(Carta de San Pablo a los Filipenses) 2:6 - Awajún: Apajuí chichame pegkejam Porciones del Antiguo Testamento y el Nuevo Testamento

⁶ nigka Apajuí wajukuita ibau aajakuitak, Apajuijai betek atasag wakekachui;

(Carta de San Pablo a los Filipenses) 2:6 Cross References

(Isaías) 7:14

Nunin asagmin atumnak Apajuí nii dutikatnujin iwaintugmaktatui. Nunak: ¡Makichik nuwa muntsujut aentsu takashtai ejapjuktatui, nunik uchi aishmagkun uchigmaktatui, dutika uchigmakmatai, uchi daaji adaikattagme Emanuel!

(Isaías) 8:8

Imatikau asa Judá wegantu aidaunashkam waji nujagketkuish, ashí utuja suwega iman iwaktinai. Imatikak águilajai betek nanapen ayapatug ashí dukuk uwemainchau awajsatnai. Tujash jutiyaig Apajuí pujawai.

(Isaías) 9:6

Wagki iinak makichik uchi akiintugmae, Apajuí iinak makichik uchin amase. Nunú uchia nunuwai apu ati tusa etegkamua duka. Nuadui niina daaji aidauk: ‘Shiig chichagkagtin’, ‘Apajuí senchigtin’, ‘Apajuí tuke Pujuu’, ‘Agkan pujutan apuji’ tutai atinai.

(Jeremías) 23:6

Nii inamjatna dui, mina aentsug Judá wegantu aidauk ayamjumaktinai, tuja Israel aents aidaushkam agkan shiig batsamsagtinai. Nunidau asag, Apajuí daajinak: ‘Tuke Pujuuwai iina depetmitkagbauk’ tuu adaikagtinai.

(Miqueas) 5:2

Untsu Belén Efrata tuuta awagmatia, nuwiya aidautigmek, tikich Judá wegantu aina nujai diismash ujumchik ainagme. Nuninuch ainayatkujum, eme anentsa chichagtai atinaitjume. Wagki atumi patayi aajakua nuwiya apu atin akiina Judá wegantunum inamjattawai.

(Evangelio según San Mateo) 1:23

“Ejapjuktinai makichik muntsujut aentsú takashtai, nunik uchigmaktinai aishmagkun, nunikmatai Emanuel adaikagtinai”, nunak: “Apajuik jutiijai awai” taku tawai.

(Evangelio según San Juan) 1:18

Apajuinak makichik aentskesh tuke wainkachu ainawai, ni Uchijí makichkiuch Apajijai ijunag pujuwa nunú dekamtijamauwai.

(Evangelio según San Juan) 10:30

Wika mina Apagjaig makichkitji, tiuwai.

(Evangelio según San Juan) 10:33

Tama judío aidau aiinak: —Pegkeg takasbaunum tukumí tatsujame, amek aentsuitkum Apajuí pegkegchau chichagkum, Apajuiya iman anenmamam dui kayai tukumí taji.

(Evangelio según San Juan) 10:38

Mina dekaskeapi tujutchakjumesh, wi takaag nu diisjum dekaskeapi titajum, nuniakjum minai Apag ai, wi Apajuí aja dushakam dekaatajum.

(Evangelio según San Juan) 14:28

Wika wegajai, nuniknush wakettsanuk atumjai pujustasan tajuattajime tabaushkam antukmaugme. Dekas mina anenkugmek, wi Apag mina nagkaetasua nui wegajai tabau antugtakjumek shiig aneemain ainagme.

(Evangelio según San Juan) 14:9

Tama Jesús ayaak: —Felipeh, kuashat tsawan atumjai pujag nuniaigkik, ¿eke waittsum? Mina waita duka, Apagnashkam wainui, nuniaish; ¿wagka Apa iwaintugkata tame?

(Evangelio según San Juan) 17:5

Apawah, yamaik ame minash yaunchuk nugkash najannatsaig amijai emematjamin aajabia imanuk etita.

