(Carta de San Pablo a los Filipenses) 1:11 - Awajún: Apajuí chichame pegkejam Porciones del Antiguo Testamento y el Nuevo Testamento

¹¹ Jesucristo yaimpasagmatai kuashat pegkeg takaagmin tikich aidaush Apajuin eme anentus ememattinme tusan.

(Carta de San Pablo a los Filipenses) 1:11 Cross References

(Salmos) 1:3

Nuadui nunú aentsuk makichik numi yuminum ijusa ajaamu, pegkeg, senchi nejen, dukesh kaketsama imanai. ¡Iman asa ashí nii takamuji aidauk shiig pegkeg ainawai!

(Isaías) 5:2

Nuna nugkan pukuja, kaya aidaun utsantuk, uva ajake shiig pegkeg aidaun ajakui. Dutika peegkeg apaka, nunú aja ejapeen kumpinan jiika, vino najanatnunashkam umikui. Dutika umika uva yumimitun tsamakti tusa eke tsamachu asamtai, dakak pujau. Tujash nunú uva aidauk chujuinun tsamakui.

(Isaías) 60:21

“ ‘Atumi aentsjum aidauk shiig anentaimkau eme anentsa diitai, nugkeesh atantam achatnaitjume, tuja waji ajakaitkuish wi ajakmamu atinaitjume. Wi nunak mina imanjun iwainaktasan dutikattajai.

(Isaías) 61:11

Nuadui jigkai ajaamu tsapaama numamtuk, tuja ajak ayaunmaya tikich ajak tsapaama numamtuk, tsanumtsuk shiig takatan shiig aneasa pujutjai ashí aents aidaunum waji ajakaitkuish, Tuke Pujuu tsapapitnai. Nuadui shiig aneenak kantamiagtinai.”

(Isaías) 61:3

Israel aents aidau dita shiwaaji depeteam buutu batsata nuna shiig aneastinme, tuja yukuun ukatmama batsata nuna dakunkut anentain susati tusa awetine. Tuja wi agkanmitkamu asag, numi roble Apajuí ajakbau pejkejush amain aina iman asagmatai, tikich aidau chichajuinak: ‘Roble katsujam tegamainchau’ tiagtinai.

(Evangelio según San Mateo) 5:16

Atumshakam nunisjumek, ashí pegkeg aidauk takaakjum aents aidaush iwaintuktajum, nuna wainainak atumin Apa nayaimpinum puja nuna emematiagtinme.

(Evangelio según San Juan) 15:16

Atum minak etegtuachu ainagme, wi atumnak etegjauwaitjime, dutikau asan mina chichameg etsegkujum, ajak senchi nejegama numamtuk wajaktajum timaijim duka ajumaish tuke atinai. Nuadui atum mina pachittsajum, ashí mina Apag segamak amasagtinai.

(Evangelio según San Juan) 15:2

Ashí mina kanaweg nejeachunak tsupiawai; untsu ashí kanaweg nejena nunak, asantug iwajui aan senchi nejektí tau asa.

(Evangelio según San Juan) 15:8

Atum pegkeg takaamu aina duke iwainagtaik, tikich aidaush mina Apagnash shiig emematiagtatui, nuninak dekas mina jintintaig ainajum nunashkam dekagmawagtatui.

(Carta de San Pablo a los Romanos) 15:28

Ashí ju dutikmain ajuta nuna ashimkan nuigtú atum ijumjaujum nuna jukin Jerusalén jegaan ditá susan ukuakun, España weakun minittajai nuniakun atumnashkam ijagsattajime.

(Carta de San Pablo a los Romanos) 6:22

Tujash yamaik atumek tudaunum agkanmitkam Apajuí takajin wajasujum nuadui, pegkee pujakjum pujut tuke atina nuwi jegantinaitjume.

(Primera carta de San Pablo a los Corintios) 10:31

Nuadui yuwakjumesh umakjumesh, ashí wají dutikakjumesh, ashí Apajuí ememattsajum dutikatajum.

(Segunda carta de San Pablo a los Corintios) 9:10

Apajuiyai ajaka jigkayí ajakmatnun sukagta duka, nuigtú yuwatnunash sukagtinuk. Nunin asa tu atsumtatjume ajakmatasagmesh nunak amastatui, nunik nigki tsapapak kuashat nejepitkak atum wakesajum yaimjum nunak, nuní nagkaemas kuashat sujamsattagme, tikichin pegkegnum yaigtinme tusa.

