Jeremaya 4:7 - Wëël Jwøk

⁷ «Ŋat wø raany wïth juurre anø tïŋŋö, kaamar ŋuu mo ööa wøk ki ya abuŋŋö; ni eni tïŋŋi ka kar bëëtö mare kiper nee wï pou dïïre. Päänye mou ränynyö, ni dööŋge ni bäŋ jiy yïthge.

Jeremaya 4:7 Cross References

2 Nyeye 24:1

'Ba ki yïth nïne moa beet Jeyöakëmmi ni ena nyeya, Nabukedenecör nyeny Babiløn amäänynyö baŋe; ni ö Jeyöakëmmi ni tïme ni bëënna eni ki cwiiri adäk. Køøre Jeyöakëm acaara mare awiile, ni gëëme ki Nabukedenecör.

2 Nyeye 25:1

'Ba kanya tïme na ri bïŋweer cwiiri moa beede ni ena nyeya, kanya tïm nïr dwää apaar na apaar, Nabukedenecör nyeny Babiløn ki jø leny moe bëët aö töök Jerucalem, ni tïïe ki twïër töök gø, ni tïïc kwör koor töök gø bäre.

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 5:9

Wuuö Jwøk, eni na wïth jammi bëët, akööŋ ni wïnyö jïra ni kööe, ni «Ka adïëri møn, uudi mo thööth odööŋ keerge, këël uudi moa døøŋŋø na mïërö, odööŋ ni bäŋ jiy yïthge.

Aydheea 6:11

Køøre aana köö, «Wui, Kwäärö Wuuö Jwøk, a këël kany mo nyïëdi noo bëëtge na ennø nø?» Ni løk gø, ni «Këël kanyo raany päänye noo dööŋge ni bäŋ jiy mo bëëdö yïthge, ni bëëdö uudi keerge ni bäŋ jiy, ni dööŋŋa ŋöömö keere;

Jeremaya 2:15

Nyïïmänne amärö bääte kaamar ŋuuwe, ni märge døc ni döötge ena maal. Paac mare atïïcge ni bäŋ gïn mo odööŋ yie, ni ö päänye moe ni ränyge, ni bäŋ jiy mo bëëdö yïthge.

Jeremaya 22:6

«Kiper luumma caan Wuuö Jwøki kiper paan dwøŋ man mar nyeny Juuda beeye en: «Ï na paan dwøŋ en, këël na bëëdï jïra niï beer kaamar ŋööm Gelät, niï mïërö kaamar wï Kïn Libaanø, ka adïëri man, aani, ï tïïa tïïö kaamar paap ma tëën, ni tïïa ïïni kaamar päänye mo ba beet.

Jeremaya 22:7

Aani, jøw oraany ïïni jääŋŋa jääŋŋö baŋï, ni ŋati man nø cere da jap leny moe; ni öörge jer geer moï wøk moa beyø, ni leeŋge geni yi maac.

Jeremaya 25:38

Wuuö Jwøk otïŋŋi ki kar bëëtö mare kaamar ŋuu mo ö wøk ki ya abuŋŋö, ni ö mïëri moge ni tïmge ni cwïny jiy böö ki gïno tägi dëëtge, ki køør jøw caan geni ko opëëllö, ki køør wëër mar Wuuö Jwøk noo liel kaamar maac.

Jeremaya 25:9

ka adïëri møn, a na Wuuö Jwøk, a jääga baŋ jø tiet mïëri bëët moa en jï løø wï-piny, ki baŋ Nabukedenecör nyeny Babiløn, eni na en cera, ni käla geni nee këëtge yi ŋöömmi en ki jiy mo wø bëëdö yie, këël ki wïth juurre mo wø kïïö ki ŋöömmi en. Ni puta geni raanynyø na bäre bäre, ni tïïa geni ni cwïny jiy böö ki gïno tägi dëëtge, na gïr abuua, ni päthge yi ränynyö mo bäŋ cuŋŋe.

Jeremaya 26:9

?Aperŋø ni køpï luupi ii ki nyeŋ Wuuö Jwøk, ni kööï, ni ‹Øt Wuuö Jwøk man ränynyö kaamar Øt Wuuö Jwøk mana ränynyö Cëëlö, ni ö päänynyi man en ni ränynye ni tïme ni bäŋ ŋat mo bëëdö yie këët›?» 'Ba kanyøgø jiy bëët rege acooŋge lak Jeremaya yi Øt Wuuö Jwøk.

Jeremaya 27:8

« ‹'Ba ni näk mo da wï jur wala akwöm nyeya mo kweer ki man bëëde ni ena laŋŋø mar Nabukedenecör nyeny Babiløn, ni ba jïëy ki man bëëde tier teek mare na caal jaath puur man wø twöö ŋut rwaath, a na Wuuö Jwøk, wï jur manøce jääla jäälö, ni thøwge ko opëëllö ki käc ki täw mo leth, këël mano thööra geni ki cere.

