Jeremaya 11:4 - Wëël Jwøk

⁴ na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 11:4 Cross References

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

1 Nyeye 8:51

kiper gena jiyï ni beege moa näk moï, na kälï wøk ki Ijep na caal këën thäth mo liel.

2 Nyeye 18:6

Kiper ena bëëdö ni eno göök ri Wuuö Jwøk, ni køør Wuuö Jwøk ba wiie ki caath, ni bëëde ni gwøga ciik Wuuö Jwøk moa ö Wuuö Jwøki na kööm Modhe ki ge.

Bwøth Wøk 20:6

'Ba jø wø mëër ki aani ni wø gwøk ciik 'moa, mëëya ni wø ba jøøl nyoodha nyoodhø jïge, këël mano pïïe ri jiy ma kum kum.

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 48:10

Ka adïëri møn, bëëtö mo leth akäla bäätu naa päära uuni, kaawat man wø leeny gwel-bïrö ki maac, 'ba bäŋ gïn mo beer mo yaa joodø baŋu.

Jeremaya 11:7

Kiper kwäyu aköömma døc kanya käla geni wøk ki Ijep, ni bëëda naa köömma geni cooth këël dïcäŋi en, naa wø köö, ni «Wïnynyu dwøra.»

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 26:13

'Ba ennø, tiirru jöör bëëtö maru ki tïïe mou, ni wïnynyu dwør Wuuö Jwøk, Jwøk maru; køøre Wuuö Jwøk cwïnye odwøk piny, ni ba tïïc gïna leth na caane ni dee tïïö dëëtu.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 32:28

Kiper manøgønø, gïn caana en, a na Wuuö Jwøk, beeye en: Ka adïëri møn, päänyi en 'cïba ceŋ jø Babiløn, cer Nabukedenecör nyeny Babiløn, ni mac gø.

Jeremaya 38:20

'Ba Jeremaya aköö, ni «Ï ba cïpge ceŋ jøøgø. Beerra man wïnynyï luum Wuuö Jwøk man caana jïrï en; køøre tïmö ni beer kiperï, ni bëëdï niï kwøw.

Edhikiel 11:20

Køøre nø, geno cäädhi køør ciik 'moa ni gwøkge luup 'moa, ni kïthge gø bäät tïïc. Geno bëëdö na jiy 'moa, ni bëëda ni aana Jwøk marge.

Edhikiel 14:11

kiper nee jø Icriel tïmge ni wïthge ba løøge wøk ki aani këët, ni dëëtge ba raanyge keerge këët ki raay moge bëët. 'Ba geno bëëdö na jiy 'moa ni bëëda ni aana Jwøk marge.› » Luummögø caana Kwäärö Wuuö Jwøki.

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Edhikiel 37:23

Ge ba bëëdö ni dëëtge ege päädö këët ki juuga reyø moge ki kït gïï wø lamge, na näk ec raac ki ge, wala ki teeŋ raay moge møga bëët. Kiper aani, ge piema piemø yïth raay moge moa wara enge yïthge, ni penya geni; ni bëëtge na jiy 'moa, ni bëëda ni aana Jwøk marge.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Daniel 3:26

Kanyøgø Nabukedenecör anyiik buut dhi kanya näk maac orubö yie ni wärri, ni put dwøre tïŋ maal døc ni cwöte, ni «Cidarak ki Micak ka Abedenagø, u ni wø tïny Jwøa Dwøŋ ni en Maal, ööu wøk ni ööu kany!» Køøre Cidarak ki Micak ka Abedenagø, gena put ö wøk ki yi maac.

Ciik Kiper Dïlämme 26:12

Aani thuwø, aano cäädhi dïïu, ni bëëda ni aana Jwøk maru, ni bëëdu ni uuna jiya.

Ciik Kiper Dïlämme 26:3

« ‹Ni näk mou caatha køør ciik 'moa, ni gwøgu gïïa cema ni kïthu ge bäät tïïc,

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 6:15

'Ba jøøa kwörge bäyö geno ööi ni kønyge uuni ki geer øtø mar Wuuö Jwøk; køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu. Gïnögø otägi ni näk dwør Wuuö Jwøk, Jwøk maru, leŋu leŋø.»

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Tiet Ciik 11:27

Ni näk mo ciik mo Wuuö Jwøk na näk Jwøu mo köömma uuni ki geni dïcäŋi en leŋŋu leŋø, u di gwïëdhö.

Tiet Ciik 4:20

'Ba Wuuö Jwøk uuna lwøre ni käl uuni wøk ki Ijep na näk caala këën thäth mo liel, kiper nou tïmu ni uuna jiy moa näk thööge, kaawat man bëëdu dïcäŋi ennø.

Tiet Ciik 5:6

«Køøre ena köö: ni ‹Beeye a na Wuuö Jwøk na näk Jwøu, na käl uuni wøk ki yi ŋööm Ijep, paana näk po laŋ.

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.