(Carta de San Pablo a los Efesios) 1:12

Nigka wakekauwai dekatkauk jutii aidauti Cristun dakastinme nuninak mina imanjua nuna emematjitnume tusa.

(Carta de San Pablo a los Efesios) 1:14

Nunú Wakania nuuwai, Apajuí sujabau jukiagtin asajin emtika amasmauwa duka, jutiin ashí agkanmitkagma niina aentsji etamkatna dui, dutijamamtai ashí jutiik Apajuí senchigtin imana nu ememattinaitji.

(Carta de San Pablo a los Efesios) 2:10

Wagki jutiik Apajuí najankamu asaja, Cristo Jesusjai ijunbaunum yamajam etamkauwai pegkeg aina nunak takainak pujustinme tusa, Apajuí emtika anentaimtujua dutiksag.

(Carta de San Pablo a los Efesios) 5:9

Wagki, nu Wakaní Pegkeji pujugtamu asa: Ashí wait anenkagtutan, pegkeja duke takatan, nuigtú dekaskea duke chichatnash sujamji,

(Carta de San Pablo a los Filipenses) 4:17

Wika junak anentag sujustinme tusan tatsujai, atumdau aan nagkaemas ajutjamtinme tusan tajime.

(Carta de San Pablo a los Colosenses) 1:10

Apu Jesusdau aidaush, wajuk pujumaina ainawa nunisag pujuinak, ashí pegkeg aina nunak takainak shiig awagmainak, Apajuin aan nagkaemas dekaatnume tau asan;

(Carta de San Pablo a los Colosenses) 1:6

nunú yamajam chicham atumin tajutjamauwa duke ashí nugkanmash dapampaegak weawai. Ashí yantamnum wantinui pujutin yapajinaina dui, atum yama nagkamchakjum Apajuí dekaskenum wait anenkagtamuji antukuitjum dui nagkamas pujutjum yapajiau ainajum nunisag;

(Segunda carta de San Pablo a los Tesalonicenses) 1:12

Atum aaja nuniamunum Apu Jesusa daajig eme anentam atatui, nuadui niishkam atumin eme anenjamsattawai, iina Apajuiji nuigtú apu Jesucristo wait anenjama nunisag.

(Carta de San Pablo a Tito) 3:14

Atum dutikamun jutii yachi aina dushakam wainkag unuimagtinme pegkeg takat aina nuna, atsumamu aina nui yaimtan, nuninak tuke atsumtai agtinme.

(Carta a los Hebreos) 12:11

Dekaskenmag nunú suwimak juwag duikik shiijak aneemaitsui wagki najabau asamtai. Tujash nuwi unuimaja inagkeakik, shiig agkan anentaimsa pujuta nunú nuigtú pegkeja duke takatchakam unuimagtatji.

(Primera carta de San Pedro) 2:12

Apajuí nemajuinatsu nujaig shiig kuitamamka pujustajum. Jutii pegkegchau takauwa iman chichagtamaina dusha Apajuí ememattinme, tsawan uwemau atina nuaduish atum pegkeg takasbaun diigtamsag.

(Primera carta de San Pedro) 2:5

Atumshakam nunisjumek kaya numamtin iwaku ainagme, nunin asagmin wakannumag Apajuí ememattai jega jegamkamu pegkegma iman etamjume, Jesucristo jutiiní mantamna iina tudauji utsanjamkau asamtai Apajuí shiig awagma dutiksaik iina wakaní susata tabaunum.

(Primera carta de San Pedro) 2:9

Tujash atumek Apajuí niina aentsji atinun etegkauwa nu weantu ainagme, sacerdote rey takajin, Apajuí aentsji pegkejam, Apajuí sumaka jukimu. Jutiinak pegkegchau takainaku suwenum batsatjin tsaaptin dekas imana nuna amasui, Apajuí takasbauji shiig pegkeja nuna etsegkatnume tujamu asa.

(Primera carta de San Pedro) 4:14

Cristo nemajin asagmin pegkegchau chichagtamainakuish atumek shiig aneastajum, shiig aneastajum Apajuí Wakaní imana nu atumin tuke pujau asamtai.