Jeremaya 27:12 - Wëël Jwøk

¹² 'Ba teeŋ luupögø bëët acaana jï Cëdëkiya nyeny Juuda, ni kööa, ni «Jïëyu ki man bëëdu tier teek mar nyeny Babiløn na caal jaath puur man wø twöö ŋut rwaath, ni bëëdu ni uuna laaŋe moe ki jiye; køøre u bëëdö nou kwøw.

Jeremaya 27:12 Cross References

Pwöc Leec Wïc 1:33

'Ba ŋato wïny mara obëëdö no ogwøø, ni bëëde ni yie met ni ba lwäär ki gïï wø leth wø tägi.»

Jeremaya 17:4

Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Jeremaya 21:9

Ŋato bëëdö yi pääny man thøw ki käc ki täw mo leth, ni nääi ko opëëllö. 'Ba ŋato aa wøk ni cïp cere jï jø Kaldia moø ni u ege ciel dïër yøø, eni kwøw, ni bøth jwïëyi moe.

Jeremaya 27:8

« ‹'Ba ni näk mo da wï jur wala akwöm nyeya mo kweer ki man bëëde ni ena laŋŋø mar Nabukedenecör nyeny Babiløn, ni ba jïëy ki man bëëde tier teek mare na caal jaath puur man wø twöö ŋut rwaath, a na Wuuö Jwøk, wï jur manøce jääla jäälö, ni thøwge ko opëëllö ki käc ki täw mo leth, këël mano thööra geni ki cere.

Jeremaya 28:1

'Ba kanya tïme na køøre cään, ni poot na yi cwiinøgø, ri ŋweer cwiiri moa beet Cëdëkiya ni ena nyeny Juuda, kanya tïme na dwää abïïc, nyikuŋ Jwøk ma Ananiya wär Adhur, na käl Gibien, acäänö ki aani, a na Jeremaya, yi Øt Wuuö Jwøk, nyïm dïlämme ki jiy bëët, ni kööe,

Jeremaya 28:2

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Teek mar nyeny Babiløn na en bäätu ni caal jaath puur man wø twöö ŋut rwaath araanynya.

Jeremaya 38:17

Køøre Jeremaya aköö jï Cëdëkiya, ni «Luumma caan Wuuö Jwøki, Jwø Icriel, eni na wïth jammi bëët, beeye en: Ni näk cerï cïpï cïbö møn jï jøøa kwörge døøŋŋø mo nyeny Babiløn, ï bëëdö niï kwøw, ni pääny man ba waaŋ, ni ö ïïni ki jø paarï ni bëëdu nou kwøw.

Jeremaya 42:11

Uuni, käru bëëdö nou lwäär ki nyeny Babiløn, manø ni lwäärru ki gø enø. Käru lwäyö ki eni, kiper a ena buutu, naa peemma uuni ni käla uuni wøk cere.