Jeremaya 33:10

«Man beeye mana caan Wuuö Jwøki, ena köö, ni ‹Këël na bëëdu nou köö, ni «Paani oränynyö, ni bäŋ jiy ni bäŋ lääy mo bëëdö yie,» yïth mïëc Juuda ki dï Jerucalem ni bëëdö jaak ni bäŋ jiy ni bäŋ lääy mo bëëdö yïthge enø, dwøl ocäŋ wïnyö yïthge,

Jeremaya 34:22

Ka adïëri møn, a na Wuuö Jwøk, ge köömma köömmö ni duua geni päänyi, ni këëtge ki päänyi ni macge gø ni waaŋge gø. Ni tïïa mïëri mo Juuda na kwör mo oränynyö mo bäŋ jiy mo bëëdö yïthge.»

Jeremaya 4:29

Ki køør dööt tiet okwëënyi ki tiet jø wø këëdi ka athëëre, jø päänye bëët bwøk; ni dønyge yïth abuŋŋe, ni kaange rege yïthakic kïte; ni wec päänye bëët, ni dööŋge ni bäŋ jiy mo bëëdö yïthge.

Jeremaya 44:2

ni «Luumma caan Wuuö Jwøki, Jwø Icriel, eni na wïth jammi bëët, beeye en: Uuni, gïïa leth bëët na kïtha bäät Jerucalem ki bäät mïëri bëët mo Juuda ajootu, ni dïcäŋi ennø ge bëëdö ni geno ränynyö ni bäŋ jiy mo bëëdö yïthge,

Jeremaya 46:18

'Ba Nyeya na näk nyeŋŋe beeye Wuuö Jwøk, eni na wïth jammi bëët, ena kööŋ, ni «Ŋëëta keera, a na Wuuö Jwøk, da ŋat mo öö mo tuga Ijep mo kare dwøŋ, mo caala Kïn Tabör ni wø dwøŋ døc yïthakic kïte, ki Kïn Karmël ni wø en deŋ naama dwøŋ.

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 50:17

«Jø Icriel akeeth nyïïmänni, kaamar dïëk moo keeth ŋuuwi. Ŋata kwøŋ geni raanynyø beeye nyeny Aciria, ni ŋata näk aŋuudi na tøc cuuge beeye Nabukedenecör nyeny Babiløn.

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 8:16

Da dööt okwëënyi mo jø leny mo nyïïmän mo wïnyö ki Daan; ni piny bëëdö ni miel ki dööt okwëënyi moge. Ni ö nyïïmänni ni raanyge piny ki japa en yie bëët, këël päänye ki jø wø bëëdö yïthge bëët.»

Jeremaya 9:11

Ni kö Wuuö Jwøki, ni «Jerucalem otïïa nee neeruuth, ni tïme na kar bëëtö mar othööe; ni tïïa päänye mo Juuda nee ränyge, nee bäŋe jiy mo bëëdö yïthge.»

Edhikiel 12:20

Päänye moa näk jiy thööth yïthge ränynyö, ni ö ŋöömö ni dööŋe ni bäŋ gïrpiny yie. Køøre nø ŋäyu ŋääö ni bee aani na Wuuö Jwøk.› »

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Edhikiel 32:2

«Wär dhaanhø, wärï ki duut kïmmö kiper Peerø nyeny Ijep ni kööï jïre, «ni ‹Ïïni, dëërï apäärï ki ŋuu mo teek yïthakic wïth juurre, 'ba ïïni, ï caala lääna dwøŋ na en yi naama dwøŋ, niï bëëdö niï jaalla riï yïth nyeŋ näm moï, ni duupï pïï ki tietï, ni put tïmö no odhöönh.›

Daniel 5:19

'Ba kiper dööŋ kar mana cïbe jï gø, wïth jiy bëët, ki wïth juurre bëët, ki teeŋ wïth dhøgi bëët, gena bëëdö ni ge lwäär ni dëëtge kwanynyi nyïme. Ni ŋata manynye nee nääe, nääe nääö, ni ŋata manynye nee bëëde ni kwøw, wiie wiiø, ni ŋata manynye nee cuume, cuume cuumö, ni ŋata manynye nee dwøk piny, dwøge piny.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Ciik Kiper Dïlämme 26:31

Päänye mou oraanynya na bäre ni nigeruuth, ni raanynya kwör lam mou, ni tïm muuce mou mo wø waaŋ ni wø ŋwääi ni met ni ba ŋwääi jïra këët.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.