Jeremaya 13:11 - Wëël Jwøk

¹¹ Kiper ka adïëri møn, kaawat man wø bëët abïï no okïth dhaanhe dëëre ni teek, jø Icriel bëët ki jø Juuda bëët akäla raa, nee bëëtge na jiya, nee nyeŋŋa wïnye, ni jïta ki pwøc ka ajiem ki køørge; 'ba luumma kärge wïnynyö.› » Luummögø caana Wuuö Jwøki.

Jeremaya 13:11 Cross References

Aydheea 43:21

Jiya moa tïïa kiper dëëra ajiem mara caange caanø.

Aydheea 62:12

Køøre jøøgø, ge di cwølø ni gena jiy mo ena kur keerge, ni beege jøøa wïïl Wuuö Jwøki wøk, ni cwøl Jerucalem ni Pääny Mana Manynyi, na Pääny Mo Kär Wiiø.

Jeremaya 13:1

'Ba mana caan Wuuö Jwøki jïra, a na Jeremaya, beeye en, ena köö, ni «Ciï ni ŋëëmmï dëërï ka abïï ma lïïna, ni dwølï gø dëërï; 'ba kär niï cøta gø yïth pïï.»

Jeremaya 13:10

Geni na jøøa reyø, ni wø kweer ki man wïnyge luup 'moa, ni wø bëëdö ni ge caatha køør teek wïc marge, ni wø caath køør juu møøk nee tïnyge ni wøørge geni, ge tïmö ni ge caala abïïnögø ni bäŋ gïn kønye këët enø.

Jeremaya 13:12

«'Ba ï na Jeremaya en, caan luummi jïge, ni ‹Luumma caan Wuuö Jwøki, Jwø Icriel, beeye ni dääe bëët doo pääŋö ki køøŋ nyïïomøki.› 'Ba geno kööi, na ‹?Aŋø, kucwa cøøn ni dääe bëët doo pääŋö ki køøŋ nyïïomøki?›

Jeremaya 19:15

ni «Luumma caan Wuuö Jwøki, Jwø Icriel, eni na wïth jammi bëët, beeye en, ena köö, ni ‹Ka adïëri møn, aani, gïïa leth bëët na nø caana käla bäät pääny man ki bäät mïëri bëët moa en deŋŋe, kiper wïthge adøøcge mo teek ni kweerge ki man cekge ïthge ki luup 'moa.› »

Jeremaya 32:20

Ïïna tïïö ki nyuuthe ki gïï mo rëëma ec yi ŋööm Ijep, ni ï wø poot tïïö ki nyuuthe yi ŋööm Icriel ki dï jiy ma teeŋi këël dïcäŋi en, ni tïïyï nyeŋŋï nee wïnye kaawat man bëëde dïcäŋi en.

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jeremaya 6:17

Ni kö Wuuö Jwøki, ni «Aana cïpö ki dïkuye jïïu mo koora uuni, ni kööa, ni ‹Cegu ïthu kanyo koothge tuuŋ!› 'Ba uuna köö, ni ‹Jïwa bäyö, ïthwa ba cekwa.› »

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:23

'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Jeremaya 7:24

'Ba mara kärge wïnynyö, ni ïthge kärge ciiø ki dwøra, 'ba gena tïmö ni ge cäädhi ka køør acaare moge, ki køør teek wïc marge na öö ki køør rääö mana en cwïnyge; ni bëëtö marge ba cääth maal, 'ba døøa piny.

Jeremaya 7:26

'Ba uuni, mara käru wïnynyö, ni ïthu käru ciiø ki dwøra, 'ba wïthu adøøyu mo teek, ni tïïu ki gïï mo reyø mo kaala moa tïïc kwäyu.

Amøc 3:1

Uuni na jø Icriel, wïnynyu luummi en na caan Wuuö Jwøki dëëtu, na caane dëët jø dhi øt Icriel bäre moa käl wøk ki yïth ŋøøp Ijep. Ena köö,

Luk 10:11

ni ‹Këël tør pou ni en tietwa en, teeŋwa dëëtu. 'Ba wär ŋäyu ni buc Jwøk anø ö kany mo cään ki uuni.›

Tiet Ciik 26:18

'Ba dïcäŋi Wuuö Jwøk thuwø mare acaane ni kööe ni uuna jiye moa perge leth jïre, kaawat mana caan gø jïïu, ni kööe ni ciik moe bëët dou gwøø.

Tiet Ciik 26:19

Ni kööe ni uuno tïïe nou ena maal wïth juurre bëët moa cwääe, ni tïmu ni uuna jiy mo di pwøø, mo nyeŋŋu ŋäc, mo di wøørø, ni uuna jiy mou ena kur keerge jï Wuuö Jwøk na näk Jwøu, kaawat mana caan gø.»

Tiet Ciik 4:7

?Aŋø, da wï jur mørø mo dwøŋ mo jïge da jwøk mo kare cään ki geni, kaamar Wuuö Jwøk na näk Jwøø ni wø kare cään ki øøni, ni wø wïny lam marø kany wø kwaaø gø?

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.