(Carta de San Pablo a los Filipenses) 2:9 - Awajún: Apajuí chichame pegkejam Porciones del Antiguo Testamento y el Nuevo Testamento

⁹ Nunikmatai Apajuishkam imá niinak ememattai awasauwai, dutika daajinash ashí tikich aidau daaji aina nuna nagkaesaun susauwai;

(Carta de San Pablo a los Filipenses) 2:9 Cross References

(Génesis) 3:15

Amek yamai nagkamsamek nuwajaig tuke shiwag atinaitme, nuadui amina uchijum wegantu agtina dusha, nuwa uchiji wegantu agtina nujaish tuke shiwajak agtinai. Nuwiya makichik amina buukmin dekenjamkatnai, tujash amek ayatak niina sagkani esattinaitme”, tiuwai.

(Salmos) 110:1

Tuke Pujuu mina apujun chichajak: “Mina untsujui ekemsata, nunikamin wi amina shiwaajum aidaunak depetkan aminí ikaunmakmatai, ame inagminum”, tiuwai.

(Salmos) 110:5

Apajuík amejaig pujawai amina yaimpaktatus. Makichik tsawantai nii kajeka apu aidaunak ijinattawai.

(Salmos) 89:27

Tuja wi niinak mina uchig iwai, ashí tikich apu aidaunash nagkaesau apu emattajai.

(Salmos) 91:14

Apajuí chichaak: “Juju aentsuk mina waitui, anentanash anentui, nuniau asamtai wi niinak ayamjukan uwemtikjattajai.

(Isaías) 52:13

Mina inakjuk ashí depetmaktinai, nuadui tikich aidaun nagkaesau eme anentam atinai.

(Isaías) 53:12

Nuadui Apajuí niinak senchigtin ashí eme anentsa diitai awajsattawai. Wagki niig pegkegchau takamsachuitak, pegkegchaun takamsaujai betek, aents aidau uwemjatnume tusa, dita tudaujin dita mantamnamainun nii mantamdauwa duwi.

(Isaías) 9:7

Nunú uchik apu David inamaajakua nuwi pujus ashí nugkanum inamjatnai. Nuniau asamtai agkan pujuta duka tuke atinai. Tuja nii inabaujig shiig emetjamu atinai, nii inabaujinig shiig takamu, ajantunisa niiniamu atinai. Nunak Tuke Pujuu ashí senchigtina nunú iina anempau asa dutikatnai.”

(Daniel) 7:14

Nunikmatai niina dekas tikich aidaun nagkaesau apu emabi, dutikamtai aents ashí nugkanmaya maki makichik chichamtin aidau niina umijuinak emematiagmayi. Niina senchijig imanisag atinai, tuja inamtaijishkam makichkish megkaekashtinai.

(Evangelio según San Mateo) 11:27

“Mina Apag ashí wají aina nunak mina idaitugsauwai. Makichkish wainainatsui Uchijinak, nunak Apajig wainui; antsag makichkish Apagnak wainuk atsawai, nunak Uchijig wainui, nunak Uchijiya nu iwaintam dekamain ainawai”.

(Evangelio según San Mateo) 28:18

Jesús ditá jegantun chichajak: “Ashí nayaimpinmaya aidau, nugkanmaya aidaushkam ame diistá” tusa mina Apag sujusé,

(Evangelio según San Lucas) 10:22

“Mina Apag ashí wají aina nunak mina idaitugsauwai. Makichkish dekajuinatsui Apajuí Uchijiyaitag nunak, imá mina Apajuk shiig dekajui, aikasag mina Apagnash dekainatsui, imá wiki shiig wainjai. Tuja Uchijiya nu iwaintamu dekamain ainawai”.

(Evangelio según San Juan) 13:3

Jesusak Apají ashí wají niiní idaitusbauwa nuna, nuigtú Apajuijai pujau tauwa nunash, nuigtushkam Apajuiyai waketa nunashkam dekau asa;

(Evangelio según San Juan) 17:11

Wika aminí midau asan juig pujushtatjai, tujash jujú aidauk nugká juwainawai. Apawa pegkegmah, amina senchigmin kuitamkata ame sujusbau aina duka, ii makichik duke anentaimkag nunisag ditashkam anentaimtinme.

(Evangelio según San Juan) 17:12

Wi ditajai pujaknuk, ame senchijum sujusbauwa dui ditanak kuitamnujai, dutikamu asa dita aina nuiyag makichkikesh megkaekache, nuninaitak aatus megkaekati tibauwa nu megkaekae, yaunchuk chicham agagbauwa nu uminu asamtai.

(Evangelio según San Juan) 17:5

Apawah, yamaik ame minash yaunchuk nugkash najannatsaig amijai emematjamin aajabia imanuk etita.

