ܦܝܠܝܦܣܝ̈ܐ 3:8 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

⁸ ܘܗܸܫ ܒܘܼܫ ܙܵܘܕܵܐ، ܚܲܫܒܘܼܢܵܝ ܝܘܸܢ ܟܠܵܝܗ‌ܝ ܚܘܼܣܪܵܢܵܐ ܒܘܼܬ ܚܵܬܸܪ ܕܓܘܼܪܘܼܬܵ‌ܐ ܕܝܕܵܥܬܵ‌ܐ ܕܝܼܫܘܿܥ ܡܫܝܼܚܵܐ ܡܵܪܝܼ، ܕܒܘܼܬ ܕܝܼܹܗ ܚܣܝܼܪܝܼ ܟܠܵܝܗ‌ܝ ܡܸܢܕܝܼܵܢܹ̈ܐ، ܘܚܲܫܒܘܼܢܵܝ ܝܘܸܢ ܙܸܒܠܵܐ ܕܩܵܢܹܝܢ ܠܡܫܝܼܚܵܐ،

ܦܝܠܝܦܣܝ̈ܐ 3:8 Cross References

ܡܙܡܘܪܐ 126:6

ܗ̇ܘ ܕܚܕܵܪܵܐ ܚܵܕܹܪ ܘܒܵܟܹܐ ܟܲܕ ܛܥܝܼܢܵܐ ܟܝܼܣܬܵ‌ܐ ܕܒܲܪܙܲܪܥܵܐ، ܐܬܵܝܵܐ ܒܸܬ ܐܵܬܹ‌ܐ ܒܫܲܒܲܚܬܵ‌ܐ ܟܲܕ ܛܥܝܼܢܵܐ ܕܲܪ̈ܙܘܼܗ‌ܝ.

ܡܙܡܘܪܐ 73:25

ܡܵܢܝܼ ܐܝܼܬ ܠܝܼ ܒܫܡܲܝܵܐ؟ ܘܫܒ݂ܘܿܩ ܡܸܢܘܼܟ݂ ܠܹܐ ܒܵܣܡܵܐ ܠܝܼ ܒܡܸܢܕܝܼ ܒܐܲܪܥܵܐ.

ܠܘܩܐ 1:43

”ܕܵܐܟ݂ܝܼ ܝܠܵܗ̇ ܐܵܗܵܐ، ܕܝܸܡܵܐ ܕܡܵܪܝܼ ܐܵܬܝܵܐ ܠܟܸܣܠܝܼ؟

ܠܘܩܐ 11:20

”ܐܝܼܢܵܐ ܐܸܢ ܒܚܲܝܠܵܐ ܕܐܲܠܵܗܵܐ ܦܲܠܘܼܛܹܐ ܝܘܸܢ ܫܹܐܕܹ̈ܐ، ܩܘܼܪܒܸܢܵܗ̇ ܥܲܠܵܘܟ݂ܘܿܢ ܡܲܠܟܘܼܬܵ‌ܐ ܕܐܲܠܵܗܵܐ.“

ܝܘܚܢܢ 14:20

”ܒܗ̇ܘ ܝܵܘܡܵܐ ܒܸܬ ܝܵܕܥܝܼܬܘܿܢ ܕܐܵܢܵܐ ܒܒܵܒܵܐ ܝܘܸܢ، ܘܐܲܚܬܘܿܢ ܒܝܼܝܼ، ܘܐܵܢܵܐ ܒܝܼܵܘܟ݂ܘܿܢ.

