ܦܝܠܝܦܣܝ̈ܐ 2:30 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

³⁰ ܣܵܒܵܒ ܩܘܼܪܒܸܢܵܐ ܝܗܘܵܐ ܠܡܵܘܬܵ‌ܐ ܒܘܼܬ ܚܵܬܸܪ ܕܦܘܼܠܚܵܢܵܐ ܕܡܫܝܼܚܵܐ، ܡܲܬܘܼܒܹܐ ܓܵܢܹܗ ܓܵܘ ܩܹܘܲܢܕܹܢܘܿܣ ܕܬܲܡܸܡ ܗܘܵܐ ܒܵܨܘܿܪܘܼܬܵ‌ܐ ܕܚܸܠܡܲܬܵܘܟ݂ܘܿܢ ܠܟܸܣܠܝܼ.

ܦܝܠܝܦܣܝ̈ܐ 2:30 Cross References

ܣܘܥܪ̈ܢܐ ܕܫܠܝܚ̈ܐ 20:24

”ܐܝܼܢܵܐ ܐܵܢܵܐ ܠܹܐ ܝܘܸܢ ܒܸܚܫܵܒ݂ܘܼܗ̇ ܚܲܕ ܡܸܢܕܝܼ ܓܵܢܝܼ ܕܐܝܼܬ ܠܵܗ̇ ܛܝܼܡܵܐ ܠܟܸܣܠܝܼ، ܕܬܲܡܸܡܸܢ ܪܲܗܛܝܼ ܘܚܸܠܡܲܬ ܕܣܘܼܦܹܐ ܠܹܗ ܐܸܠܝܼ ܡܵܪܲܢ ܝܼܫܘܿܥ، ܠܸܣܗܵܕܵܐ ܠܐܹܘܲܢܓܲܠܝܼܘܿܢ ܕܫܵܦܵܩܲܬ ܕܐܲܠܵܗܵܐ.

ܪ̈ܗܘܡܝܐ 16:4

ܐܵܢܝܼ ܕܡܘܼܬܸܒ݂ ܠܗܘܿܢ ܚܲܝܵܝ̈ܗ‌ܝ ܓܵܘ ܩܹܘܲܢܕܹܢܘܿܣ ܒܘܼܬ ܕܝܼܝܼ. ܠܵܐ ܐܲܚܟ̰ܝܼ ܐܵܢܵܐ ܒܢܲܦ̮ܫܝܼ، ܐܝܼܢܵܐ ܐܘܼܦ ܟܠܵܝܗ‌ܝ ܥܹܕܵܬܹ̈‌ܐ ܕܐܸܡܘܵܬܹ̈‌ܐ ܒܸܛܥܵܢܵܐ ܝܢܵܐ ܡܸܢܬܵ‌ܐ ܡܸܢܵܝܗ‌ܝ،

ܐ ܩܘܪ̈ܢܬܝܐ 15:53

ܣܵܒܵܒ ܘܵܠܹܐ ܝܠܵܗ̇ ܕܐܵܗܵܐ ܚܵܪܒ݂ܵܢܵܐ ܠܵܒܹܫ ܠܵܐ ܚܵܪܒ݂ܵܢܘܼܬܵ‌ܐ، ܘܐܵܗܵܐ ܡܵܝܘܿܬܵ‌ܐ ܠܵܒܹܫ ܠܵܐ ܡܵܝܘܿܬܘܼܬܵ‌ܐ.

ܐ ܩܘܪ̈ܢܬܝܐ 16:10

ܐܸܢ ܐܵܬܹ‌ܐ ܛܝܼܡܵܬܹܐܘܿܣ ܠܟܸܣܠܵܘܟ݂ܘܿܢ ܚܙܹܝܡܘܼܢ ܕܠܵܐ ܙܵܕܹܥ ܟܡܵܐ ܕܝܼܠܹܗ ܠܟܸܣܠܵܘܟ݂ܘܿܢ، ܣܵܒܵܒ ܒܸܦܠܵܚܵܐ ܝܠܹܗ ܠܡܵܪܝܵܐ ܐܲܝܟ݂ ܐܵܢܵܐ ܒܸܦܠܵܚܵܐ ܝܘܸܢ.

ܐ ܩܘܪ̈ܢܬܝܐ 16:17

ܚܕܹܐ ܠܝܼ ܕܐܬܹ‌ܐ ܠܗܘܿܢ ܐܸܣܛܲܦܵܢܵܐ ܘܦܲܪܛܘܼܢܵܛܘܿܣ ܘܐܵܟ݂ܵܐܝܼܩܘܿܣ، ܣܵܒܵܒ ܐܵܢܝܼ ܡܠܹܐ ܠܗܘܿܢ ܒܵܨܘܿܪܘܼܬܵ‌ܐ ܕܝܼܵܘܟ݂ܘܿܢ.

