(Carta de San Pablo a los Filipenses) 4:19 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁹ Nuadui mina Apajuijua nu, ashí atumin atsugtamjum nunak, niina wiyakchaji dekas imana nuna imatiksag Cristo Jesusai amaamu jukitnaitjume.

(Carta de San Pablo a los Filipenses) 4:19 Cross References

(Génesis) 48:15

Nuna dutika Josén pegkegnum yumigkiak aatus tiuwai: “Mina apachug Abraham, Isaac Apajuín umijujaku aina nunú wi yama nagkamchakun akiinawaitag duwi nagkamas yamaikish tuke kuitamja nunú,

(2 Samuel) 22:7

Nuna ishamakun Tuke Pujuun segabiajai, mina Apajuíjun yainkati tusan segabiajai, tusa tai niina pujutaijin pujus antugtukmayi. ¡Wi untsubaunak nii antukmayi!

(Nehemías) 9:15

Tuja nuigtushkam dita yapajainak waituinakuish, nayaimpinmaya pag susauwaitme, nuna yuwawag ichichmamjatnume tusam. Tuja kitamainakuish uwagtinme tusam, kayanmaya yumi susauwaitme. Nuigtushkam nugkan amastinaitjime tusam anagkuawaitam nunú jukitajum tiuwaitme.

(Salmos) 104:24

¡Tuke Pujuuwah, amek shiig kuashat najankauwaitme! Tuja ashí duka amina yachagmijai umikuitme. ¡Nugka ame najanamua nuwig ashí ame najankamu aina nunú batsatui!

(Salmos) 130:7

Israel aents aidautigmek Tuke Pujuu taatnuji dakastajum; wagki niyai awai anentak, tuja ashí agkanmaetashkam.

(Salmos) 84:11

Wagki Tuke Pujuu Apajuí iinak ejapak kuitamjamui; tuja aents tudau takatsuk batsata nunak, nii wait anentak eme anentus kuitamui, dutikak waji pegkeg aidaunak sujitatsui.

(Daniel) 6:22

Wi pegkegchau takamsachbaun Apajuí dekau asa, tuja aminakesh tsanuchuitjam nunashkam dekau asa, león yuwawai tusa, wi Apajuín nemajag nunú niina aentsji ángelan akupkame, dutikamu taa nii leónka weninak epetjame”, tau.

(Malaquías) 3:10

“Atumi diezmojum aidau mina jegajui itaatajum, dutikawagmin yutai aidau kuashat atatui. ¡Dutikajum dekapjustajum! Nunú dutikakjuminig, atum jukitnun nayaimpinmayan shiig kuashat ukatuattajime.

(Evangelio según San Mateo) 6:32

Wagki ashí nunú aidaunak Apajuí anentaimtuchu aidau puyatjus yujajin ainawai, tujash atumi Apa nayaimpinmayaya nu shiig dekagtamjume, atum ashí nu atsumajum nunak.

(Evangelio según San Juan) 20:17

Nuna takug achikta tama Jesús chichajak: —Achigkaipa, eke mina Apajuig weatsjai; wetá mina yatsug batsatbaunum nunikam ujaktá: Mina Apajuí weajai, atumnash Apa nui nuigtú mina Apajuig atumnash Apajuigmea nui timae tusam, tiuwai.

(Evangelio según San Juan) 20:27

Nuna tusa Tomasan chichajak: —Jui tsajam uwegmin inuata, dutikakum mina uweg aina nu diistá; uwejum itantá nunikam mina bijagjui inuata. ¡Dekaskeapi tuchauk aipa, dekaskeapi tinu atá! tiuwai.

(Carta de San Pablo a los Romanos) 1:8

Dekatkauk, Jesucristo yaintsamtai mina Apajuijun see tajai ashí atumin pachisan, atum dekaskeapi tabau ajutjamaina nuna pachis tikich nugkanmash pegkejan chichaidau asagmatai.

(Carta de San Pablo a los Romanos) 11:33

¡Anentai jegagmaitsui, Apajuí yachajiya duka, nuigtú anentaimtuja dutiktaiya dushakam! ¡Ni takaamujiya nuna anentaimtug ejetumainuk makichkish atsawai, tuja ni juní atí tawa nuna, wagkag tawa tusa ejetumainush shiig atsawai!

(Carta de San Pablo a los Romanos) 2:4

Apajuik ame pegkegchau takataish shiig senchi wait anenjamu asa suwimkan sujamtsuk, tudau takatan idaiyak pujutin yapajiati tusa emamkes dakagma dusha dakitame.

(Carta de San Pablo a los Romanos) 8:18

Ju nugka jui yamai waituinag duka wainkayai, Apajuí atak pujut dekas imanun amastina nujaig apatkaish tumaitsui.

