth ni kaala moa tïïc jiy moa dïkwøŋ na bwøth maal nyïmï, ni ciï ni tïï ki juu møøk kiper dëërï, ni tïï ki kït gïï mo oleenyø na gïï lam, niï tïïya aani naa goota, ni kwierï aani.

1 Nyeye 16:2

ni ‹Ï na Baaca en, ïïna tïŋa maal ki yi tør, ni tïïa ïïni ni ïïna wïth jiya ma jø Icriel. 'Ba køøre ïïna tïmö niï caatha køør Jeröbäm ni tïïyï jiya ma jø Icriel nee tïïge ki raay, ni ge tïïya aani naa goota kiper raay moa tïïcge.

Aydheea 3:8

Kiper Jerucalem onø bøømø, ni ö Juuda ni nø pädhe, kiper luup mo wø carge ki tïïe moge ge raanynya cwïny Wuuö Jwøk ki ge, ni marge ageem ki Wuuö Jwøk na näk Jwø ajiem.

Aydheea 57:6

'Ba uuni nø, japa wøørru na en yïthakic kïte moa pøøth deŋ nyeŋ näm, beege noo tïmö na mou, na kuru; ka adïëri møn, uuna cïpö jïge ki muuce mo kwøŋ mo wø køny piny, ni mooyu geni ki muuce mo beel. ?'Ba you caarø ni cwïnya daa warø ki japøge?

Aydheea 65:11

«'Ba u na wec aani, a na Wuuö Jwøk, u na wïthu wïl ki Dhayan na näk kïdi mara na en kur keere, ni wø nywaak caammi mou ki juu møøk, ni wø tïïc athööthe ni päŋ ki køøŋ nyïïomøki mo ojääbö nee cïpu jï juu møøk,

Aydheea 65:3

Ni beege jø wø tïïc aani cooth naa goota, ni wø cïp olämme moge jï juu møøk yïth ajïniine, ni wø wääŋö ki gïï wø jïcge ŋwääi ni met bäät thuube,

Jeremaya 1:16

naa jääla geni kiper rääö marge na wecge aani ni cïpge ko olämme jï juu møøk, ni wøørge gïïa tïïcge ki ceŋge.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 17:2

Geni, gïï wø cïpge olämme moge bäätge, ka arïëki moge mo wø cwøl na Acara, na en tiet jenni moa näk onigïït piny bäät thuuri, wø lääŋge lääŋŋö, ni caala man wø lääŋge obwöre moge.

Jeremaya 19:13

Uudi mo Jerucalem, ki mo nyeye mo Juuda, otïmö ni ba waany kaamar Töpeth, ni beege uudi bëët moa näk jiy wääŋö bäätge ki gïn wø jïye ŋwääi ni met ni ge lama cäŋ ki dwääy ki ceer, ni kunyge piny bäätge ki muuy mar køøŋø jï juu møøk.› »

Jeremaya 25:7

«'Ba luumma käru wïnynyö, a na Wuuö Jwøk, ni putu cwïnya raanynyø ki køør juu moa tïïyu ki ceŋŋu, nou käla gïï mo leth bäätu.»

Jeremaya 32:29

Ni ö jø Babilønni moø ni këëdi ki päänyi en, ni dønyge yie, ni nyepge gø ki maac ni waaŋge gø. Ni waaŋge uudi bëët mo wø wääŋ jiyi bäätge ki gïn wø jïye ŋwääi ni met jï jwøa cwøl ni Baal, ni wø kunyge piny bäätge ki muuy mar køøŋø jï juu møøk, ni raanyge cwïnya.

Jeremaya 44:25

Luumma caan Wuuö Jwøki, Jwø Icriel, eni na wïth jammi bëët, beeye en: Uuni ki määru, gïna caannu ki dhøgu awëëgu thur kare ki køør mana tïïyu gø ki ceŋŋu, ni beeye luubö mana caannu na kööu, ni ‹Ka adïëri møn, waani, gïna kööŋwa kipere tïïcwa tïïö, ni beeye ki man cïpwa ko olämme jï Gwanynyø Mar Maal ni kunywa piny ki køøŋø jïre.› 'Ba putu tïïc nø, nou wëëga kööŋ maru thur kare.

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 7:17

?Aŋø, gïï wø tïïcge dï päänye mo Juuda ki dï uutjïëthe mo Jerucalem kärï joodø?

Wëël Kïmmö 5:13

Obwöc cwøw atïïc na jø guur caammi, ni ö obwöre moa therø ni tïï na jø møøt jenni ki tëër mo leth døc ni ge bøømmø.

Edhikiel 16:26

Ïïna käbö thuwø ki jø paac mana kïïï ki gø, ni beege jø Ijep mo wø mëër ki niine, ni putï käp marï kaath niï tïïya aani naa goota.

Edhikiel 20:28

Kanya kïtha ge yi ŋöömö mana kööŋa kipere ni cïba cïbö jïge, thuuri moa bäyö bëët ki jenni bëët moa no onigïït piny aneenge, ni ö geni ni cïpge ko olämme kaace ge bëët, ni wëëkge aani gootø ko olämme moge. Ni öge thuwø ni wääŋge ki gïï wø jïcge ŋwääi ni met kaace, ni kunyge piny ki kwøŋ na muuce.

Edhikiel 8:16

Køøre eni aana kïth yi kal mana en dïër mar øt Wuuö Jwøk. 'Ba dhi øt Wuuö Jwøk kaace yïthakic agööla ki gïn wø cïp olämme bääte, da cwøw mo jïtö ki pïërariiø ka abïïc mo ŋäthge ege løø baŋ øt Wuuö Jwøk ni nyïmge ege løø jï kur tuul-cäŋ, ni cøŋge ege këël piny ni rege kemø ki cäŋ ni ge lama gø.

Edhikiel 8:17

'Ba Wuuö Jwøk aköö jïra, ni «?Wär dhaanhø, gïn ee, nëënö jïrï? ?Aŋø, bee gïn mo jööt jaak ki baŋ jø dhi øt Juuda ki man tïïge ki gïï wø raac yia ki ge kany, ni piny ege pääŋö ki tïïe mo raay ni ge wëëga aani gootø cooth? Raŋ ge mø, ge tïïö ki jap abuua!

1 Körin 10:22

?Kwäärö døø wëëga këëyö? ?Aŋø, teeka øøni ki eni?

Tiet Ciik 32:16

Wuuö Jwøk atïïcge nee këëye ki køør juuga path na lamge. Ni cwaatge yi Wuuö Jwøk këël mana wëëre ki køør gïïa raac yie ki ge na tïïcge.

Tiet Ciik 32:21

Aana tïïcge naa këëya ki køør mana lamge juu mo patha adïëri, ni cwaatge yia këël mana wëëra kiper juu moge na näk oballe jaak. 'Ba ge tïïa tïïö nee këëge kiper jiy mo bäŋ karge; ni cwaada yïthge ki ri wï jur mo bäŋ gïn ŋääe.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.