ܦܝܠܝܦܣܝ̈ܐ 3:17 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹⁷ ܐܲܚܘܿܢܘܵܬ‌ܝܼ̈، ܟܠܵܘܟ݂ܘܿܢ ܡܥܘܼܕܵܠܹܐ ܗܘܹܝܡܘܼܢ ܕܵܡܝܵܢܹ̈ܐ ܥܲܠܝܼ، ܘܝܠܘܿܦܘܼܢ ܡ̣ܢ ܐܵܢܝܼ ܕܒܸܚܵܝܵܐ ܝܢܵܐ ܐܲܝܟ݂ ܛܘܼܦ̮ܣܵܐ ܕܝܘܼܗܒܹܠ ܠܲܢ ܐܸܠܵܘܟ݂ܘܿܢ.

ܦܝܠܝܦܣܝ̈ܐ 3:17 Cross References

ܡܙܡܘܪܐ 37:37

ܓܲܫܸܩ ܠܬܲܡܝܼܡܵܐ ܘܚܙܝܼ ܠܬܪܘܼܨܵܐ، ܣܵܒܵܒ ܐܝܼܬ ܕܲܥܬܝܼܕ ܩܵܐ ܐܢܵܫܵܐ ܕܫܠܵܡܵܐ.

ܪ̈ܗܘܡܝܐ 16:17

ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܐܲܚܘܿܢܘܵܬ‌ܝܼ̈، ܕܗܵܘܹܝܬܘܿܢ ܗܸܫܝܲܪ ܡ̣ܢ ܐܵܢܝܼ ܕܥܵܒ݂ܕܝܼ ܦܘܼܠܵܓܹ̈ܐ ܘܬܘܼܪ̈ܩܵܠܹܐ ܕܲܠܩܘܼܒ݂ܠ ܕܝܘܼܠܦܵܢܵܐ ܕܐܲܚܬܘܿܢ ܝܠܝܼܦ ܠܵܘܟ݂ܘܿܢ، ܘܪܚܘܿܩܘܼܢ ܡܸܢܵܝܗ‌ܝ.

ܐ ܩܘܪ̈ܢܬܝܐ 10:32

ܠܵܐ ܗܵܘܹܝܬܘܿܢ ܬܲܪܩܲܠܬܵ‌ܐ ܠܐܘܼܦ ܚܲܕ، ܠܵܐ ܠܝܗܘܼܕܵܝܹ̈ܐ، ܘܠܵܐ ܠܝܵܘܢܵܝܹ̈ܐ، ܘܠܵܐ ܠܥܹܕܬܵ‌ܐ ܕܐܲܠܵܗܵܐ،

ܐ ܩܘܪ̈ܢܬܝܐ 11:1

ܗܘܹܝܡܘܼܢ ܕܵܡܝܵܢܹ̈ܐ ܥܲܠܝܼ ܕܵܐܟ݂ܝܼ ܕܐܘܼܦ ܐܵܢܵܐ ܕܵܡܝܵܢܵܐ ܠܡܫܝܼܚܵܐ ܝܘܸܢ.

ܐ ܩܘܪ̈ܢܬܝܐ 4:16

ܒܵܣ ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܕܗܵܘܹܝܬܘܿܢ ܕܵܡܝܵܢܹ̈ܐ ܥܲܠܝܼ.

ܦܝܠܝܦܣܝ̈ܐ 4:9

ܐܲܢܹܐ ܕܝܠܝܼܦ ܠܵܘܟ݂ܘܿܢ ܘܩܘܼܒܸܠ ܠܵܘܟ݂ܘܿܢ ܘܫܡܝܼܥ ܠܵܘܟ݂ܘܿܢ، ܘܚܙܹܐ ܠܵܘܟ݂ܘܿܢ ܒܝܼܝܼ، ܐܲܢܹܐ ܥܒ݂ܘܿܕܘܼܢ، ܘܐܲܠܵܗܵܐ ܕܫܠܵܡܵܐ ܒܸܬ ܗܵܘܹܐ ܥܲܡܵܘܟ݂ܘܿܢ.

ܐ ܬܣܠܘܢܝܩܝ̈ܐ 1:6

ܘܐܲܚܬܘܿܢ ܗܘܹܐ ܠܵܘܟ݂ܘܿܢ ܕܵܡܝܵܢܹ̈ܐ ܥܲܠܲܢ ܘܠܡܵܪܲܢ، ܟܲܕ ܩܘܼܒܸܠ ܠܵܘܟ݂ܘܿܢ ܗܹܡܸܙܡܵܢ ܒܐܘܼܠܨܵܢܵܐ ܓܘܼܪܵܐ، ܒܚܲܕܘܼܬܵ‌ܐ ܕܪܘܼܚܵܐ ܕܩܘܼܕܫܵܐ.

