Jeremaya 15:3 - Wëël Jwøk

³ «Ni mana ŋøla, a na Wuuö Jwøk, beeye naa kännö ki teeŋ gïïpinyi aŋween mo raanynya geni, ni beege opëëlle mo ŋaal ge ki ge, ki guu mo tuuda dëëtge wøk ni cama geni, ki wec maal ki lääc paap mo cam geni ni raanyge geni.

Jeremaya 15:3 Cross References

Aydheea 18:6

Ni putge dööŋŋe jï weny mo wø cämö ni ge cwëëdhö ni wø bëëdö bäät kïte, ki jï lääc paap, ni tïmge na cam jï weny moøgø ki öörö bäre, ni tïmge thuwø na cam jï lääc paap ki cwiir bäre.

Jeremaya 12:9

Jiya atïmö kaamar wenyø mo path ki jï weny, mo ociel wenynyi bëët dïër. Cou ni cooŋu lääc paap bëët kanya ciel, ni kälu geni nee jiya ni caal wenynyøgø enø camge.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 14:16

Ni ö jø wø køpge luup jïge ni thøwge ri leny ki käc, ni leeŋ dëëtge wøk dï uutjïëthe mo Jerucalem, ni beege geni ki dëëtge, ki määrge, ki wäätge, ki nyïïge bëët, ni bäŋe ŋat mo koony geni, naa dwøga raay moge wïthge.

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 7:33

Ni tïm dëët jøw othøw na cam jï wec maal ki lääc paap, ni bäŋ ŋat mo riem geni.

Wëël Kïmmö 3:11

Aana cöör wøk uutjïëthe 'moa, ni ŋør aani na thäŋi ni leeŋ a piny, ni tïme ni bäŋ køny kipera këët.

Edhikiel 14:21

'Ba luumma caan Kwäärö Wuuö Jwøki bee en, ena köö, na «A teeŋ ränynyö mo nyïëdi noo tägi kanyo jääŋŋa ajäle aŋween 'moa mo reyø bäät jø Jerucalem, ni beege opëëllö, ki käc, ki lääc paap, ki täw, nee ge nääa ki lääc paac moge!

Edhikiel 33:27

«Caanï jïge ni man beeye luumma caan Kwäärö Wuuö Jwøki, ena köö, ni ‹Kaawat man bëëda naa kwøw en, jiy moa no odööŋ kwöra no oränynyö ge di nääö ko opëëllö, ni ö jiyi moa en ŋää paac ni wëëga ge lääc paap nee ge cam, ni ö jiyi moa en kwör gwøk røk moa teek ki moa en yïth agäp-kïte ni wëëga ge thøø ki täw mo leth.

Ciik Kiper Dïlämme 26:16

aani thuwø, gïï ii tïïa tïïö dëëtu: a känna bäätu ki lwär mo cwöba dëëtu, ki täwe mo leth, ki teeŋ adïrïgi mo tïïya nyeŋŋu ni ba nëënö, mo cama dëëtu. Caammi mou opiithu ki jaak, kiper nyïïmän mou öö ni camge caammi moøgø.

Ciik Kiper Dïlämme 26:22

Aani cwëënyi mo paap mo owär jääŋŋa jääŋŋö dïïu, ni thöörge obwöre mou, ni dïïrge wïth lääc paac mou.

Ciik Kiper Dïlämme 26:25

Aani thuwø a känna bäätu ki leny naa jääla uuni kiper mana raanynyu luumma tuuda ki uuni, ni kanyo bëëdu ni dëëtu you cooŋ yïth päänye mou, täw mo leth jääŋŋa jääŋŋö dïïu ni päthu ceŋ nyïïmän mou.

Amøc 5:19

Otïmö keda dhaanhø mo ŋwieya ŋuu, ni røømme ki cwieny; køøre noo døny yi øde ni këël cere ri øtø, eni put thwölli ka cam.

Tiet Ciik 28:26

Ni ö rïk dëëtu ni tïmge na cam jï wec maal ki jï lääc paap mo bäät piny. Ni tïme ni bäŋ dhaanhø mo riem geni bäätu.

Tiet Ciik 32:24

Ge raany käci raanynyø, ni thumge ki täwe mo leth; ni thumge ki thumö mo raac døc. Ni jääŋŋa lääc paap baŋge nee ge cam; ni jääŋŋa thwöre mo dhøkge da cïm baŋge.

Mana Nyooth 6:8

Ni nëënna, ni jooda okweeny mør mo obwörö, mo bääte da ŋat mo nyeŋŋe Thøø, ni kar bëët jwïëc jøøa näk othøw cäädha køøre. Ni geno wëëk teek bäät ŋweer thääŋö mar piny, nee 'näkge ko opëëllö, ki meel, ki ŋwiili, ni wëëk geni 'näk dhøk cwëënyi mo owär.