ܝܘܚܢܢ 14:7

”ܐܸܢ ܐܸܠܝܼ ܝܵܕܥܝܼܬܘܿܢ ܗܘܵܘ، ܐܘܼܦ ܠܒܵܒܝܼ ܒܸܬ ܝܵܕܥܝܼܬܘܿܢ ܗܘܵܘ. ܐܝܼܢܵܐ ܡ̣ܢ ܐܵܕܝܼܵܐ ܟܹܐ ܝܵܕܥܝܼܬܘܿܢ ܠܹܗ، ܘܚܙܹܐ ܠܵܘܟ݂ܘܿܢ ܐܸܠܹܗ.“

ܝܘܚܢܢ 16:3

”ܐܲܢܹܐ ܒܸܬ ܥܵܒ݂ܕܝܼ ܐܸܠܵܘܟ݂ܘܿܢ، ܣܵܒܵܒ ܠܵܐ ܝܕܝܼܥ ܠܗܘܿܢ ܐܸܠܝܼ ܘܐܘܼܦ ܠܵܐ ܠܒܵܒܝܼ.

ܝܘܚܢܢ 17:3

”ܐܲܢܹܐ ܝܢܵܐ ܚܲܝܹ̈ܐ ܕܠܥܵܠܲܡ، ܕܝܵܕܥܝܼ ܠܘܼܟ݂، ܐܲܢ݇ܬ ܕܝܼܘܸܬ ܒܢܲܦ̮ܫܘܼܟ݂ ܐܲܠܵܗܵܐ ܫܲܪܝܼܪܵܐ، ܘܝܼܫܘܿܥ ܡܫܝܼܚܵܐ ܗ̇ܘ ܕܫܘܼܕܸܪܘܼܟ݂.

ܝܘܚܢܢ 17:8

”ܣܵܒܵܒ ܗܹܡܸܙܡܵܢܹ̈ܐ ܕܝܘܼܗܒܹܠ ܠܘܼܟ݂ ܐܸܠܝܼ ܝܘܼܗܒ݂ܵܝ ܠܝܼ ܐܸܠܵܝܗ‌ܝ، ܘܐܵܢܝܼ ܩܘܼܒܠܵܝ ܠܗܘܿܢ، ܘܫܲܪܝܼܪܵܐܝܼܬ ܝܕܝܼܥ ܠܗܘܿܢ ܘܗܘܼܡܸܢܗܘܿܢ ܕܡ̣ܢ ܠܟܸܣܠܘܼܟ݂ ܦܠܝܼܛ ܠܝܼ ܘܐܲܢ݇ܬ ܫܘܼܕܸܪܘܼܟ݂ ܐܸܠܝܼ.

ܝܘܚܢܢ 20:13

ܒܘܼܩܸܪܗܘܿܢ ܡܸܢܘܼܗ̇: ”ܒܲܟ݂ܬܵ‌ܐ، ܩܵܡܘܿܕܝܼ ܒܸܒܟ݂ܵܝܵܐ ܝܘܲܬ‌ܝ؟“ ܓ̰ܘܼܘܸܒ ܠܵܗ̇: ”ܫܩܝܼܠ ܠܗܘܿܢ ܡܵܪܝܼ، ܘܠܹܐ ܝܘܵܢ ܒܝܼܕܵܥܵܐ ܐܲܝܟܵܐ ܝܢܵܐ ܡܘܼܬܒܹܗ.“

ܝܘܚܢܢ 20:28

ܓ̰ܘܼܘܸܒ ܠܹܗ ܬܐܘܿܡܵܐ ܘܐܡܝܼܪܹܗ ܐܸܠܹܗ: ”ܡܵܪܝܼ ܘܐܲܠܵܗ‌ܝܼ.“

ܣܘܥܪ̈ܢܐ ܕܫܠܝܚ̈ܐ 20:24

”ܐܝܼܢܵܐ ܐܵܢܵܐ ܠܹܐ ܝܘܸܢ ܒܸܚܫܵܒ݂ܘܼܗ̇ ܚܲܕ ܡܸܢܕܝܼ ܓܵܢܝܼ ܕܐܝܼܬ ܠܵܗ̇ ܛܝܼܡܵܐ ܠܟܸܣܠܝܼ، ܕܬܲܡܸܡܸܢ ܪܲܗܛܝܼ ܘܚܸܠܡܲܬ ܕܣܘܼܦܹܐ ܠܹܗ ܐܸܠܝܼ ܡܵܪܲܢ ܝܼܫܘܿܥ، ܠܸܣܗܵܕܵܐ ܠܐܹܘܲܢܓܲܠܝܼܘܿܢ ܕܫܵܦܵܩܲܬ ܕܐܲܠܵܗܵܐ.

