Jeremaya 23:10 - Wëël Jwøk

¹⁰ Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 23:10 Cross References

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Aydheea 24:6

Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Aydheea 5:18

'Ba otïmö ni leth jï jø wø tuut raay bäätge ki jöör tööt, kaawat man wø tuut gïrpiny bäädi ki thøøl, ni wø tuut rääö bäätge kaawat man wø tuut jää okweeny,

Jeremaya 12:11

Geni ŋöömö mara oraanyge møn, ni bëët ŋöömö ni jwöŋö dëëra; ŋöömö bäre otïïcge na kany mo oränynyö, ni bäŋe ŋat mo caar gïr gø.

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 6:13

Kiper ki mana täge ki jiy moa kwörge bäŋgø, këël mana pïïe ri jøøa kwörge døøŋŋø, ŋati man nø atïmö ni cwïnye päl ki jammi mo joot ki jïëth atade. Këël nyïïkuk Jwøk ki dïlämme bëët, ŋati man nø atïmö ni tïïya tïï cwøk.

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Jeremaya 9:10

Aani, a jwöŋö ni kïmma kiper powa bäre, këël kïte moa en yie, ni gööa ko oduuru kiper kwör kwaath na en dï paap, kiper gena ränynyö, ni bäŋe ŋat mo ci yïthge, ni bäŋe dwør dhieŋ mo wïnyi. Ni ö wenynyi ki lääy bëët ni bwøkge ni aacge.

Jeremaya 9:12

?Aŋa nø ni wïïe leer, ni ŋäc tier gïnögø? ?Na aŋa nø na cään Wuuö Jwøki ki gø, nee luum Wuuö Jwøk købe? ?Na aperŋø na räny ŋöömö ni tïme kaamar paap mo bäŋ dhaanhø mo ci yie en?

Jeremaya 9:2

Wui, aŋø ni ba tïme ni da abïla jïra mo bëëda yie dï paap en, mo caala kany wø but jø wääthi yie, naa paanya raa buut jø powa ni wiia geni! Kiper gena jø lugi bëët, ni gena lwaa jiy mo tïïö ki gïï mo reyø ki piny.

Odheea 7:4

'Ba gena jø luuy ge bëët, mo cwïnyge lïëth kaamar buur maa dääpe man wø äp ŋat wø budö, ni wø wec ni wärri jaak këël kanyo kïth dääpe yie.

Jool 1:10

Pwöth aränynyö, ni bëët ŋöömö ni jwöŋö. Beel aränynyö, ni ö jer omøki ni talge, ni ö jer wø nyïïge wel na maaw ni bäpge.

Ciik Kiper Dïlämme 5:1

« ‹'Ba ni näk mo da dhaanhø mo obääyö, ni beeye kiper eni dwøl mana caan wïnyö jïre, kanya kööm jiy ki nyeŋ Jwøk, nee ŋati man nø mare caane, ni eni doo løny jïre ki mana dee adïëri mare lamø kiper gïna näk ee raŋø wala gïna näk ee kwanyø, 'ba eni bäŋ gïn mo caane, teeŋ ŋatøgø bääyö mare ena bääte keere.

Jepaniya 3:4

Nyïïkuk Jwøk moe gena jiy mo wïthge reyø, ni wïth jiy maaŋge maaŋŋø. Dïlämme moe kar lam mana en kur keere atïïcge ni ba waany, ni raanyge ciik.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Jeemeth 4:4

?Nyie, u ni wø kwier luum Jwøk en, kuyu ni ŋat wø näk nyïïawäädi ki piny, mare män ki Jwøk? Kiper manøgønø, ŋat wø many piny nee tïme na nyawatge, wø tïïya ree ni ena nyimän Jwøk.