ܦܝܠܝܦܣܝ̈ܐ 2:22 - ܕܝܬܩܐ ܚܕܬܐ ܕܡܪܢ ܝܫܘܥ ܡܫܝܚܐ ܘܡܙܡܘܪ̈ܐ ܒܠܫܢܐ ܐܬܘܪܝܐ

²² ܐܝܼܢܵܐ ܟܹܐ ܝܵܕܥܝܼܬܘܿܢ ܕܛܝܼܡܵܬܹܐܘܿܣ ܡܘܼܚܙܝܼܘܼܗ̇ ܝܠܹܗ ܓܵܢܹܗ ܚܫܝܼܚܵܐ، ܣܵܒܵܒ ܐܲܝܟ݂ ܚܲܕ ܒܪܘܿܢܵܐ ܕܒܵܒܘܼܗ‌ܝ ܥܒ݂ܝܼܕܵܐ ܝܠܹܗ ܚܸܠܡܲܬ ܥܲܡܝܼ ܒܐܹܘܲܢܓܲܠܝܼܘܿܢ.

ܦܝܠܝܦܣܝ̈ܐ 2:22 Cross References

ܣܘܥܪ̈ܢܐ ܕܫܠܝܚ̈ܐ 16:2

ܐܲܚܘܿܢܘܵܬܹ̈‌ܐ ܕܓܵܘ ܠܘܼܣܛܪܵܐ ܘܐܝܼܩܵܢܘܿܢ ܟܹܐ ܗܲܡܙܸܡܝܼ ܗܘܵܘ ܨܦܵܝܝܼ ܒܘܼܬ ܕܝܼܹܗ.

ܪ̈ܗܘܡܝܐ 5:4

ܘܡܣܲܝܒܪܵܢܘܼܬܵ‌ܐ ܟܹܐ ܝܵܗܒ݂ܵܐ ܠܲܢ ܢܸܣܝܵܢܵܐ، ܘܢܸܣܝܵܢܵܐ ܟܹܐ ܝܵܗܒܹܠ ܠܲܢ ܗܹܒ݂ܝܼ،

ܐ ܩܘܪ̈ܢܬܝܐ 16:10

ܐܸܢ ܐܵܬܹ‌ܐ ܛܝܼܡܵܬܹܐܘܿܣ ܠܟܸܣܠܵܘܟ݂ܘܿܢ ܚܙܹܝܡܘܼܢ ܕܠܵܐ ܙܵܕܹܥ ܟܡܵܐ ܕܝܼܠܹܗ ܠܟܸܣܠܵܘܟ݂ܘܿܢ، ܣܵܒܵܒ ܒܸܦܠܵܚܵܐ ܝܠܹܗ ܠܡܵܪܝܵܐ ܐܲܝܟ݂ ܐܵܢܵܐ ܒܸܦܠܵܚܵܐ ܝܘܸܢ.

ܐ ܩܘܪ̈ܢܬܝܐ 4:17

ܒܘܼܬ ܐܵܗܵܐ ܫܲܕܘܼܪܹܐ ܝܘܸܢ ܠܟܸܣܠܵܘܟ݂ܘܿܢ ܛܝܼܡܵܬܹܐܘܿܣ، ܒܪܘܿܢܝܼ ܡܘܼܚܸܒܵܐ ܘܡܗܘܼܡܢܵܐ ܒܡܵܪܝܵܐ. ܗ̇ܘ ܒܸܬ ܡܲܕܟܸܪܵܘܟ݂ܘܿܢ ܕܵܐܟ݂ܝܼ ܒܸܚܵܝܵܐ ܝܘܸܢ ܒܝܼܫܘܿܥ ܡܫܝܼܚܵܐ، ܘܕܵܐܟ݂ܝܼ ܡܲܠܘܼܦܹܐ ܝܘܸܢ ܒܟܠ ܕܘܼܟܵܐ ܓܵܘ ܟܠ ܥܹܕܬܵ‌ܐ.

ܒ ܩܘܪ̈ܢܬܝܐ 2:9

ܐܘܼܦ ܣܵܒܵܒ ܐܵܗܵܐ ܟܬܝܼܒ݂ ܠܝܼ ܐܸܠܵܘܟ݂ܘܿܢ، ܕܓ̰ܲܪܒܸܢܵܘܟ݂ܘܿܢ ܕܐܸܢ ܒܸܬ ܗܵܘܹܝܬܘܿܢ ܡܲܨܝܸܬܵܢܹ̈ܐ ܒܟܠ ܡܸܢܕܝܼ.

