Jeremaya 28:1 - Wëël Jwøk

¹ 'Ba kanya tïme na køøre cään, ni poot na yi cwiinøgø, ri ŋweer cwiiri moa beet Cëdëkiya ni ena nyeny Juuda, kanya tïme na dwää abïïc, nyikuŋ Jwøk ma Ananiya wär Adhur, na käl Gibien, acäänö ki aani, a na Jeremaya, yi Øt Wuuö Jwøk, nyïm dïlämme ki jiy bëët, ni kööe,

Jeremaya 28:1 Cross References

1 Nyeye 3:4

'Ba nyeya ma Cølöman aci Gibien kuna cïpe ko olämme yie, kiper kaace beeye kar lam mana dwøŋ na en bäät thuur. Ni ö Cølömanni ni cïpe ko olämme mo wø waaŋ bäre ma kuma bäät gïn wø cïp olämme bääte mana en kaace.

2 Nyeye 24:18

'Ba Cëdëkiya kanya tïme na nyeya, cwiic dööŋö moe pïërariiø kurciel, ni bëëde ni ena nyeya ki cwiiri apaar kurciel yi Jerucalem. 'Ba nyeŋ menni beeye Amutal nyi Jeremaya nyï Libana.

2 Luup Nyeye 36:11

'Ba kanya tïm Cëdëkiya na nyeya, cwiic dööŋö moe pïërariiø kurciel, ni bëëde ni ena nyeya ki cwiiri apaar kurciel yi Jerucalem.

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Jeremaya 23:28

Beerra man ö nyikuŋ Jwøki mana lägö ni caan gø ni beeye lääk mare keere, 'ba beerra man ö nyikuŋ Jwøki mano wïny luumma ni caan gø na kare. ?Aŋø, lethø pere wø leth kaamar beel?

Jeremaya 27:1

Man beeye dwøl mana caan Wuuö Jwøki jïra, a na Jeremaya, kanya täk Cëdëkiya ö Jöcaya ki man bëëde ni ena nyeny Juuda.

Jeremaya 27:12

'Ba teeŋ luupögø bëët acaana jï Cëdëkiya nyeny Juuda, ni kööa, ni «Jïëyu ki man bëëdu tier teek mar nyeny Babiløn na caal jaath puur man wø twöö ŋut rwaath, ni bëëdu ni uuna laaŋe moe ki jiye; køøre u bëëdö nou kwøw.

Jeremaya 27:3

Ni jääŋŋï dwøl baŋ nyeny Ëdöm, ki nyeny Möap, ki nyeny Amön, ki nyeny Tayar, ki nyeny Caydan, ni jääŋŋï ka jøøa jääŋŋi na ö Jerucalem baŋ Cëdëkiya nyeny Juuda.

Jeremaya 28:11

Ni ö Ananiya ni cääne ni jiy bëët nutö, ni kööe, ni «Luumma caan Wuuö Jwøki beeye en, ena köö, ni ‹Kaawat mana räny jaath puurri manøgø, aani, teek mar Nabukedenecör nyeny Babiløn na en bäät wïth juurre bëët ni caal jaath puur man wø twöö ŋut rwaath raanynya raanynyø ki yïth cwiiri ariiø.› » Køøre nyikuŋ Jwøk ma Jeremaya aput aay jaak ki jööre.

Jeremaya 28:17

'Ba yi cwiinøgø kiree, kanya tïme na dwää abïriiø, nyikuŋ Jwøk ma Ananiya aput thøø.

Jeremaya 28:5

'Ba nyikuŋ Jwøk ma Jeremaya luummögø ajøle jï nyikuŋ Jwøk ma Ananiya nyïm dïlämme ki jiy bëët moa näk cuŋŋö yi Øt Wuuö Jwøk,

Jeremaya 29:15

Uuna köö, ni «Wuuö Jwøk waana mooe ki nyïïkuk Jwøk Babiløn kany.»

Jeremaya 36:12

ena put ci paan dwøŋ yi thääŋ øtø mar ŋat wø göör luup akwöma piny, ni jøøa kwörge døøŋŋø bëët opï piny kaace, ni beege Elicama, ŋat wø göör luup akwöma piny, ki Delaya o Cemaya, ki Elnathan wär Akbör, ki Gemariya o Capan, ki Cëdëkiya wär Ananiya, ki jøøa kwörge døøŋŋø møga bëët.

Jeremaya 37:13

'Ba kanya pïïe dhi kiir man wø cwøl ni Dhi Kiir Benjamen, ŋata bëëdö na wïth jø koor, mo nyeŋŋe Iriya o Celemiya wär Ananiya ena kaace. Ni ö eni ni mak nyikuŋ Jwøk ma Jeremaya, ni kööe, ni «Ïïni, ï kwala riï nee riï cïpï jï jø Babiløn.»

Jeremaya 37:19

?Aŋø, nyïïkuk Jwøk mou moa cäänö ki uuni na köö, ni ‹Nyeny Babiløn ba ö baŋu baŋ leny, ni ba ö baŋ leny paani,› geni, ge enge kaa ennø?

Jeremaya 49:34

'Ba kanya ö Cëdëkiya na täge ki man bëëde ni ena nyeny Juuda, dwør Wuuö Jwøk aö bäät nyikuŋ Jwøk ma Jeremaya kiper Ilam.

Jeremaya 51:59

'Ba kanya ö Ceraya o Neriya nyikwaar Maciya na aacge ki Cëdëkiya nyeny Juuda ni ge cøøa Babiløn ri ŋweer cwiiri moa beet Cëdëkiya ni ena nyeya, nyikuŋ Jwøk ma Jeremaya acïpö ki dwøl jï Ceraya. Kar kaace Ceraya beeye nyikugö.

Edhikiel 13:6

Ge cäänö ki luup tööt ni da gïï mo onyoodhø jïge, ni marge adïëda jaak, ni ge köö, ni «Wuuö Jwøk aköö na ennø nø,» ni ge kär jääŋ Wuuö Jwøki. 'Ba ge poot ŋäädhö jaak ni luup moge thura karge.

Odheea 7:3

Yi nyeya tïïcge tïïö ni met ki japa reyø moge, ni tïïcge yïth kwääri ni met ki tööt marge.

Jøcua 10:12

'Ba ni poot na dïcäŋ mana ö Wuuö Jwøki na cïp jø Amör ceŋ jø Icriel, Jøcua acäänö ki Wuuö Jwøk, ni caan luup moi ii ki teek Jwøk ni nëënö jï jø Icriel, ni kööe, ni «Wui cäŋ, put bëëtö niï cuŋŋö bäät Gibien, 'ba ï na dwääy, put bëëtö niï cuŋŋö bäät goor Ayalön.»

Jøcua 9:3

'Ba jø Gibien kanya wïnyge gïna tïïc Jøcua dëër pääny Jerikö ki pääny Gaay,