Jeremaya 17:4 - Wëël Jwøk

⁴ Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Jeremaya 17:4 Cross References

1 Nyeye 9:7

aani jø Icriel käla wøk ki yïth ŋøøm moa cïba jïge, ni ö øtø mana näk yaa nø cïp kur keere kiper nyeŋŋa ni leeŋa gø wøk nyïma. Køøre nø, jø Icriel ge tïmö ni gena jø wø ŋäät dëëtge, ni bëëtge ni gena gïr waac yïthakic wïth juurre bëët.

2 Nyeye 25:21

Køøre nyeny Babiløn jøøgø anääe Ribala, päänya en yi ŋööm Amath. Manøgø beeye jöö mana ö jø Juuda ni käl ge yi ŋöömö marge ni ge mak ki tøŋ.

Neemiya 9:28

«'Ba kanya jïtge ki jwöm ennø, gena cäŋ tïïö ki gïï mo nëëni ni reyø nyïmï, ni cïbï geni ceŋ nyïïmän moge, ni bëëtge ni ge ena tietge. 'Ba kanya cäŋge jwöŋö dëërï, marge awïnynyï niï ena maal; køøre ïïni ki køør mëër marï, gena køønynyï ki kwöre mo thööth.

Aydheea 14:3

'Ba dïcäŋeca, kanyo ö Wuuö Jwøki noo mooc uuni ki jwöm yi bëët rääm mana rämu ki gø, ki yi caarø mana caar uuni ki gø, ki yïth tïïe moa teek na wara tïïyu nou ena tier laŋ,

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 50:11

'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Aydheea 66:24

Køøre geno ci wøk ni raŋge dëët jiy moa no othøw na gëëmö ki aani. Kiper twöŋi moo cam dëëtge ba thøw, ni ö maaci mana jääl ge ki gø ni bëëde ni ba bïp, ni putge tïmö na gïn mo raac døc ki baŋ jiy bëët.»

Jeremaya 12:7

Ni cäŋ Wuuö Jwøki köö jïra, ni «Aani jiy 'moa awiia, ni kwiera geni, ge na näk thööga. Geni na mëëra ki geni ki cwïnya bäre, gena cïba ceŋ nyïïmän moge.

Jeremaya 15:14

Aani, u cïba ceŋ nyïïmän mou, ni tïnynyu geni paac mo kuyu, kiper wëër mara na liel na wääŋö kaamar maac käla bäätu.»

Jeremaya 16:13

'Ba ennø, u riema wøk yi ŋöömö man, ni cou yi ŋöömö mør mo kuyu, mo kuc kwäyu thuwø, ni tïmu nou tïnynya juu møøk ki cääŋŋe ki wärre kaace; kiper bäŋ met ec mo nyoodha jïïu.›

Jeremaya 18:23

'Ba ï na Wuuö Jwøk, gïï mo pïï ri thøø na tut jøøgø kipera bëët ŋäyï. Kär bääyö marge uumï, ni ba gööbï raay moge wøk nyïmï. 'Ba beerra man ränyge nyïmï, ni kanyo kööï niï wëër yie, wärï tïïï ki gïn mo leth dëëtge!

Jeremaya 2:14

«?Aŋø, Icriel a laŋŋø? ?Aŋø, eni nywöli na laŋŋø cøøn? ?Aperŋø nø ni tïm nyïïmänni moe ni manynya eni keda gïn mo di camø en?

Jeremaya 22:28

Ennø, nyenøgø na Jekönaya enø, atïmö ni caala dak mo othøw mo pere ba leth, na dak mo bäŋ ŋat mo many gø këët, ni beeye na wet eni ki wääte en, ni leeŋ geni yi ŋöömö mo kucge.

Jeremaya 5:19

'Ba kanyo kö jø pou, na ‹?Aperŋø na ö Wuuö Jwøki, Jwøk marø, ni tïïc gïïo ni leth bëët yøø dëëtø?›, ï na Jeremaya en, wärï kööï jïge ni Wuuö Jwøk aköö, ni ‹Kaawat mana weyu aani ni tïnynyu juu moa path yi ŋöömö maru, jiy mo path otïnynyu thuwø yi ŋöömö mo patha maru.› »

Jeremaya 5:29

?Aŋø, ge ba jääla gø nidïï kiper teeŋ gïïögø? ?Aŋø, gïnögø ba coola gø nidïï dëër paac mo temma teeŋ gïïögø?› » Luummögø caana Wuuö Jwøki.

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Wëël Kïmmö 1:12

«?Aŋø, u ni wø pöödhi ki buuta en, ki jïïu ni man beeye gïn mo bäŋ tiere jaak? Neennu, ni raŋŋu gø, ?aŋø, da teeŋ caarø mo otïïö mo caala mara man no otïïö dëëra en, ni beeye mana tïïc Wuuö Jwøki dëëra yi cäŋ wëër mare ni wø liel kaamar maac?

Wëël Kïmmö 5:2

ŋøøm moa cïpï jïwa akäl jø møøki, ni ö mïëri mowa ni tïmge na mo wëëlle.

Edhikiel 21:31

Gootø käla bäätu, ni ö wëërri mara ni wø liel kaamar maac ni kønynya gø bäätu; aani u cïba ceŋ jiy mo reyø døc mo geno kwänynyö døc ka aranya.

Edhikiel 7:24

Aani, a kännö ki wï jur mana näk raac døc, nee öge kuna lwørge mïëri mo jøøgø; aani, a ööa kuna raanynya atöör mar jøøa teek, ni ö kwör lam moge na en kur keerge ni wëëga ge nipäät.

Tiet Ciik 28:25

«Wuuö Jwøk u wëëge böötö nyïm nyïïmännu. U aa wøk baŋ leny baŋge nou caatha jöö aciel; 'ba u bwøk nyïmge ni reŋu ki uutjïëthe abïriiø, ni ö wïth juurre mo bäät piny ni bwøk cwïnyge ki gïïa tägö dëëtu.