(Carta de San Pablo a los Filipenses) 3:1 - Awajún: Apajuí chichame pegkejam Porciones del Antiguo Testamento y el Nuevo Testamento

¹ Yatsug aidauh, atumek Apu Jesusjai ijutkau pujakjum shiig aneasjum pujustajum. Wi agatjabiajim nunak awaksanuk tajim duka minaig tutitjakesh atsugtawai, juka dekas atuminish atsumnawai.

(Carta de San Pablo a los Filipenses) 3:1 Cross References

(Nehemías) 8:10

Tuja nuigtu Esdras ditan chichajak: “¡Jemin wejum yujumak shiig yuwajum, umutai vino yumimitu uwagtajum, nuniakjum juju tsawanta duka Apajuí emematku ijuntai asamtai, yumain umikbau atsujaidaujai ajamdaisatajum! ¡Wainka wake besemag anentaimigpajum, Tuke Pujuu dakunkutan ama nunú iinak ichichtamu asamtai, shiig aneasjum jiistamatajum!” tiuwai.

(Salmos) 32:11

Aents pegkeg, tuja takatjish pegkeg aidautigmek, Tuke Pujuuwai shiig dakujustajum, ¡Nuniakjum nii emematkujum shiig aneasjum senchi kantamjuatajum!

(Salmos) 33:1

Aents pegkeg aidauwah, shiig aneasjum Tuke Pujuu emematkujum kantamatajum. Aents pegkeg aidau kantabauk yajautsui.

(Salmos) 37:4

Tuke Pujuu shiig anentsam aneeta, nii umiktatui ame senchi wakegamunak.

(Salmos) 42:4

Nuwi anentaimkunuk wake besemag dekapeajai. Wi yaunchuk aents aidaun yajuakan Apajuí jee pegkegma nuwi emai, shiig aneasag Apajuín emematuinak untsumki shimuyanum nuna anentaimjai. ¡Yajauwajah ijunja Apajuí emematbau!

(Isaías) 41:16

Nunú yakí takui nagkimjumin, dase umpui utsagtinai. Tuja trigo akagbau, dukee utsankam wampuji juwakun dase shiig senchi dasentak utsauwama numamtuk, atumi shiwaajum aidaun dapampaak utsagtatui. Dutikamtai Israel aents aidaun Apajuíji pegkegma nuwi shiig aneasam pujuttame, nuniakum ima niyaig eme anenmamtatme.

(Isaías) 61:10

“Tuke Pujuu minak shiig anemtijawai. Apajuí minak dakunkut pujutan sujawai. Apajuí minak uwemtijuje. Apajuí minak shiig pegkegnum kuitamjuke.

(Joel) 2:23

¡Atum Jerusalégnumia aidautigmek shiig aneasjum Tuke Pujuu atumi Apajuíjum emematkujum kuntin maajum apeatajum! Apajuí yaunchuk yumin yutumtikjauwa dutiksag yamaishkam yumi yutugtin jegamtai yutumtijattawai. Niina anenken iwaintugmak yagkug yagkujut aig yumi yutut tepeamtai yutuwama nujai betek yutumtijattawai.

(Evangelio según San Mateo) 5:12

Shiig aneasjum dakujustajum, wagki atum jukitnuk shiig muun nayaimpinum ajutjamaidau asamtai. Wagki atum atsagmin profeta batsamajakua nunash aatus waitkasaju ainawai.

(Evangelio según San Lucas) 1:47

Mina wakanjuk shiig aneawai Apajuí mina uwemtijina nui,

(Carta de San Pablo a los Romanos) 5:11

Imá dukechui jutii Apajuiyai shiig aneenag duka, iina Apuji Jesucristo Apajuijai shiwagmagamun epegtugmauwa duish shiig aneenaji.

(Segunda carta de San Pablo a los Corintios) 13:11

Yatsug aidauh, inagnakun tajime, dakujusjum pujustajum, imagnisjum pujakjum ichichdaitajum, makichik anentaimkauk atajum, Apajuí shiig agkan pujutan sukagtin anenka nu atumjai atí.

(Carta de San Pablo a los Efesios) 6:10

Nuadui yatsug aidauh, Apu Jesusai ijutkau pujakjum niina senchijí dekas imana nujai ichichmamjatajum.

(Deuteronomio) 12:18

Untsu Tuke Pujuu atumi Apajuíjum nugka etegkatta nuwi niina emtin atumi uchijum aidaujai, inakem aidaujai, Leví wegantu atumjai batsata nujai aatus ijunjajum nunú yuwattajume. Tuja Apajuí yaimpasmatai atumi ajakjum aidaush, tagkujum aidaush kuashat kawegku asamtai, shiig aneasjum dakujustajum.

(Carta de San Pablo a los Filipenses) 3:3

Wagki jutii ainaji pakamaku aidautik, Apajuí Wakaní yaimpasmatai emematuinag nunuti, jutiik Cristo Jesusai ememainaji, nuniaku iyashnumiag kajintsá anentaimtatsji.

(Carta de San Pablo a los Filipenses) 4:4

Tuke Apu Jesusaig dakujitajum. Awaksanuk tajime: ¡Dakujustajum!

(Carta de San Pablo a los Filipenses) 4:8

Nuigtushkam yatsug aidauh, ashí dekaseg aina nui, ashí ajantusa diita nui, ashí pegkeg takaamu aina nui, ashí ayatak pegkeg aina nuig, ashí kakagchau ata nui, ashí eme anentsá diyam atanum, nuigtú eme anentam amaina nui anentaimsatajum.

(Primera carta de San Pablo a los Tesalonicenses) 4:1

Nuadui yatsug aidauh, Apu Jesusa daajin puyatjusan segajime, Apajuin shiig awagma nunisjumek pujakjum kashí kashinig emtajum jutiinu unuimagbaijum nunisjumek.

(Primera carta de San Pablo a los Tesalonicenses) 5:16

Tuke shiig aneetajum.

(Carta de San Santiago) 1:2

Mina yatsug aidauh, senchi shiig aneastajum makí makichik dekapkagtamu aina nu igkuakjumesh,

(Primera carta de San Pedro) 3:8

Inagnamun tajime, ashí atumek shiig anendaisa pujustajum, betek nuninuk anentaimkau, dekaskenum yatsut anendaisajum aneniakjum. Wait anenkagtin, nuigtú imanchauch atajum.

(Primera carta de San Pedro) 4:13

Duka nunitsuk, Cristo waittsauwa nunisjumek waitiau asajum shiig aneastajum, nuniau asajum ni imanjin wantinkatna duish shiig senchi aneakjum dakujusminjum.

(Segunda carta de San Pedro) 3:1

Aneetaig aidauh, juuwai carta awentsanuk agatjim nu. Nunú mai agagbauwa nuig wakekajai, shiig anentaimtijatasan taja dui ayatak pegkegnak anentaimainak,

(1 Samuel) 2:1

Ana kantamak aatus Apajuín tiuwai: “Tuke Pujuuwah, wika aminí shiig aneajai, wagki ame senchimtijau asamin. Yamaik mina shiwag aidaujaish ainikan tudaimain wajasjai, wagki ame yainkau asamin. ¡Yamaik shiig aneasan pujujai!