(Carta de San Pablo a los Filipenses) 3:12 - Awajún: Apajuí chichame pegkejam Porciones del Antiguo Testamento y el Nuevo Testamento

¹² Wika ashí dutikajai takun tatsujai, nuigtush iman wajasjai tusanush tatsujai, tujash nui jegantasan wegajai, dekatkauk Cristo Jesús niinu etiu asamtai.

(Carta de San Pablo a los Filipenses) 3:12 Cross References

(Salmos) 42:1

Japa senchi kitamak uwagtatus yumin egama numamtuk wika Apajuíjuh, amina egajame.

(Salmos) 63:8

Ashí mina pujutjua nunak amina amaajai, wagki ame minak amina senchigmin kuitamjame.

(Salmos) 84:2

¡Wika Tuke Pujuu jee pegkegma nuwi pujustasan shiig senchi wakegajai! ¡Nuniakun Apajuí pujuta sukagtina nuna shiig anentsan senchi kantamjajai!

(Oseas) 6:3

¡Tuke Pujuu umigtanum kakanmamsagmi! Imaniajinig etsa kashi kashinig jiina numamtuk, tuja numi yagkujutnum yumi yutak nugka uchupiama imanis iina yaimpaktatus tajutjamattawai”, tuidau.

(Evangelio según San Mateo) 5:48

Dekas atumek betek umin atajum, atumin Apa nayaimpinum puja nu betek umina iman.

(Los Hechos de los Apóstoles) 9:15

Tutai Apu Jesús ayaak: “Wetá, wi aunak etegkajai mina pachitus ashí judiochu aidaunum nuigtú rey aidaunmash nuigtú Israela uchijí aina nunash ujaktí tusan;

(Carta de San Pablo a los Romanos) 8:39

agkajunum batsamas inamin aidaukesh, nugká initken batsamas inamin aidaukesh, nuniachkush ashí Apajuí najankamu aina nuiyagkesh, Apajuí jutii anempamujin ii Apuji Cristo Jesusai iwaintugmakua nuna datumtamainuk atsawai.

(Primera carta de San Pablo a los Corintios) 13:10

Tujash shiig dekamu atina nu jegatnai, nunikmatai machik dekainag duka megkaejatnai.

(Primera carta de San Pablo a los Corintios) 13:12

Yamaik espejonum tuujin waintayama numamtuk wainji, tujash jegatnai igkunisa wainiaktinaitag nunú. Yamaik machik wainji, tujash jegatnai Apajuí ni mina waitkauwa dutiksanuk wainkatnaitag nu.

(Primera carta de San Pablo a los Corintios) 9:24

Atumek dekagme, dekapdayamunum tupikainakug ashí betek tupikainayatak, makichik wagaktata nu wajinak juwame. Nunin asamtai atumesh jukita takugmek kakaagtajum.

(Segunda carta de San Pablo a los Corintios) 13:9

Jutiik kakaakchau ainakuish shiig aneenaji atumek senchi asagmin; nuniaku Apajuí aujtajime shiig imagnis pujustinme tusa.

(Segunda carta de San Pablo a los Corintios) 7:1

Nu aatus anagtamamu aidau ajutjamaidau asamtai aneetaig yatsug aidauh, ashí pegkegchau aidau iina iyashin, wakannash pegkegchau etugtamain aina duka idaisagmi. Apajuí ajantusa diinaku, aan nagkaemasa pegketasa kakanmamsagmi.

(Carta de San Pablo a los Gálatas) 5:17

Wagki iyash wakega nunak Wakaní Pegkejig dakitawai, nunisag Wakaní Pegkeji wakega nunashkam iyashik dakitawai. Aatus dakitjunidau asamtai atum wakegamua duka takamaitsugme.

(Carta de San Pablo a los Efesios) 1:4

Apajuik nugkanash najantsuk Cristui etegtamjauwai pegkejam pegkegchauji atsugbau niina emtinish atinme tusa. Wagki ni anempau asa,

(Carta de San Pablo a los Efesios) 4:12

aatus etegkeg umikui niina aentsji pegkejam aina nuiyan tikich aidaunash yaigtinme, dutikam Cristo nemajuidaush aan kuashat kawegtinme tusa,

(Carta de San Pablo a los Filipenses) 1:1

Witjai Pablo, nuigtú Timoteojai Cristo Jesusa inake aidauti, ashí Apu Jesusai pegkeniu aidautijum obispo aidau, nuigtú diácono aidautijum Filipos batsatjum nuutigmin kumpamjime.