ܪ̈ܗܘܡܝܐ 8:18

ܚܵܬܸܪܓ̰ܲܡܥ ܝܼܘܸܢ ܕܓ̰ܘܼܢܓ̰ܵܪ̈ܲܢ ܕܐܵܗܵܐ ܙܲܒ݂ܢܵܐ ܠܹܐ ܝܢܵܐ ܚܫܝܼܚܹܐ ܕܦܵܝܫܝܼ ܡܘܼܕܒܸܩܹܐ ܥܲܡ ܚܸܩܪܵܐ ܕܦܵܐܹܫ ܓܸܠܝܵܐ ܐܸܠܲܢ.

ܪ̈ܗܘܡܝܐ 8:39

ܘܠܵܐ ܪܵܘܡܵܐ، ܘܠܵܐ ܥܘܼܡܩܵܐ، ܘܠܵܐ ܡܸܢܕܝܼ ܐܚܹܪܢܵܐ ܕܝܼܠܹܗ ܒܸܪܝܵܐ ܡܵܨܝܼ ܦܵܪܫܝܼ ܠܲܢ ܡ̣ܢ ܚܘܼܒܵܐ ܕܐܲܠܵܗܵܐ ܕܝܼܠܹܗ ܒܝܼܫܘܿܥ ܡܫܝܼܚܵܐ ܡܵܪܲܢ.

ܐ ܩܘܪ̈ܢܬܝܐ 2:2

ܣܵܒܵܒ ܩܛܝܼܥ ܠܝܼ ܒܚܝܼܵܠܝܼ، ܟܲܕ ܐܵܢܵܐ ܥܲܡܵܘܟ݂ܘܿܢ ܕܠܹܐ ܝܵܕܥܹܢ ܡܸܢܕܝܼ ܫܒ݂ܘܿܩ ܡ̣ܢ ܝܼܫܘܿܥ ܡܫܝܼܚܵܐ، ܘܐܸܠܹܗ ܡܸܚܝܵܐ ܠܙܩܝܼܦܵܐ.

ܐ ܩܘܪ̈ܢܬܝܐ 9:10

ܠܹܐ ܝܠܹܗ ܗܲܪ ܒܘܼܬ ܕܝܼܲܢ ܗܲܡܙܘܼܡܹܐ؟ ܗܹܐ، ܒܘܼܬ ܕܝܼܲܢ ܝܼܠܹܗ ܦܝܼܫܵܐ ܟܬܝܼܒ݂ܵܐ ܕܐܝܼܡܲܢ ܕܙܵܪܥܵܢܵܐ ܛܵܪܹܐ ܦܕܵܢܵܐ، ܘܕܵܘܪܵܢܵܐ ܕܵܘܹܪ، ܟܹܐ ܥܵܒ݂ܕܝܼ ܗܵܕܟ݂ܵܐ ܒܗܹܒ݂ܝܼ ܕܫܲܪܸܟܝܼ ܒܕܲܚܠܵܐ.

ܒ ܩܘܪ̈ܢܬܝܐ 4:4

ܣܵܒܵܒ ܐܲܠܵܗܵܐ ܕܐܵܗܵܐ ܥܵܠܡܵܐ ܡܘܼܣܡܹܐ ܠܹܗ ܪܸ̈ܥܝܵܢܹܐ ܕܠܵܐ ܗܲܡܸܢܵܢܹ̈ܐ، ܕܠܵܐ ܚܵܙܝܼ ܒܲܗܪܵܐ ܕܐܹܘܲܢܓܲܠܝܼܘܿܢ ܕܚܸܩܪܵܐ ܕܡܫܝܼܚܵܐ، ܗ̇ܘ ܕܝܼܠܹܗ ܕܡܘܼܬܵ‌ܐ ܕܡܵܪܝܵܐ ܐܲܠܵܗܵܐ.

