Jeremaya 15:8 - Wëël Jwøk

⁸ Määr thuunhnhi otïïa ni thööth ni kaala nyeŋ akwöny deŋ näpa døøŋŋø; aani, a känna bäät mëëk wøpe ki jiy mo raanynya geni ki dhöör dïcäŋ. Ki nyi kany mo thiinh, kïmmö ki lwär okäla bäätge.

Jeremaya 15:8 Cross References

Aydheea 3:25

Cwøw moge ge di nääö ko opëëllö, ni ö jø lenynyi moge moa teek ni thøwge ri leny.

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 4:1

'Ba dïcäŋeca, mään abïriiø dïcwøø aciel ogamge ni köge jïgø, ni «Beerra man tïmï ni ïïna cøwa, nee laac wïc marwa nee aae bäätwa; 'ba cam mano camwa ka abïïe moo käärwa ojootwa baŋwa keerwa.»

Jeremaya 16:3

Kiper mana ŋøla, a na Wuuö Jwøk, kiper obwöc cwøw ko obwöc mään mo wø nyøølli yi ŋöömmi en, ki mëëkge ki wëëkge ni wø nywøl geni, beeye en:

Jeremaya 18:21

Kiper manøgønø, cïp geni dho opëëllö, ni wëëgï obwöre moge thøø ki käc. Beerra man tïm määrge na määr thuunhnhi, ni bëëtge ni bäŋ obwöre jïge. Beerra man 'näk cwøwge ni thøwge, ni ö wøpe moge moa teek ni 'näk geni ko opëëllö ri leny.

Jeremaya 22:7

Aani, jøw oraany ïïni jääŋŋa jääŋŋö baŋï, ni ŋati man nø cere da jap leny moe; ni öörge jer geer moï wøk moa beyø, ni leeŋge geni yi maac.

Jeremaya 4:16

Ni kö Wuuö Jwøki, ni «Ennø, caannu jï wïth juurre, ni køpu gø dï Jerucalem, ni jøw mo tiega paac oööi ki paac mo kare bäär, ni kwöŋge bäät päänye mo Juuda.

Jeremaya 5:6

Kiper manøgønø, geno näk ŋuuwi mo ööi ki yi lul, ni ö orudö mo ööi ki dï paap ni cam geni. Kwac obëëdö ni kurö dhøk kiiri mo päänye moge, ni ŋato ö wøk jaak pute ka jeeyø na thäŋi; kiper raay moge atïmö ni thööth, ni gïïa gaage wøk ki ge thööth døc.

Jeremaya 6:26

Wui jø pøø, røøu keeca dëëtu, ni buugu dëëtu ki bur. Jwöŋu døc kaamar dhaanhø mo jwøga wääde ma aciel; jwöŋu ni cwïnynyu you keeyø døc, kiper ŋato raany øøni laara ö bäätø.

Wëël Kïmmö 5:3

Waana tïmö kaamar kïïe mo bäŋ wääge, ni ö mëëkwa ni tïmge kaamar määr thuunhnhi.

Edhikiel 22:25

Dïbwöthe moe moa en yie ge bëëdö kaamar ŋuuwe mo märö bäät lääy mo bakge bagø; jwïëc jiy araanyge ni kälge jammi mo jiy ki gïï møøk mo perge leth. 'Ba ki køør 'näk mana tïïcge, mään mo thööth awëëkge dööŋŋe na määr thuunhnhi.

Odheea 4:5

U bëëdö nou cwanynya tietu ki dïcäŋ ki wäär, ni ö nyïïkuk Jwøki ni cwanyge tietge ki uuni ciel. Kiper manøgønø, Icriel na caal miiu, raanynya raanynyø.

Luk 21:35

Kiper cäŋöce ööa bäät jiy bëët moi ni bëëdö wï ŋöömö bäre en.