ܒ ܩܘܪ̈ܢܬܝܐ 8:22

ܫܲܕܘܼܪܹܐ ܝܘܲܚ ܥܲܡܵܝܗ‌ܝ ܐܲܚܘܿܢܲܢ، ܗ̇ܘ ܕܩܵܡ ܡܲܚܙܹܐ ܠܲܢ ܪܵܒܵܐ ܓܵܗܹ̈ܐ ܘܒܪܵܒܵܐ ܐܘܼܪ̈ܚܵܬܹ‌ܐ ܕܚܲܦܛܵܢܵܐ ܝܠܹܗ. ܘܐܵܕܝܼܵܐ ܒܘܼܫ ܚܲܦܛܵܢܵܐ ܝܠܹܗ ܣܵܒܵܒ ܐܝܼܬ ܠܹܗ ܗܹܒ݂ܝܼ ܓܘܼܪܬܵ‌ܐ ܒܝܼܵܘܟ݂ܘܿܢ.

ܒ ܩܘܪ̈ܢܬܝܐ 8:24

ܒܘܼܬ ܐܵܗܵܐ، ܡܲܚܙܹܝܡܘܼܢ ܠܐܲܢܹܐ ܐܢܵܫܹ̈ܐ ܩܲܕܡ ܥܹܕܵܬܹ̈‌ܐ ܫܲܪܲܪܬܵ‌ܐ ܕܚܘܼܒܵܘܟ݂ܘܿܢ ܘܫܘܼܒ݂ܗܵܪܲܢ ܒܝܼܵܘܟ݂ܘܿܢ.

ܒ ܩܘܪ̈ܢܬܝܐ 8:8

ܠܹܐ ܝܘܸܢ ܦܩܵܕܵܐ ܒܸܦܩܵܕܵܘܟ݂ܘܿܢ، ܐܝܼܢܵܐ ܒܚܘܼܦܵܛܵܐ ܕܐܚܹܪ̈ܢܹܐ، ܓ̰ܲܪܘܼܒܹܐ ܝܘܸܢ ܠܫܲܪܝܼܪܘܼܬܵ‌ܐ ܕܚܘܼܒܵܘܟ݂ܘܿܢ.

ܦܝܠܝܦܣܝ̈ܐ 1:12

ܐܝܼܢܵܐ ܒܵܥܹܝܢ ܕܝܵܕܥܝܼܬܘܿܢ ܐܲܚܘܿܢܘܵܬ‌ܝܼ̈، ܕܡܸܢܕܝܼܵܢܹ̈ܐ ܕܩܘܼܘܸܡ ܠܗܘܿܢ ܐܸܠܝܼ ܒܘܼܫ ܙܵܘܕܵܐ ܩܵܐ ܦܪܵܣܬܵ‌ܐ ܕܐܹܘܲܢܓܲܠܝܼܘܿܢ ܝܼܗܘܵܘ.

ܦܝܠܝܦܣܝ̈ܐ 1:16

ܐܲܢܹܐ ܡܲܟܪܘܼܙܹܐ ܝܢܵܐ ܡ̣ܢ ܚܘܼܒܵܐ، ܟܲܕ ܒܝܼܕܵܥܵܐ ܝܢܵܐ ܕܦܝܼܫܵܐ ܝܘܸܢ ܡܘܼܬܒ݂ܵܐ ܠܲܐܟ݂ܵܐ ܠܝܵܗܒ݂ܵܠܬܵ‌ܐ ܕܓ̰ܘܼܘܵܒ ܒܘܼܬ ܐܹܘܲܢܓܲܠܝܼܘܿܢ،

ܦܝܠܝܦܣܝ̈ܐ 1:5

ܥܲܠ ܫܲܪܝܼܟܘܼܬܵܘܟ݂ܘܿܢ ܒܐܹܘܲܢܓܲܠܝܼܘܿܢ ܡ̣ܢ ܝܵܘܡܵܐ ܩܲܕܡܵܝܵܐ ܘܗܲܠ ܐܵܕܝܼܵܐ،

ܦܝܠܝܦܣܝ̈ܐ 1:7

ܐܝܼܬ ܠܝܼ ܗܵܩܘܼܬܵ‌ܐ ܕܚܵܫܒܹܢ ܗܵܕܟ݂ܵܐ ܒܘܼܬ ܟܠܵܘܟ݂ܘܿܢ، ܣܵܒܵܒ ܓܵܘ ܠܸܒܝܼ ܝܬܘܿܢ. ܐܸܢ ܒܐܸܣܘܼܪܹ̈ܐ، ܘܐܸܢ ܒܝܵܗܒ݂ܵܠܬܵ‌ܐ ܕܓ̰ܘܼܘܵܒ ܘܒܡܲܩܘܲܝܬܵ‌ܐ ܕܐܹܘܲܢܓܲܠܝܼܘܿܢ، ܟܠܵܘܟ݂ܘܿܢ ܫܲܪ̈ܝܼܟܹܐ ܝܬܘܿܢ ܥܲܡܝܼ ܒܫܵܦܵܩܲܬ.