ܒ ܩܘܪ̈ܢܬܝܐ 4:6

ܣܵܒܵܒ ܐܲܠܵܗܵܐ ܕܐܡܝܼܪܹܗ: ”ܡ̣ܢ ܚܸܫܟܵܐ ܒܲܗܪܵܐ ܙܵܪܹܩ،“ܥܒ݂ܝܼܕ ܠܹܗ ܒܲܗܪܵܐ ܕܙܵܪܹܩ ܓܵܘ ܠܸܒܲܢ ܕܝܵܗܒܹܠ ܒܲܗܪܵܐ ܕܝܕܵܥܬܵ‌ܐ ܕܬܸܫܒܘܿܚܬܵ‌ܐ ܕܐܲܠܵܗܵܐ ܒܦܵܬܵ‌ܐ ܕܡܫܝܼܚܵܐ.

ܓܠܛܝ̈ܐ 1:16

ܕܓܵܠܹܐ ܒܪܘܿܢܹܗ ܒܝܼܝܼ، ܕܡܲܟܪܸܙܸܢ ܒܘܼܬ ܕܝܼܹܗ ܓܵܘ ܐܸܡܘܵܬܹ̈‌ܐ. ܠܵܐ ܥܒ݂ܝܼܕ ܠܝܼ ܡܸܠܟܵܐ ܗܲܪ ܒܗ̇ܝ ܥܕܵܢܵܐ ܥܲܡ ܐܢܵܫܵܐ،

ܐܦܣܝ̈ܐ 4:13

ܗܲܠ ܕܟܠܲܢ ܡܵܛܲܚ ܠܚܕܵܢܵܝܘܼܬܵ‌ܐ ܕܗܲܝܡܵܢܘܼܬܵ‌ܐ ܘܝܕܵܥܬܵ‌ܐ ܕܒܪܘܿܢܵܐ ܕܐܲܠܵܗܵܐ، ܠܒܲܪܢܵܫܵܐ ܓܡܝܼܪܵܐ، ܠܟܝܘܼܠܵܐ ܓܡܝܼܪܵܐ ܕܬܲܡܵܡܵܬܘܼܬܵ‌ܐ ܕܡܫܝܼܚܵܐ،

ܦܝܠܝܦܣܝ̈ܐ 1:1

ܦܵܘܠܘܿܣ ܘܛܝܼܡܵܬܹܐܘܿܣ، ܥܲܒ݂ܕܹ̈ܐ ܕܝܼܫܘܿܥ ܡܫܝܼܚܵܐ، ܠܟܠܵܝܗ‌ܝ ܩܲܕܝܼܫܹ̈ܐ ܒܝܼܫܘܿܥ ܡܫܝܼܚܵܐ ܕܝܼܢܵܐ ܓܵܘ ܦܝܼܠܝܼܦܘܿܣ، ܥܲܡ ܐܲܦܸܣܩܘܿܦܹ̈ܐ ܘܡܫܲܡܫܵܢܹ̈ܐ،

ܦܝܠܝܦܣܝ̈ܐ 3:10

ܕܝܵܕܥܹܢܹܗ، ܘܚܲܝܠܵܐ ܕܩܝܵܡܬܹܗ، ܘܫܲܪܝܼܟܘܼܬܵ‌ܐ ܕܚܲܫܘܼ̈ܗ‌ܝ، ܘܦܵܝܫܹܢ ܕܘܼܡܝܵܐ ܥܲܠܘܼܗ‌ܝ ܒܡܵܘܬܹܗ،

ܦܝܠܝܦܣܝ̈ܐ 3:12

ܠܵܐ ܕܡܸܛܝܵܐ ܝܘܸܢ ܝܲܢ ܦܝܼܫܵܐ ܝܘܸܢ ܡܘܼܟܡܸܠܵܐ، ܐܸܠܵܐ ܒܸܪܚܵܛܵܐ ܝܘܸܢ ܕܩܵܘܡܵܐ ܩܲܒܠܸܢ ܠܗ̇ܘ ܡܸܢܕܝܼ ܕܒܘܼܬ ܕܝܼܹܗ ܩܘܼܒܠܸܢܹܗ ܝܼܫܘܿܥ ܡܫܝܼܚܵܐ.