ܒ ܬܣܠܘܢܝܩܝ̈ܐ 3:14

ܘܐܸܢ ܐܢܵܫܵܐ ܠܵܐ ܡܲܨܝܸܬ ܠܗܹܡܸܙܡܵܢܲܢ̈ ܕܓܵܘ ܐܵܗܵܐ ܐܸܓܲܪܬܵ‌ܐ، ܪܫܘܿܡܘܼܢ ܠܹܗ، ܘܠܵܐ ܚܵܒ݂ܛܝܼܬܘܿܢ ܥܲܡܹܗ، ܕܦܵܐܹܫ ܢܟ݂ܝܼܦܵܐ.

ܒ ܬܣܠܘܢܝܩܝ̈ܐ 3:7

ܣܵܒܵܒ ܒܓܵܢܵܘܟ݂ܘܿܢ ܟܹܐ ܝܵܕܥܝܼܬܘܿܢ ܘܵܠܹܐ ܝܠܵܗ̇ ܕܫܵܩܠܝܼܬܘܿܢ ܛܘܼܦ̮ܣܵܐ ܡܸܢܲܢ، ܣܵܒܵܒ ܠܵܐ ܗܘܹܐ ܠܲܢ ܒܲܛܝܼܠܹ̈ܐ ܐܝܼܡܲܢ ܕܝܼܘܲܚ ܗܘܵܘ ܠܟܸܣܠܵܘܟ݂ܘܿܢ،

ܒ ܬܣܠܘܢܝܩܝ̈ܐ 3:9

ܠܵܐ ܣܵܒܵܒ ܠܲܝܬ ܠܲܢ ܗܵܩܘܼܬܵ‌ܐ ܕܥܵܒ݂ܕܲܚ ܗܵܕܟ݂ܵܐ، ܐܸܠܵܐ ܕܗܵܘܲܚ ܛܘܼܦ̮ܣܵܐ ܐܸܠܵܘܟ݂ܘܿܢ، ܕܥܵܒ݂ܕܝܼܬܘܿܢ ܡܐܲܝܟ݂ ܕܝܼܲܢ.

ܐ ܛܝܡܬܐܘܣ 4:12

ܠܵܐ ܫܵܒ݂ܩܹܬ ܐܢܵܫܵܐ ܡܲܣܠܹܐ ܠܘܼܟ݂ ܣܵܒܵܒ ܙܥܘܿܪܵܐ ܝܘܸܬ ܒܫܸܢܹ̈ܐ، ܐܸܠܵܐ ܗܘܝܼ ܛܘܼܦ̮ܣܵܐ ܠܡܗܘܼܡܢܹ̈ܐ ܒܗܹܡܸܙܡܵܢ ܘܒܕܘܼܒܵܪܹ̈ܐ ܘܒܚܘܼܒܵܐ، ܘܒܗܲܝܡܵܢܘܼܬܵ‌ܐ ܘܒܕܸܟ݂ܝܘܼܬܵ‌ܐ.

ܥܒ݂ܪ̈ܝܐ 13:7

ܕܟ݂ܘܿܪܘܼܢ ܠܬܲܓܒܸܪ̈ܵܢܵܘܟ݂ܘܿܢ، ܐܵܢܝܼ ܕܗܘܼܡܙܸܡ ܠܗܘܿܢ ܐܸܠܵܘܟ݂ܘܿܢ ܗܹܡܸܙܡܵܢ ܕܐܲܠܵܗܵܐ. ܓܲܫܩܘܼܢ ܒܕܘܼܒܵܪ̈ܵܝܗ‌ܝ ܘܗܘܹܝܡܘܼܢ ܕܵܡܝܵܢܹ̈ܐ ܒܗܲܝܡܵܢܘܼܬܵܝܗ‌ܝ.

ܐ ܦܛܪܘܣ 5:3

ܘܠܵܐ ܐܲܝܟ݂ ܡܵܪ̈ܵܘܵܬܹ‌ܐ ܠܐܵܢܝܼ ܕܦܝܼܫܹܐ ܝܢܵܐ ܣܘܼܦܝܹܐ ܒܝܼܵܘܟ݂ܘܿܢ، ܐܸܠܵܐ ܗܘܹܝܡܘܼܢ ܛܘܼܦ̮ܣܵܐ ܠܡܲܪܥܝܼܬܵ‌ܐ.