ܒ ܩܘܪ̈ܢܬܝܐ 12:15

ܗܵܕܟ݂ܵܐ ܒܚܲܕܘܼܬܵ‌ܐ ܐܵܢܵܐ ܒܸܬ ܨܵܪܦܹܢ ܟܠ ܡܸܢܕܝܼ ܥܲܠܵܘܟ݂ܘܿܢ، ܘܦܵܝܫܹܢ ܨܘܼܪܦܵܐ. ܐܸܢ ܡܲܚܸܒܸܢܵܘܟ݂ܘܿܢ ܙܵܘܕܵܐ، ܒܸܬ ܡܲܚܸܒܝܼܬܘܿܢ ܠܝܼ ܒܘܼܫ ܒܵܨܘܿܪܵܐ؟

ܒ ܩܘܪ̈ܢܬܝܐ 4:12

ܗܵܕܟ݂ܵܐ ܡܵܘܬܵ‌ܐ ܒܸܦܠܵܚܵܐ ܝܠܹܗ ܒܝܼܲܢ، ܐܝܼܢܵܐ ܚܲܝܹ̈ܐ ܒܸܦܠܵܚܵܐ ܝܢܵܐ ܒܝܼܵܘܟ݂ܘܿܢ.

ܦܝܠܝܦܣܝ̈ܐ 2:17

ܐܝܼܢܵܐ ܐܘܼܦ ܐܸܢ ܕܦܵܝܫܹܢ ܨܘܼܢܨܸܠܵܐ ܥܲܠ ܕܸܒ݂ܚܵܐ ܘܚܸܠܡܲܬ ܕܗܲܝܡܵܢܘܼܬܵܘܟ݂ܘܿܢ، ܒܸܚܕܵܝܵܐ ܝܘܸܢ ܘܒܸܦܨܵܚܵܐ ܥܲܡ ܟܠܵܘܟ݂ܘܿܢ.

ܦܝܠܝܦܣܝ̈ܐ 2:27

ܡܸܓ̰ܸܕ ܡܪܝܼܥܵܐ ܝܗܘܵܐ ܗܲܠ ܡܵܘܬܵ‌ܐ، ܐܝܼܢܵܐ ܐܲܠܵܗܵܐ ܪܘܼܚܸܡ ܠܹܗ ܥܲܠܘܼܗ‌ܝ، ܘܠܵܐ ܐܲܚܟ̰ܝܼ ܥܲܠܘܼܗ‌ܝ ܐܝܼܢܵܐ ܐܘܼܦ ܥܲܠܝܼ، ܕܠܵܐ ܗܵܘܹܐ ܠܝܼ ܚܲܫܵܐ ܥܲܠ ܚܲܫܵܐ.

ܦܝܠܝܦܣܝ̈ܐ 4:10

ܪܵܒܵܐ ܚܕܹܐ ܠܝܼ ܒܡܵܪܲܢ ܕܐܵܕܝܼܵܐ ܒܚܲܪܬܵ‌ܐ ܚܘܼܕܸܬ ܠܵܘܟ݂ܘܿܢ ܗܲܝܲܪܬܵܘܟ݂ܘܿܢ ܐܸܠܝܼ. ܐܘܼܦ ܡ̣ܢ ܩܲܕܡܵܝܬܵ‌ܐ ܒܵܥܹܝܬܘܿܢ ܗܘܵܘ ܕܗܲܝܸܪܝܼܬܘܿܢ ܗܘܵܘ، ܐܝܼܢܵܐ ܠܲܝܬ ܗܘܵܘ ܠܵܘܟ݂ܘܿܢ ܦܸܪܣܲܬ.

ܦܝܠܝܦܣܝ̈ܐ 4:18

ܐܝܼܬ ܠܝܼ ܟܠ ܡܸܢܕܝܼ ܘܙܵܘܕܵܐ ܝܠܹܗ ܐܸܠܝܼ، ܘܣܒ݂ܝܼܥܵܐ ܝܘܸܢ، ܟܲܕ ܩܘܼܒܸܠ ܠܝܼ ܐܵܢܝܼ ܡܸܢܕܝܼܵܢܹ̈ܐ ܕܫܘܼܕܪܵܝ ܠܵܘܟ݂ܘܿܢ ܥܲܡ ܐܵܦܵܦܪܘܿܕܝܼܛܘܿܣ، ܪܹܝܚܵܐ ܒܲܣܝܼܡܵܐ ܘܕܸܒ݂ܚܵܐ ܩܘܼܒܠܵܐ ܘܫܵܦܪܵܢܵܐ ܠܐܲܠܵܗܵܐ.

ܦܝܠܡܘܢ 1:13

ܒܵܥܹܝܢ ܗܘܵܐ ܕܚܲܡܹܝܢ ܗܘܵܐ ܠܹܗ ܠܟܸܣܠܝܼ، ܕܥܒ݂ܝܼܕ ܠܹܗ ܚܸܠܡܲܬ ܐܸܠܝܼ ܡ̣ܢ ܓܹܒܘܼܟ݂ ܟܲܕ ܐܵܢܵܐ ܒܐܸܣܘܼܪܹ̈ܐ ܕܐܹܘܲܢܓܲܠܝܼܘܿܢ.

ܓܠܝܢܐ 12:11

ܓ݂ܠܝܼܒ ܠܗܘܿܢ ܐܸܠܹܗ ܒܕܸܡܵܐ ܕܦܹܐܪܵܐ، ܘܒܗܹܡܸܙܡܵܢ ܕܣܵܗܕܘܼܬܵܝܗ‌ܝ؛ ܘܠܵܐ ܡܘܼܚܸܒ ܠܗܘܿܢ ܓܵܢܵܝܗ‌ܝ ܗܲܠ ܕܗܕܝܼܪܹܐ ܝܗܘܵܘ ܕܡܵܝܬ‌ܝܼ ܗܘܵܘ.