(Carta de San Pablo a los Filipenses) 4:13 - Awajún: Apajuí chichame pegkejam Porciones del Antiguo Testamento y el Nuevo Testamento

¹³ Ashí nunak nunimainaitjai, Cristo senchimtijau asamtai.

(Carta de San Pablo a los Filipenses) 4:13 Cross References

(Isaías) 41:10

Ishamkagtukaigpa, wi atumjaig pujajai. Ishamkagtukaigpa, witjai atumi Apajuíjinuk. Wi atumnak senchimtikajime, wi atumnak yayajime, mina uweg senchigtin depetmauwa duwi ayamjukan kuitamjime.

(Isaías) 45:24

Tusa chichainak: ‘Pegkeg takata duka ima Tuke Pujuuwaig awai, tuja ima nigki senchigtinuk’ tujutiagtinai. Aents mina chichamjun umitan dakitujaku aina duka datsagkag wainak juwakagtinai.

(Evangelio según San Mateo) 14:29

Tutai: —Minitá, tiuwai Jesuschakam. Tama Pedroshkam barcanmaya jiinki, yumí awanken wekaegas Jesús wajamunum jegantatus wegau.

(Evangelio según San Juan) 15:7

Wijai ijutkau pujakjumek nuigtú mina chichameg aina dusha umiakjumek, ashí atum wakegamu segattajum, nuniakjuminig ashí amastinaitjime.

(Carta de San Pablo a los Efesios) 3:16

Nuniakun segatjime, Apajuí wait anenkagtugbau dekas imana nuna amastinme, dutijamawagmatai Wakaní Pegkejiya nunú atumi anentaiminish senchimtijamatnume,

(Carta de San Pablo a los Efesios) 6:10

Nuadui yatsug aidauh, Apu Jesusai ijutkau pujakjum niina senchijí dekas imana nujai ichichmamjatajum.

(Carta de San Pablo a los Colosenses) 1:11

nuigtushkam segatjime niina senchijí imana nujai senchimtijamatnume tusan, dutikamu asajum ashí katsunjajum emamkesjum shiig ichichmamjajum;

(Primera carta de San Pablo a Timoteo) 1:12

See tajai mina senchimtijuau Cristo Jesús iina Apujiya nuna, wagki mina betek umimainjun diigtus niina takatjin apujtusui,