Daniyɛli 9:3 - ALA KA KUMA

³ O la, ne ye suun don ka dusukasifani don, ka bugurigwɛ kɛ n yɛrɛ kan, ka n ɲaa sin Matigi Ala ma k'a daali kosɔbɛ.

Jula NT of Côte d’Ivoire

³ «Ne ka o faamu minkɛ, ne ka ne ɲa munu Matigi Ala fɛ, k’a daari, ni makarikanw ye, ka sun don, ka bɔrɔfani don ne yɛrɛ ra, ka sigi bugurigbɛ ra.

Daniyɛli 9:3 Cross References

Sam 2nan 12:16

Dawuda ye Ala daali deen nin ye. A ye suun don. N'a donna soo kɔnɔ sufɛ, a be la duguma.

Ɛsidarasi 10:6

O kɔ, Ɛsidirasi bɔra Ala ka soo daa la, ka taga don Eliyasibu dencɛ Yowanan ka soo kɔnɔ. K'a to o yɔrɔ la, a ma sɔn ka dumuni kɛ, a ma jii min, bari a hakili tun cɛnnin lo mɔgɔ minw bɔra jɔnya la, olu ka kojuguw kosɔn.

Ɛsidarasi 8:21

K'an to Ahawa baa daa la, ne y'a latigɛ ko an ka suun don janko k'an yɛrɛ majigi an ka Ala ɲakɔrɔ, k'a daali a k'an ka taama nɔgɔya an bolo, an n'an deenw n'an ka nafolo.

Ɛsidarasi 9:5

Wulafɛ saraka bɔwaati sera, ne wilila ka bɔ n ka makariko la, ni n ka fani ni n ka foroca farannin ye ka n kunbiri gwan duguma, ka n bolo kɔrɔta sanfɛ Masaba n ka Ala faan fɛ.

Nehemi 9:1

O kalo kelen nin tile mugan ni naaninan loon, Isirayɛlidenw ye ɲɔgɔn lajɛn, janko u ka suun don. U tun ye dusukasifaniw don ka buguri kɛ u yɛrɛ kan.

Ɛsitɛri 4:16

«Taga Suzi dugu kɔnɔ zuwifuw bɛɛ lajɛn. Aw ka suun don ne kama. Aw kana dumuni kɛ, aw kana minni kɛ tile saba kɔnɔ, suu fara tile kan. Ne fana bena suun don ni n ka baaraden musomanw ye, o kɔ, ne bena don masacɛ fɛ, hali n'o sariya nin be yen. N sara wo, n ma sa wo, o bɛɛ ka kan.»

Ayuba 42:6

O le kama ne be nimisa n ka fɔta la. N be lɔ n ka fili la ka nimisa ka sigi buguri ni bugurigwɛ kan dusukasi bolo.»

Zaburu 35:13

U ka bana tuma na, ne dusu tun kasira kosɔbɛ fɔɔ n y'o dusukasifani don. Ne ye n yɛrɛ majigi ka suun don, ka to daalili la dɔrɔn.

Ezayi 22:12

O loon na, Matigi, Masaba, Setigi y'aw wele ko aw ka kasi kosɔbɛ, k'aw kuun li, ka dusukasifani don aw kaan na.

Yeremi 33:3

‹I ka ne daali, ne bena i jaabi. N bena kobabaw yira i la, minw dogonin be, i te minw lɔn.›

Ezekiyɛli 36:37

«Ne Matigi, Masaba ko: Ne bena sɔn Isirayɛlidenw ka ne daali tugu ne n'u dɛmɛ. Ne bena u kɔmɔgɔw caya i n'a fɔ sagakulu.

Daniyɛli 6:10

O la, masacɛ Dariyusi y'a bulonɔ bila sariya sɛbɛ nin kan.

Daniyɛli 9:2

ne Daniyɛli tun be kitabuw kɔnɔnakuma jatiminɛ na. Masaba tun ye Zeruzalɛmu halakiko min fɔ kira Zeremi ye, ko Zeruzalɛmu halakinin bena to saan bi wolonwula, ne y'o faamu.

Daniyɛli 9:20

Ka n to kuma na daalili la, n tun be lɔ n ka hakɛ, ni n ka jama Isirayɛli ta la, ka to ka Masaba, n ka Ala daali kulu nin kosɔn min ye a ta ye.

Daniyɛli 9:4

Ne ye Masaba n ka Ala daali, ka lɔ n ka hakɛw la ko: «Ee! Matigi Ala, e min ka bon, e min ye siranyafɛn ye, mɔgɔ minw b'i kanu, k'i ka sariya bato, i bɛnnin be to ni olu ye kanuya la.

Yowɛli 1:13

Sarakalasebagaw, aw ka dusukasifaniw don ka kasi. Aw minw be baara kɛ sarakabɔyɔrɔ la, aw ka kasi kosɔbɛ. Aw minw bɛɛ be baara kɛ ne ka Ala ye, aw ka si ni dusukasifaniw ye aw kaan na. Bari, suman sarakaw ni jii te sɔrɔla aw ka Ala ka soo kɔnɔ tugu.

Yowɛli 2:12

Masaba y'a fɔ ko: «Halibi sa, aw ye kɔsegi ne ma sɔbɛ la, aw ye suun don, ka kasi kosɔbɛ.»

Yunusu 3:5

Dugu mɔgɔw lara Ala la, u ye wango la ko mɔgɔw ka suun don. U ye dusukasifani don. K'a ta fɛntigiw ma fɔɔ ka ta'a bila fantanw na.

Matiyu 17:21

Nga nin jina nin ɲɔgɔn te se ka gwɛn ka bɔ mɔgɔ la n'i ma suun don ka Ala daali.]»

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun be to ka taga Alabatosoba kɔnɔ. A tun be suun don ka Ala daali tuma bɛɛ. O cogo la, a tun be Ala bato suu ni tile.

Kɛwalew 10:30

Kɔrinɛyi y'a jaabi ko: «A tile saba tɛmɛnin filɛ nin ye, nin waati yɛrɛ ɲɔgɔn na, ne tun be Ala daalila n ka soo wulafɛ. Ne barila ka cɛɛ dɔ ye n ɲakɔrɔ, a kannafani gwɛnin tun lo parapara.