(Evangelio según San Juan) 20:28

Tama Tomás senchi chichaká: —Mina Apujuh, amek mina Apajuijuitme, tau.

(Evangelio según San Juan) 5:18

Nuna tutai judío aidauk nuní senchi maatatus wakegaidau, wagki tsawan ayamtaiya nunak umiachu nuigtushkam Apajuijai betek chichagmamak, Apajuik mina Apajui tau asamtai.

(Evangelio según San Juan) 5:23

mina eme anenjin aina dutijamsag aminash eme anenjamtinme tujutiuwai. Tujutiu asamtai mina eme anenjachuk, Apag mina awetiuwa nunashkam eme anentuinatsui.

(Carta de San Pablo a los Romanos) 9:5

Ditashkam ii muunji Apajuí etegkamu jutii uyujtamkatin aajakajua nu weantuk ainawai. Nunú ii muunji aajakajua nuwi Jesucristuk egkemak aentsmaga akiinauwai. ¡Cristui ashí wají aina nuna diyauk, niiyai Apajuik, nigki tuke ememattai atí! Aatus atí.

(Segunda carta de San Pablo a los Corintios) 4:4

Dita dekaskeapi tuinatsu nunak, Iwanch ju nugká apujiya nu antumainchau emamu asag nuninawai. Nuadui yamajam chicham Cristo pachisa etsegbauwa duka tsaaptin winchamtina imanai; duka Apu Apajuí niimega nunú asa.

(Segunda carta de San Pablo a los Corintios) 8:9

Atumek dekagme iina Apu Jesucristo wait anenkagtamujiya duka, atumin anempamunum ujunauch wajasui wiyakchaitak, ni ujunauch webaunum dekas pegkeja nuna jukitnume tujamu asa.

(Primera carta de San Pablo a Timoteo) 1:17

Nuadui Rey tuke puju, jachau, wainchatai, Apajuí makichkiuchia duke eme anentsá ajumaiya duish tuke ememattai atí. Aatus atí.

(Primera carta de San Pablo a Timoteo) 3:16

Juka utujimsaish anentaimtumaitsui, shiig muun wait anenkagtamu dekaachbau aajakua duka: Nigka aentsmaga wantinkauwai, Wakaní Pegkejishkam pegkegchauji atsujui tiuwai, ángel aidaushkam wainkamu, judiochu aidaunmash etsegkamu, nugkanmaya aidaush dekaskeapi tibau, nayaimpinum jukimu aajakui.

(Carta de San Pablo a Tito) 2:13

jutii shiig aneastinji Apajuinu nuigtú Jesucristo jutii Uwemtijamna nuna imanji wantinkatna nu dakainaku.

(Carta a los Hebreos) 1:3

Niiyai Apajuí imanjiya nuna iwaina duka. Nigka Apajuí wajukuita niishkam imanke. Ni chichame senchigtina dui ashí wají aidaunak emetuk awai. Nuigtú iina tudaujinash nijatjamag pegkeg etami nayaimpinum Apajuí ekeemtaijin untsujin ekeemsauwai.

(Carta a los Hebreos) 1:6

Tikichnumshakam jutiksag, niina Uchijí makichkiuchia nuna pachis nugkanum awemak: “Apajuí angelji aina duka ashí niinak ememattinme, tiuwai” tawai.

(Carta a los Hebreos) 1:8

Tujash Apajuik niina Uchijin pachisag: “Apajuiyah, ame ekeemsa inamtaigmek ajumaish tuke atinai pegkeg aina duke takau asam.

(Carta a los Hebreos) 13:8

Jesucristuk yauwa duish, yamaiya juish, atakea duishkam tuke nuninuk atinai.

(Apocalipsis) 21:6

Nuigtú chichaak: “Yamaik ashimnake. Witjai nagkamtinish tuke pujusunuk atakea duish tuke pujutnunuk. Nagkamnamunmash nuigtú nagkanbaunmash wikitjai. Kitamaunak yumi pukuni jiina nu pujutan sukagtina nuna anenjauch susattajai uwagti tusan.