Jeremaya 2:21 - Wëël Jwøk

²¹ 'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Jeremaya 2:21 Cross References

Wïlöölö 18:19

Kiper ena jiera, nee obwöre moe këël nyïïkwaaye mo ööi køøre nee pwönynye ki man caathge køør dwøra, a na Wuuö Jwøk, ni ge bëëdö ka bëëtö mo beer, ni ge tïïya tïïe ma adïëri; kiper nee gïna buua jï Eeberam nee tïïa jïre.»

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Bwøth Wøk 15:17

Wui Wuuö Jwøk, geno bwøthï ni këëllï tietge piny bäät kïdi mana näk marï, kanya näk iï tïïö na näk kar bëëtö marï, ni beeye kanya en kur keere na näk marï na jiiŋŋï ki dëërï.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 27:2

'Ba dïcäŋeca da duut mo di wärö na ennø, «Wärru ki duut kiper pwöth jer omøki moa no onywøl.

Aydheea 41:8

«Wui, ï na dhaanhnha ma Icriel ni bee ï Jeekap na näk yaa jierø, ni bee ï na nyikwaar nyawatwa ma Eeberam,

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Jeremaya 11:16

'Ba Wuuö Jwøk uuna cwøle na jaath mo oløth mo mïërö mo nyïïe beyø; 'ba uuno ränynyi kaamar jaadhøgø noo waaŋe ki maac mo teek mo lwör kaamar atuunna, ni waaŋ bäädi moe ni thumge.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 5:10

Ni kö Wuuö Jwøki, ni «Cou yi pwöth omøki, ni beeye po jø Juuda, ni raanynyu gø, 'ba kär raanynyu bäre. Jäu bäätge wøk, kiper ge patha 'moa, a na Wuuö Jwøk;

Wëël Kïmmö 4:1

Aŋø, warkey otïmö ni cøl nidïï; Aŋø, warkey mana tøŋ ree ee wiilø nidïï! Gïïa beyø na geer Øt Jwøk ki ge, aøc piny këël mana pïïcge nyeŋ jïëthe.

Edhikiel 15:2

ni «?Wär dhaanhø, jaath mar omøk beere nidïï ni kaala bäädi mo jenni bëët mo wø en dï jenni mo paap?

Mathiew 21:33

'Ba Jecu aköö, ni «Cäŋu luubö mør wïnynyö mo keda leer. Da wää ŋøømmi mo opïïdhö ki jer omøki yi pwöthe, ni ciel gø ki ciel, ni tïïe ki kany wø bii nyïïomøki yie yi pwöthögø, ni gëëde ki øt koor, ni cïp pwöthögø ceŋ jø puur, ni aa paac mør.

Maak 12:1

Kanyøgø Jecu atägö ki man cään geni ki luup mo keda leer, ni kööe, ni «Da dhaanhø mør mo opïïdhö ki pwöth omøki, ni ciel gø ki ciel, ni tïïe ki kany bii nyïïomøki yie, ni gëëde ki øt koor, ni cïp pwöthögø ceŋ jø puur, ni aa paac mør.

Luk 20:9

Kanyøgø luummi ni keda leer en acaane jï jiy, ni kööe, ni «Da dhaanhø mør mo opïïdhö ki pwöth omøki, ni cïp pwöthögø ceŋ jø puur, ni aa paac mør ni ruue.

Jøøn 15:1

'Ba Jecu aköö, ni «Aana jaath mana näk adïëri. Ni Wära beeye ŋat wø tïïc jenni.

Tiet Ciik 32:32

'Ba nyïïmän moøgø ki dëëtge, gena jiy mo reyø kaamar jø Cødam ki Gømöra; ge caala nyïïomøki mo keec mo dëëtge da cïm.

Tiet Ciik 4:37

'Ba kiper mana ö Wuuö Jwøki na mëëre ki kwäyu, eni nyïïkwaacge ajiere, ni ö eni ki dëëre ni käl uuni wøk ki dï Ijep ki køør teek mare.

Jøcua 24:31

'Ba jø Icriel abëëdö ni ge tïnynya Wuuö Jwøk ki yïth cwiiri bëët moa beet Jøcua ni kwøw, këël yïth cwiiri bëët moa beet jø døøk Icriel moa dööŋ ni kwøw køør thøw Jøcua, ni beege jø døøŋŋø moa ŋäc tïïe bëët moa tïïc Wuuö Jwøki kiper jø Icriel.