(Carta de San Pablo a los Filipenses) 3:16

Untsu nunimainaitag duka jutii dekauwaitag nunisaik umiaku pujumainaitag nuuwai.

(Carta de San Pablo a los Filipenses) 3:3

Wagki jutii ainaji pakamaku aidautik, Apajuí Wakaní yaimpasmatai emematuinag nunuti, jutiik Cristo Jesusai ememainaji, nuniaku iyashnumiag kajintsá anentaimtatsji.

(Carta de San Pablo a los Filipenses) 3:8

Ashí nunú aidaunak idaisauwaitjai, dutikakun pasuamu ukajá ajaptayama nunin anentajai, Cristo Jesús mina Apujua nunú shiig dekaata tabaunum,

(Primera carta de San Pablo a los Tesalonicenses) 5:15

Diyaku atajum makichkikesh tikichjai pegkegchaunum iikdaikainum; duka nunitsuk, pegkeja duke tuke dutikatasajum kakanmamsatajum atum ainajum nujaish nuigtú ashí tikich aidaujaishkam.

(Segunda carta de San Pablo a los Tesalonicenses) 2:13

Yatsug Apu Jesusa aneetai aidauwah jutiik atum pachisa tuke Apajuí see tuinaji, wagki yaunchuk nagkamas Apajuí atumnak etegtamjajui, Wakaní Pegkeji yayasam chicham dekaskea nuna dekaskeapi tiagtai pegkemtikiajam uwemjatin atinme tusa.

(Primera carta de San Pablo a Timoteo) 5:10

pegkeg takaamuji aidaush waitujakbau, uchijí aidaunash shiig tsakapaku aajakú, jeen minidaunash shiig anentus ju wajakú, Apajuí aentsji pegkejam aina nunash nawen nijatú wajakú, waituidaunash yaijakú nuigtush ashí pegkeg aidaunak takajakua nu.

(Primera carta de San Pablo a Timoteo) 6:19

aatus nuninak, dita atak jukitnujiya nuna kuashat ikaugkagtatui, nuigtush pujut nagkanchauwa nunash jukiagtinai.

(Carta a los Hebreos) 12:14

Ashí tikich aidaujaish shiig agkan pujustasajum kakanmamsatajum, nuniakjum pegkee pujustajum, wagki nuna nuniachuk makichkish Apu Jesusnak wainkashtin ainawai.

(Carta a los Hebreos) 12:23

nuigtushkam nagkamas iglesia aidau ditá daajig papinum agatkamu nayaimpinum ajuina dushakam, Apajuí ashí aentsú juezjiya nunak ijuntug batsatui. Nunisag Apajuí nemajin initaik jinawajua nuna wakaní aidaushkam pegkeemtikawajam awig batsatui,

(Carta a los Hebreos) 13:21

nunin asa atumnash pegkeg etamtinme ashí ni wakega duke takasminjum. Nigki ashí jutiinash ni wakega duke takamain etamti, Jesucristo dutikamua dui. ¡Imá Jesucristua duka tuke ememattai atí! Aatus atí.

(Carta de San Santiago) 3:2

Ashí aentstik kuashat dewau ainaji, tuja makichik aentskesh ni tabaujiya nuna dewachuk, nunuwai dekas aents pegkeja duka, ashí niina iyashinash kuitamaina nu.

(Primera carta de San Pedro) 5:10

Tujash Apajuí ashí wait anenkagtina nu, niina imanji tuke atina nui Jesucristui etegtamjauwai, dutijamau asa atum ujumak tsawan waittsa inagkeakiagminish Apajuí pegkeg etabiagtatui, dutijama senchijin amastatui ebetmamag niiní tsujamainchau atinme tusa.

(Segunda carta de San Pedro) 3:18

Nunitsuk, dekas tsakagtajum anentag jukimua nui nuigtú iina Apuji Jesucristo Uwemtikagtina nu dekatnum, nigki yamaish nuigtú tuke pujustin tsawan jegatna nuish ememattai atí. Aatus atí.