ܦܝܠܝܦܣܝ̈ܐ 2:20

ܣܵܒܵܒ ܠܲܝܬ ܠܝܼ ܚܲܕ ܐܚܹܪܢܵܐ ܡܐܲܝܟ݂ ܕܝܼܹܗ، ܕܫܲܪܝܼܪܵܐܝܼܬ ܐܝܼܬ ܠܹܗ ܒܘܼܣܵܡܵܐ ܒܫܘܼܠܵܘܟ݂ܘܿܢ،

ܐ ܛܝܡܬܐܘܣ 1:18

ܐܵܗܵܐ ܦܘܼܩܕܵܢܵܐ ܣܲܦܘܼܝܹܐ ܝܘܸܢ ܒܝܼܘܼܟ݂، ܒܪܘܿܢܝܼ ܛܝܼܡܵܬܹܐܘܿܣ، ܐܲܝܟ݂ ܢܲܒܲܝܵܬܹ̈‌ܐ ܕܡ̣ܢ ܩܲܕܡ ܥܕܵܢܵܐ ܗܘܹܐ ܠܗܘܿܢ ܥܲܠܘܼܟ݂، ܕܒܝܼܵܝܗ‌ܝ ܦܵܠܫܹܬ ܦܠܵܫܵܐ ܫܲܦܝܼܪܵܐ،

ܐ ܛܝܡܬܐܘܣ 1:2

ܠܛܝܼܡܵܬܹܐܘܿܣ، ܒܪܘܿܢܵܐ ܫܲܪܝܼܪܵܐ ܒܗܲܝܡܵܢܘܼܬܵ‌ܐ. ܫܵܦܵܩܲܬ ܘܪ̈ܲܚܡܹܐ ܘܫܠܵܡܵܐ، ܡ̣ܢ ܐܲܠܵܗܵܐ ܒܵܒܵܐ، ܘܡܫܝܼܚܵܐ ܝܼܫܘܿܥ ܡܵܪܲܢ.

ܐ ܛܝܡܬܐܘܣ 4:6

ܐܸܢ ܡܲܚܙܹܝܬ ܐܲܢܹܐ ܠܐܲܚܘܿܢܘܵܬܹ̈‌ܐ، ܒܸܬ ܗܵܘܹܝܬ ܦܲܠܵܚܵܐ ܛܵܒ݂ܵܐ ܕܝܼܫܘܿܥ ܡܫܝܼܚܵܐ ܒܚܸܠܡܲܬ، ܦܝܼܫܵܐ ܬܘܼܪܣܝܼܵܐ ܒܗܹܡܸܙܡܵܢܹ̈ܐ ܕܗܲܝܡܵܢܘܼܬܵ‌ܐ ܘܒܝܘܼܠܦܵܢܵܐ ܛܵܒ݂ܵܐ ܕܬܒܝܼܥܵܐ ܝܘܸܬ ܥܲܠܘܼܗ‌ܝ.

ܒ ܛܝܡܬܐܘܣ 1:2

ܠܛܝܼܡܵܬܹܐܘܿܣ ܒܪܘܿܢܝܼ ܡܘܼܚܸܒܵܐ. ܫܵܦܵܩܲܬ ܘܪ̈ܲܚܡܹܐ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܵܐ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ.

ܒ ܛܝܡܬܐܘܣ 3:10

ܐܝܼܢܵܐ ܐܲܢ݇ܬ ܐܬܹ‌ܐ ܠܘܼܟ݂ ܒܵܬܪ ܝܘܼܠܦܵܢܝܼ، ܘܕܘܼܒܵܪ̈ܝܼ، ܘܢܝܼܫܝܼ، ܘܗܲܝܡܵܢܘܼܬ‌ܝܼ، ܘܡܲܪܝܲܟ݂ܬܵ‌ܐ ܕܒܹܐܢܝܼ، ܘܚܘܼܒܝܼ، ܘܚܡܵܠܬ‌ܝܼ،

ܛܛܘܣ 1:4

ܠܛܸܛܘܿܣ، ܒܪܘܿܢܵܐ ܫܲܪܝܼܪܵܐ ܒܫܲܪܝܼܟܘܼܬܵ‌ܐ ܕܗܲܝܡܵܢܘܼܬܵ‌ܐ. ܫܵܦܵܩܲܬ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܵܐ ܘܡܵܪܲܢ ܝܼܫܘܿܥ ܡܫܝܼܚܵܐ ܦܵܪܘܿܩܲܢ.