(Carta de San Pablo a los Romanos) 9:23

Nunisag jutiin wait anenjamjauwa nunash iwainmamkauwai, nunú aidautik Apajuí yaunchuk nagkamas emtikak niina imanji tuke atina nuwi pujustinme tusa etegjamu ainaji.

(Segunda carta de San Pablo a los Corintios) 12:21

Nuigtushkam puyatajai wi ataktú ijagsattajim dui Apajuí atumiin datsamtan sujusmatai buutig tusan, atum ainajum anuiya yaunchuk nagkamas tudau takainak idaitsuk tsanijinainak ayatak tsumain aina nunak tunamatuk batsamtau asamtai.

(Segunda carta de San Pablo a los Corintios) 4:17

Wagki jui waitiamu aina duka wamak nagkaebau ainawai, Apajuí imanji tuke atinun sujamsatna nuuwai waitiamu aina nuna nagkaesauwa duka.

(Carta de San Pablo a los Efesios) 1:18

Nuigtushkam segajai atumi anentaiminish tsaapmitkagmatnume, dutijamamtai niina aentsji wajasjum nayaimpinum atumdau atin dakainajum dushakam shiig dekamnujum tusan, nuigtú Jesusa nemajin pegkejam aidau wajiin shiig kuashat dekas shiig pegkeg jukitin ajuina dushakam,

(Carta de San Pablo a los Efesios) 1:7

Nuna dutikauwa dui Cristo numpe ukaejamunum agkanbaetak ajutjamui nuigtú tudau aidaunum tsagkugnamushkam; shiig kuashat wait anenjamu asa,

(Carta de San Pablo a los Efesios) 2:7

Juna jutikauwa nunak atak tsawan atina dui ashí aents aidaun iwaintuktatus dutikauwai, niina shiig kuashat wait anenkagtutaiji niina pegkegjiya nujai jutiinu atinun Cristo Jesusai dutikauwa nuna.

(Carta de San Pablo a los Efesios) 3:16

Nuniakun segatjime, Apajuí wait anenkagtugbau dekas imana nuna amastinme, dutijamawagmatai Wakaní Pegkejiya nunú atumi anentaiminish senchimtijamatnume,

(Carta de San Pablo a los Efesios) 3:8

Wika ashí Apajuí nemajin pegkejam aina nujai apatkamak wainkayaitjai; tujash nunin aig Apajuí minak wait anenjug yamajam chichaman Cristo yainke makichkish shiig tumainchauwa nuna pachis judiochu aidaunash ujaktí tusa awetiuwai.

(Carta de San Pablo a los Filipenses) 4:7

Apajuí agkanji, ashí dekatan nagkaega nunú, atumi anentaimnak nuigtú anentaimtagminash Cristo Jesusai kuitamjutpaktatjume.

(Carta de San Pablo a los Colosenses) 1:27

nunú aidaun, Apajuí niina imanji dekas imana nu dekaachbau aajakua nuna judiochu aidaun dekamtikatatus wakekauwai; duka Cristo atumin ajutjama nuuwai, niina imanji dakainajum nunú.

(Carta de San Pablo a los Colosenses) 3:16

Cristo chichamega nu atuminish shiig kuashat tuke ajutjamtinme, nuniau asamtai pempeentunisjumek jintindaiyakjum nuigtú pegkeg wakegat egketdaiyatajum ashí yachamet aina nujai, nuniakjum atumi anentaiminish Apajuí wakesa kantamjuatajum salmo aidau, himno aidau nuigtú Wakaní Pegkeji waketan amá nujaishkam kantamatajum.

(Primera carta de San Pablo a los Tesalonicenses) 2:12

dutikakun, Apajuí niina inamtaiji imana nui pujustinme tusa untsukbau aidaush wajuk pujumainaita nunisjumek pujustajum tuyajime.

(Primera carta de San Pablo a Timoteo) 6:17

Wiyakuch ju nugkanmaya aina dushakam ememachu atajum tita, ni wajiiji aina nuiyanak dakasaigka, wagki nu wiyakchameuta duka dekaskechui, Apajuí ashí wají aidaun shiig aneas pujustinme tusa kuashat sukagtina nui kajinas anentaimsatnume.

(Carta de San Pablo a Filemón) 1:4

Mina Apajuijun aujkunuk amina pachisan tuke see tusanké ajai,

(Primera carta de San Pedro) 5:1

Anciano aidau atumjai pujuina nuna segajai, wishakam dita anciano aina nunin asan, Cristo waittsamu aidaunash wainkauwaitjai, wishakam ni jui taak niina imanjin iwainaktina nuish pachinkatin asan.

(Primera carta de San Pedro) 5:10

Tujash Apajuí ashí wait anenkagtina nu, niina imanji tuke atina nui Jesucristui etegtamjauwai, dutijamau asa atum ujumak tsawan waittsa inagkeakiagminish Apajuí pegkeg etabiagtatui, dutijama senchijin amastatui ebetmamag niiní tsujamainchau atinme tusa.