ܦܝܠܝܦܣܝ̈ܐ 3:16 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

¹⁶ ܐܝܼܢܵܐ ܠܗ̇ܘ ܡܸܢܕܝܼ ܕܡܸܛܝܵܐ ܝܘܲܚ، ܗܲܪ ܒܗ̇ܘ ܟܵܠܲܚ.

ܦܝܠܝܦܣܝ̈ܐ 3:16 Cross References

ܪ̈ܗܘܡܝܐ 12:16

ܗܵܘܹܝܬܘܿܢ ܒܚܲܕ ܪܸܥܝܵܢܵܐ ܚܲܕ ܥܲܡ ܗ̇ܘ ܐܚܹܪܢܵܐ. ܠܵܐ ܗܵܘܹܝܬܘܿܢ ܫܲܒ݂ܗܸܪ̈ܵܢܹܐ، ܐܸܠܵܐ ܗܘܹܝܡܘܼܢ ܥܲܡ ܐܵܢܝܼ ܕܝܼܢܵܐ ܡܲܟܝܼܟܹ̈ܐ. ܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܪܸܥܝܵܢܵܐ ܕܓܵܢܵܘܟ݂ܘܿܢ.

ܪ̈ܗܘܡܝܐ 15:5

ܘܐܲܠܵܗܵܐ ܕܝܼܠܹܗ ܡܲܒܘܼܥܵܐ ܕܚܡܵܠܬܵ‌ܐ ܘܕܝܵܗܒ݂ܵܠܬܵ‌ܐ ܕܠܸܒܵܐ ܥܵܒܹܕ ܠܵܘܟ݂ܘܿܢ ܕܚܵܫܒ݂ܝܼܬܘܿܢ ܚܲܕ ܡܸܢܕܝܼ ܚܲܕ ܠܗ̇ܘ ܐܚܹܪܢܵܐ ܐܲܝܟ݂ ܒܝܼܫܘܿܥ ܡܫܝܼܚܵܐ،

ܓܠܛܝ̈ܐ 5:7

ܨܦܵܝܝܼ ܒܸܪܚܵܛܵܐ ܝܬܘܿܢ ܗܘܵܘ. ܡܵܢܝܼ ܩܵܡ ܡܲܟܠܹܐ ܠܵܘܟ݂ܘܿܢ ܕܠܵܐ ܡܵܛܹܝܬܘܿܢ ܗܘܵܘ ܠܫܪܵܪܵܐ؟

ܓܠܛܝ̈ܐ 6:16

ܐܵܢܝܼ ܕܚܵܕܪܝܼ ܒܐܵܗܵܐ ܩܵܢܘܿܢܵܐ، ܫܠܵܡܵܐ ܘܪ̈ܲܚܡܹܐ ܗܵܘܝܼ ܥܲܠܵܝܗ‌ܝ، ܘܐܘܼܦ ܥܲܠ ܐܝܼܣܪܵܐܹܝܠ ܕܐܲܠܵܗܵܐ.

ܦܝܠܝܦܣܝ̈ܐ 1:27

ܐܲܚܟ̰ܝܼ ܚܹܝܡܘܼܢ ܐܲܝܟ݂ ܕܚܵܫܚܵܐ ܠܐܹܘܲܢܓܲܠܝܼܘܿܢ ܕܡܫܝܼܚܵܐ، ܕܐܸܢ ܐܵܬܹܝܢ ܘܚܵܙܹܢܵܘܟ݂ܘܿܢ، ܝܲܢ ܫܵܡܥܹܢ ܒܘܼܬ ܕܝܼܵܘܟ݂ܘܿܢ ܡ̣ܢ ܪܸܚܩܵܐ، ܗܵܘܹܝܬܘܿܢ ܟܸܠܝܹܐ ܩܸܘܝܵܐ ܒܚܕܵܐ ܪܘܼܚܵܐ، ܒܚܕܵܐ ܓܵܢܵܐ ܒܸܥܒ݂ܵܕܵܐ ܐܵܓ݂ܘܿܢܵܐ ܡܥܘܼܕܵܠܹܐ ܒܗܲܝܡܵܢܘܼܬܵ‌ܐ ܕܐܹܘܲܢܓܲܠܝܼܘܿܢ،

ܦܝܠܝܦܣܝ̈ܐ 2:2

ܬܲܡܸܡܘܼܢ ܚܲܕܘܼܬ‌ܝܼ ܕܗܵܘܹܝܬܘܿܢ ܒܚܲܕ ܪܸܥܝܵܢܵܐ، ܘܒܚܲܕ ܚܘܼܒܵܐ، ܘܒܚܕܵܐ ܓܵܢܵܐ ܘܒܚܲܕ ܚܘܼܫܵܒ݂ܵܐ.

ܦܝܠܝܦܣܝ̈ܐ 4:2

ܦܲܪܦܘܼܠܹܐ ܝܘܸܢ ܒܐܹܘܗܵܕܝܼܵܐ، ܘܦܲܪܦܘܼܠܹܐ ܝܘܸܢ ܒܣܘܼܢܛܹܟܹܐ، ܕܗܵܘܝܼ ܒܚܲܕ ܪܸܥܝܵܢܵܐ ܒܡܵܪܲܢ.

ܩܘܠܣܝ̈ܐ 2:6

ܒܵܣ ܗܵܕܟ݂ܵܐ، ܕܵܐܟ݂ܝܼ ܕܩܘܼܒܸܠ ܠܵܘܟ݂ܘܿܢ ܠܝܼܫܘܿܥ ܡܫܝܼܚܵܐ ܡܵܪܲܢ، ܗܵܕܟ݂ܵܐ ܚܹܝܡܘܼܢ ܒܝܼܹܗ،

ܩܘܠܣܝ̈ܐ 4:2

ܗܘܹܝܡܘܼܢ ܒܨܠܘܿܬܵ‌ܐ ܒܟܠ ܙܲܒ݂ܢܵܐ، ܘܗܵܘܹܝܬܘܿܢ ܪܥܝܼܫܹܐ ܒܝܼܘܼܗ̇ ܘܫܲܟܘܼܪܹܐ.

ܓܠܝܢܐ 3:3

”ܒܵܣ ܕܟ݂ܘܿܪ ܡܘܼܕܝܼ ܩܘܼܒܸܠ ܠܘܼܟ݂ ܘܫܡܝܼܥ ܠܘܼܟ݂، ܢܛܘܿܪܹܗ ܘܬܲܘܸܒ. ܘܐܸܢ ܠܵܐ ܪܵܥܫܹܬ، ܒܸܬ ܐܵܬܹܝܢ ܐܲܝܟ݂ ܓܹܢܵܒ݂ܵܐ، ܘܠܹܐ ܝܵܕܥܹܬ ܒܐܲܝܢܝܼ ܣܵܥܲܬ ܒܸܬ ܐܵܬܹܝܢ ܥܲܠܘܼܟ݂.