Jeremaya 22:3 - Wëël Jwøk

³ Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 22:3 Cross References

2 Camiel 23:3

Jwø Icriel mare anø caane, ni beeye Jwø Icriel na teek na cäänö ki aani ni kööe, ni ‹Ŋato bëëdö na nyeya ni käär jiy ki jöö ma kare, ni jiy kääre ni eni lwäära aani, a na Jwøk,

2 Nyeye 24:4

këël rep jiy thuwø moa näk bäŋ gïn mo ege baaø na køny piny, na pääŋ dï Jerucalem ki remge. 'Ba Wuuö Jwøk yie käre warø.

Jööp 22:9

Määr thuunhnhi gena cöörï wøk ki ceŋge jaak, ni tïïyï bëët kïïe ni teek.

Jööp 24:9

'Ba ki røk jøøa reyø, møøk thunh wø cöötge wøk dhøk obwöre moa näk wëëkge othøw, ni käl geni ki nyeŋ pïït kööth mëëkge na can.

Bwøth Wøk 22:21

«Käru bääyö dëër dhaanhø mo bëëdö na wëëllö mo path, ni ba tïïu ree ki gïn mo raac, kiper uuna bëëdö yi ŋööm Ijep ni uuna wëëlle mo path.

Bwøth Wøk 22:22

«Kär dee dhaagø ma cï thøø wala dhaanhø ma kïïc mo caannu.

Pwöc Leec Wïc 23:10

Kär niï daaga gïr waŋ keew mana nut cøøn, ni ba nyiigï gø yi pwöth ŋat mo bäŋ wänni;

Pwöc Leec Wïc 6:17

beege nyeŋŋi mo raŋa jiy piny, ki leep ma twöt, ki ceŋ mo wø køny rem jøøa beyø piny,

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 58:6

«'Ba wödö mana manynya beeye en: Beeye ki man pätu jøøa no otwöö yi bëëtö mo leth, ni kälu tëëra peek wøk bäätge ni wø caal jaath man wø rïï ŋut dhieŋ ri puur. Beeye ki man pätu jiy moa no ocaannø, ni ö japa peek bëët na en bäätge, na caal jaath puur manøgø, ni kälu ge wøk.

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Jeremaya 19:4

Kiper jiy 'moa aana wecge, ni tïïcge kany na kany wø lamge juu mo wïth juurre yie, ni waaŋge gïn wø jïye ŋwääi ni met jï juu moøgø mo kucge, mo kuc kwäcge, këël nyeye mo Juuda; ni pääŋge kany ki rem jiy mo bäŋ gïn mo ege baaø.

Jeremaya 22:17

'Ba ïïni, waŋï ki cwïnyï wø ena køør jammi mo wø jöötï ki jïëth atade, ki køny rem jiy piny mo bäŋ gïn mo ege baaø, ki 'caar jiy ki thiel jiy piny.»

Jeremaya 26:16

'Ba jøøa kwörge døøŋŋø ki jiy bëët aköö jï dïlämme ki nyïïkuk Jwøk, ni «Ŋati en mare ba doo ŋøla yi thøø, kiper ena cäänö jïïø ki nyeŋ Wuuö Jwøk, Jwøk marø.»

Jeremaya 5:28

Geno lør ni dëëtge pulli, ni geno pöödhö ki tïïc gïïa reyø. Luum kïïc bäŋ wø ŋølge na adïëri, nee bëëtö mare tïme na wøp, ni ge ba pïëmö kiper adïëri mar jøøa can.

Jeremaya 7:23

'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Jeremaya 9:24

'ba ŋat mo töödö, wär tööde kiper mana näk mo wïïe da acaara ki man ŋäc aani, a na Wuuö Jwøk, ni ŋäc gø ni beeye aani ni wø nyooth mëër man wø ba jøøl, ka adïëri ki bëënynyö bäät piny, kiper yia wø met ka teeŋ gïïögø.» Luummögø caana Wuuö Jwøki.

Wëël Kïmmö 3:36

ki kany wø kaat luup bäät dhaanhø kar løøk, ?iï caarø ni Jwøk gïïögø ba neete?

Edhikiel 18:12

ni jøøa can na näk oööl caare caarø, ni twëëdö, ni gïn mo ee kälö na dïgïti ba dwøge jï ŋata mäyö baŋe, ni eni bëëdö ni wøøra kït gïï wø lam, ni eni tïïö ki gïï mo yia raac ki ge,

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 22:7

Jiy moï bäŋ wödö mo tïïcge kiper wëëe ki mëëe yi paayø; ge bëëdö ni wëëlle caarge caarø, ni ge tïïö ki gïï mo reyø dëët kïïe ki määr thuunhnhi.

Edhikiel 45:9

« ‹'Ba man bee luumma caan Kwäärö Wuuö Jwøki, ena köö: Wui, u na dïbwöthe mo Icriel, yïthu thumge nø ni weyu japa reyø ni wø tïïyu, ki thiel jiya piny, ni tïmu nou tïïya ŋøl ma kare, ki tïïc gïn ma adïëri, ni weyu jiya ki man riemu ge wøk ki yïth ŋøøm moge. Luummögø caana aani, a na Kwäärö Wuuö Jwøk.

Jool 3:19

Ijep ränynyö ni tïme na tëën, ni ö Ëdömmi ni tïme na paap mo otal, kiper gïïa leth na tïïcge dëët jø Juuda, ni beeye yi ŋöömma kønyge rem jiy piny yie mo bäŋ gïn mo ege baaø.

Ciik Kiper Dïlämme 19:15

« ‹Kärï ŋudö ki ŋøl mo patha kare kar løøk. Kär niï cwaga ŋata can, ni ba lwäärï ŋata kare dwøŋ; 'ba wär tïme ni mar dhaanhø ŋølï na kare.

Amøc 5:15

Männu ki gïna raac, ni mëërru ki gïna beer, ni cïpu ŋøl ma kare kar løøk; kanymør Wuuö Jwøk, eni na wïth jammi bëët, yie bänhnhö ki jø paac moa dööŋ.

Amøc 5:24

'Ba beerra man tïm ŋølli ma kare ni paac ee maa kaamar jwïïö, ni ö bëëtö ma kare ni pälle kaamar naam mo kwödö ni ba tal.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Tiet Ciik 10:18

Eni luubö di ŋølø na kare jï kïïc ki cï thøø, ni eni mëër ki wëëllö mo path, ni cïpö jïre ki cam ka abïï.

Tiet Ciik 24:17

«Luum jur mo bëëdö dïïu wala luum kïïc kär daaŋŋi kar løøk, ni ba käl abïï cï thøø na dïgïti.

Tiet Ciik 24:7

«'Ba ni näk mo da dhaanhø mo ŋat poge ee kwalø røk jø Icriel, ni tïïc gø kaamar laŋŋø wala ŋeewa gø ki dhaanhø mør, kuu manøgø noo maai, wär eni 'näk, nou raanynya gïna raac na en dïïu.

Tiet Ciik 25:1

«'Ba ni näk mo da pïëm mo otägö yïthakic jiy keerge, ni cige baŋ løøk, dïŋut luup luubö marge dege ŋølø, ni ö ŋata mare beer ni ŋunni, ni ö ŋata mare raac ni jääli.

Tiet Ciik 27:19

« ‹Acïëni oen bäät ŋato daaŋ luum ŋat ma jur mo bëëdö dïïu wala luum dhaanhø ma kïïc wala luum dhaagø ma cï thøø.› «Køøre ojøl jiyi bëët, ni köge, ni ‹Kare!›

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.