ܦܝܠܝܦܣܝ̈ܐ 3:7

ܐܝܼܢܵܐ ܐܲܢܹܐ ܕܒܸܚܫܵܒ݂ܵܐ ܝܘܸܢ ܗܘܵܐ ܩܢܵܝܬܵ‌ܐ ܝܢܵܐ ܐܸܠܝܼ، ܚܘܼܫܒܸܢܵܝ ܠܝܼ ܚܘܼܣܪܵܢܵܐ ܒܘܼܬ ܚܵܬܸܪ ܕܡܫܝܼܚܵܐ.

ܒ ܛܝܡܬܐܘܣ 4:6

ܣܵܒܵܒ ܐܵܢܵܐ ܐܵܕܝܼܵܐ ܗܕܝܼܪܵܐ ܝܘܸܢ ܕܦܵܝܫܹܢ ܡܘܼܩܪܸܒ݂ܵܐ، ܘܥܕܵܢܵܐ ܕܦܪܵܫܬ‌ܝܼ ܡܛܝܼܬܵ‌ܐ ܝܠܵܗ̇.

ܥܒ݂ܪ̈ܝܐ 3:14

ܣܵܒܵܒ ܗܘܹܐ ܠܲܢ ܫܲܪ̈ܝܼܟܹܐ ܒܡܫܝܼܚܵܐ ܐܸܢ ܟܵܠܲܚ ܡܩܵܘܝܵܢܹܐ ܒܚܵܬܸܪܓ̰ܲܡܥܘܼܬܲܢ ܩܲܕܡܬܵ‌ܐ ܗܲܠ ܚܲܪܬܵ‌ܐ.

ܐ ܦܛܪܘܣ 2:7

ܒܵܣ ܐܸܠܵܘܟ݂ܘܿܢ، ܐܲܚܬܘܿܢ ܕܗܲܡܘܼܢܹܐ ܝܬܘܿܢ، ܐܵܗܵܐ ܟܹܐܦܵܐ ܛܝܼܡܵܢܵܐ ܝܠܹܗ، ܐܝܼܢܵܐ ܩܵܐ ܐܵܢܝܼ ܕܠܹܐ ܗܲܡܸܢܝܼ: ܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ، ܗܘܹܐ ܠܹܗ ܠܪܹܝܫ ܩܘܼܪܢܝܼܬܵ‌ܐ.

ܒ ܦܛܪܘܣ 1:2

ܫܵܦܵܩܲܬ ܘܫܠܵܡܵܐ ܙܵܝܕܝܼ ܐܸܠܵܘܟ݂ܘܿܢ ܒܝܕܵܥܬܵ‌ܐ ܕܐܲܠܵܗܵܐ ܘܝܼܫܘܿܥ ܡܵܪܲܢ.

ܒ ܦܛܪܘܣ 1:3

ܒܗ̇ܝ ܕܚܲܝܠܹܗ ܐܲܠܵܗܵܝܵܐ ܝܘܼܗܒܹܠ ܠܹܗ ܐܸܠܲܢ ܟܠܵܝܗ‌ܝ ܡܸܢܕܝܼܵܢܹ̈ܐ، ܐܵܢܝܼ ܕܝܼܢܵܐ ܕܚܲܝܹ̈ܐ ܘܕܸܚܠܲܬ ܐܲܠܵܗܵܐ، ܒܝܲܕ ܝܕܵܥܬܵ‌ܐ ܕܗ̇ܘ ܕܩܸܪܝܲܚ ܠܹܗ ܒܬܸܫܒܘܿܚܬܵ‌ܐ ܘܛܵܒ݂ܬܵ‌ܐ ܕܓܵܢܹܗ،

ܒ ܦܛܪܘܣ 1:8

ܣܵܒܵܒ ܐܸܢ ܐܲܢܹܐ ܕܝܼܠܵܝܵܬܹ̈‌ܐ ܗܵܘܝܼ ܒܝܼܵܘܟ݂ܘܿܢ ܘܙܵܝܕܝܼ، ܠܹܐ ܗܵܘܹܝܬܘܿܢ ܣܪܝܼܩܹܐ ܘܕܠܵܐ ܛܥܘܼܢܬܵ‌ܐ ܒܝܕܵܥܬܵ‌ܐ ܕܡܵܪܲܢ ܝܼܫܘܿܥ ܡܫܝܼܚܵܐ.