(Los Hechos de los Apóstoles) 5:31

Dutika Apajuí niinak ashí nagkaekagtasu Apu nuigtush uwemtikagtin awajus untsujiin ekentsauwai, Israel aidau tudaujin idaiyagtai tsagkujati, tusa.

(Carta de San Pablo a los Efesios) 1:10

dutikau asa ni tsawan mamikiamuji aina nu uminkamtai, nayaimpinum aina nuna, nugkanum aina nunashkam ashí Cristui ijumjatnai ni diistí tusa.

(Carta de San Pablo a los Colosenses) 1:18

nuigtushkam nigki, iglesia niina iyashiya nuna Apujishkam. Nigkiyai nagkamtinish pujujakuk, nagkamas jakau aidaunmaya nantakiuwa dushakam, nunin asa ashí nu wají aina nuig niiyai dekatkauwa duka;

(Segunda carta de San Pablo a los Tesalonicenses) 1:12

Atum aaja nuniamunum Apu Jesusa daajig eme anentam atatui, nuadui niishkam atumin eme anenjamsattawai, iina Apajuiji nuigtú apu Jesucristo wait anenjama nunisag.

(Carta a los Hebreos) 1:4

Niiyai nayaimpinmaya aents aina nuna wagagkauk, nigki dekas Apu wagaaku ashí nayaimpinmaya aents aina nuna nagkaesau eme anentsá adaitaiya dushakam.

(Carta a los Hebreos) 1:9

Amek pegkeg aina nu aneakum, pegkegchau aina duka dakitjaume. Nuadui Apajuí, amina Apajuigmea nu etegtama shiig aneemtijamsauwai kumpajum aina nuna nagkaesau”, tiuwai.

(Carta a los Hebreos) 12:2

Jesús diisagmi. Niiní nagkamnawai dekaskeapi tabauk, jutii dekaskeapi tabaush niinig nagkatkawai. Jesusak datsantan cruznum achijá maam waitiakush uyumatsuk atsanjauwai, ni shiig aneastinji daka nuna dekau asa, nunik Apajuí ekeemtaiji untsujin ekeemsauwai.

(Carta a los Hebreos) 2:9

Tujash Jesús ujumak tsawantai ángel aina nuní imanchauch emamuitak, ni waittsa jakamunum eme anentsá diitai wajasua duka wainji. Nunak Apajuí jutiin wait anenjamu asa, ashí aents aidaunum waitus jakati tima nunikui.

(Primera carta de San Pedro) 3:22

nigka nayaim waka, Apajuí untsujin eketui; niinig sumimtikamui ángel aidau, wakan senchigtin aidaush, agkajunum inamin aina dushakam.

(Segunda carta de San Pedro) 1:17

ni Apají Apajuiya nu eme anentus nuigtú tsaaptin ema awajus, nu tsaaptin shiig pegkeja nuiya chichaman akupjak: “Juuwai mina uchig anetaijuk, wi etegkamu”, tiuwa nu.

(Tercera carta de San Juan) 1:7

Ditak Jesucristo aneamunum niina daaji pachisa etsegkagta tabaunum jiinjaje, nunú aidauk Apajuí anentaimtuchu aina nunú yaigbau atasag dakituinawai.

(Apocalipsis) 1:5

nuigtú Jesucristo dekaskea nuna etsejin, aents jakau aidau nantashtain ni nagkamak nantakiuwa nu nuigtú ju nugka juiya rey aina nuna nagkaesau senchigtina dushakam. Cristo jutiinak anempaji nuniau asa niina numpejai iina tudaujinak nijatjamkauwai;

(Apocalipsis) 11:15

Siete angela ju trompeta umpuagmatai, nayaimpinmaya senchi pampajagmayi, nuninak: “Ashí nugkanmaya inamaina duka yamaik iina Apajuijinu nuigtú Cristunu wajasé. Nigki ajumaish tuke inamin atinai”, wajagmayi.

(Apocalipsis) 19:16

Ni nugkuagbaujinish, niina bakuinish: “REY ASHÍ REY AINA NUNA NAGKAESAU NUIGTUSHKAM APU ASHÍ APU AIDAUNASH NAGKAESAU”, tabau agatkamuyi.

(Apocalipsis) 3:21

Depetmakunak, mina inamtaijui ekentsatnaitjai, wi depetmaku asan mina Apajú ekeemsa inamtaijin eketag dutiksanuk.

(Apocalipsis) 5:12

nuniai senchi jiikag chichainak: “¡Uwig maamu aajakua, nuuwai dekas wagaaku senchigtinuk, wiyakuch, yacha, senchigtin, eme anentsá diitai, ememattai, tuke kantamjutai atinuk!” wajagmayi.