ܒ ܦܛܪܘܣ 3:18

ܐܝܼܢܵܐ ܓܲܪܘܸܣܘܼܢ ܒܫܵܦܵܩܲܬ ܘܒܝܕܵܥܬܵܘܟ݂ܘܿܢ ܕܡܵܪܲܢ ܘܦܵܪܘܿܩܲܢ ܝܼܫܘܿܥ ܡܫܝܼܚܵܐ. ܐܸܠܹܗ ܬܸܫܒܘܿܚܬܵ‌ܐ ܡ̣ܢ ܐܵܕܝܼܵܐ ܘܗܲܠ ܥܵܠܲܡ. ܐܵܡܹܝܢ.

ܐ ܝܘܚܢܢ 1:3

ܡܸܢܕܝܼ ܕܚܙܹܐ ܠܲܢ ܘܫܡܝܼܥ ܠܲܢ ܡܲܟܪܘܼܙܹܐ ܝܘܲܚ ܐܸܠܵܘܟ݂ܘܿܢ ܕܐܘܼܦ ܐܲܚܬܘܿܢ ܗܵܘܹܐ ܠܵܘܟ݂ܘܿܢ ܫܲܪܝܼܟܘܼܬܵ‌ܐ ܥܲܡܲܢ؛ ܘܫܲܪܝܼܟܘܼܬܲܢ ܥܲܡ ܒܵܒܵܐ ܝܠܵܗ̇ ܘܥܲܡ ܒܪܘܿܢܹܗ، ܝܼܫܘܿܥ ܡܫܝܼܚܵܐ.

ܐ ܝܘܚܢܢ 2:19

ܡ̣ܢ ܠܟܸܣܠܲܢ ܦܠܝܼܛ ܠܗܘܿܢ، ܐܝܼܢܵܐ ܠܹܐ ܝܗܘܵܘ ܡܸܢܲܢ، ܣܵܒܵܒ ܐܸܢ ܗܵܘܝܼ ܗܘܵܘ ܡܸܢܲܢ، ܒܸܬ ܦܵܝܫܝܼ ܗܘܵܘ ܥܲܡܲܢ. ܐܝܼܢܵܐ ܦܠܝܼܛ ܠܗܘܿܢ ܡ̣ܢ ܠܟܸܣܠܲܢ ܕܦܵܝܫܵܐ ܝܕܝܼܥܬܵ‌ܐ ܕܠܹܐ ܝܗܘܵܘ ܡܸܢܲܢ.

ܐ ܝܘܚܢܢ 5:20

ܘܟܹܐ ܝܵܕܥܲܚ ܕܒܪܘܿܢܵܐ ܕܐܲܠܵܗܵܐ ܐܬܹ‌ܐ ܠܹܗ ܘܝܘܼܗܒܹܠ ܠܹܗ ܐܸܠܲܢ ܦܲܪܡܲܝܬܵ‌ܐ ܕܝܵܕܥܲܚ ܠܗ̇ܘ ܫܲܪܝܼܪܵܐ، ܘܝܼܘܲܚ ܒܗ̇ܘ ܫܲܪܝܼܪܵܐ، ܒܒܪܘܿܢܹܗ ܝܼܫܘܿܥ ܡܫܝܼܚܵܐ. ܐܵܗܵܐ ܝܠܹܗ ܐܲܠܵܗܵܐ ܫܲܪܝܼܪܵܐ ܘܚܲܝܹ̈ܐ ܕܠܥܵܠܲܡ.