(Carta de San Pablo a los Filipenses) 1:10 - Awajún: Apajuí chichame pegkejam Porciones del Antiguo Testamento y el Nuevo Testamento

¹⁰ nunikmatai dekas pegkeja nunú etegket dekaatajum tusan. Aaja nuniakjum pujutjuminish pegkeg makichkish tumainchau atajum, Cristo minamu tsawan atina duish;

(Carta de San Pablo a los Filipenses) 1:10 Cross References

(Génesis) 20:5

Abraham chichaak juka mina ubajui tujutmae, nuwashkam dutiksag mina ubajui timae, nuadui uyumat aneakas wika jukimjai, tujash pegkegchaunak dutikachjai”, tiuwai.

(Miqueas) 3:2

Tujash atumek pegkeja nunú kajejakjum, pegkegchauwa nunú takagme. Nuniau asajum mina aentsug aina nuna neje ichiaja yajutkajum ayatak ukunchik emajum ukuajume.

(Evangelio según San Mateo) 16:23

Tujash Jesús Pedron ayampatua chichajak: —¡Wetá Iwanchih, ukugkita! Ame utugchat aputugme, amek dekatsme Apajuí dutikatjai tabaujiya duka, nuadui nuna umikai tusam tujutme, aentsú anentaimtaig anentaimam duwi, tiuwai.

(Evangelio según San Mateo) 26:33

Tutai Pedro ayaak: —Ashí tikich aidau ukugmainakuish, wika aminak tuke ukukchattajame, tau.

(Evangelio según San Juan) 1:47

Tima Natanael Jesús pujamunum jegantatus wetatman ikaag wainak: —Ju mina juuwai dekaskenum Israel aents, tsanumtanash tsanumchauwa nu, tau.

(Evangelio según San Juan) 3:20

Wagki ashí aents pegkegchaun takaina duka, tsaaptinnak dakituinawai, nunidau asag tsaaptinnak adijainatsui, pegkegchau aidau takaamujin iwaintugkai tuidau asag.

(Los Hechos de los Apóstoles) 24:16

Nuniau asan Apajuí eemtinish, nuigtú aents aidaunmash mina anentaimtajuish pegkeg, wantinkatasan kakanmamjai.

(Carta de San Pablo a los Romanos) 12:2

Atumek Apajuí nemagchau pujuina nujai betekak pujusaigpajum; nunitsuk dekas anentaimtajum yapajiatajum nunitai pujutjumish yapajinau atí, nuniakjum dekattagme Apajuí wakegamujiya nu, pegkeja dushakam, Apajuin shiig awagma nunú nuigtú imagnisa pujuta dushakam.

(Carta de San Pablo a los Romanos) 12:9

Tikich aidaujaish dekaskenum pempeentunikjum aneenitajum, pegkegchauwa duka dakitakjum, pegkeja duke wakejusjum takau atajum.

(Carta de San Pablo a los Romanos) 16:17

Yatsug aidauh, segajime diyaku atajum, atum Jesucristo chichame jintinkagtamu antukuitjum nuna yapajiawag jintinjamainakui kanakaijum, nunin aidaujaig atumek ijunjaigpa.

(Carta de San Pablo a los Romanos) 2:18

Atumek Apajuí wakegamua dusha dekagme, chicham umiktina nu pegkeg aina duke etegja takatan dekamtijamu asamtai.

(Carta de San Pablo a los Romanos) 7:16

Nuniau asan wi dutikag nunak dakitamujua nuna takau asan, chicham umiktina duka dekas pegkejapita tajai.

(Carta de San Pablo a los Romanos) 7:22

Nunak mina anentaijui chicham umiktin Apajuí sujamsamua nu umiktasa wakegamu ajutu asamtai.

(Carta de San Pablo a los Romanos) 8:7

Aents iyashí wakega nunak takastatus anentaimtú pujuidauk, Apajuí shiwaji weenawai, wagki Apajuí chicham umiktajum tibauwa nuna dakituidau asag, umitnash umimainchau asag.

(Primera carta de San Pablo a los Corintios) 1:8

Apajuí nigki kuitamjamkattagme, ii Apuji Jesucristo minitta duwish bakumamainchau agtinme tujamu asa.

(Primera carta de San Pablo a los Corintios) 10:32

Makichkish tikichik pegkegchauk iwaintukaigpa, judío aidaukesh, judiochu aina dukesh, iglesia Apajuinu aina dukeshkam.

(Primera carta de San Pablo a los Corintios) 8:13

Nunin asamtai wi yuwamujua nu mina yatsujun tudau emamainaitkuig, nejenak ajumaish yumaitsujai.

(Segunda carta de San Pablo a los Corintios) 1:12

Wagki jutii eme anenmamag duka juuwai: Iina anentaimtajiya nu ujapaji Apajuí dekaskejiya nujaish jutiish wajuk imagnisaish pujusbaiji ju nugka juish, tuja atumjai ijunja pujusmayag duish. Jutiik aents ditá yachajin iwainmamaina nunikchabiaji, Apajuí wait anenkagta nujai iwainmamkabiaji.

(Segunda carta de San Pablo a los Corintios) 2:17

Jutiik tikich aidau kuichkijinatasag Apajuí chichamen yapajiawag waitá etsejuina nuninuk ainatsji, dekaskenum Apajuí awemamu asá, Apajuí eemtin Cristo daajin etsejuinaji.

(Segunda carta de San Pablo a los Corintios) 6:3

Makichkish pegkegchauk iwaintuinatsji, ii takainag nuna pegkegchau chichajinum tuidau asaja.

(Segunda carta de San Pablo a los Corintios) 8:8

Wika ju dekas umiktajum tusan tatsujime. Ayatak tikich aidau wajuk shiig wakejus aikainawa nuna wainkatnume nuninak ditanu dekas anenka nunash iwainaktinme tusan dekapeakun tajime.

(Carta de San Pablo a los Gálatas) 5:11

Yatsug aidauh, wi pakamaktajum tusan etsegku wekaeyatkunush ¿wagka waitkamash wekaeja? Nuna aatsa etsegku wekaetaik, Cristo cruznum achigbaun etsejag nunash dakittsag diimain ainatsui.

(Carta de San Pablo a los Efesios) 4:15

Duka nunitsuk dekaskea duke chichainaku tikich aidaujaish aneenimainai, nu aaja nuninaku ashí ii takaamuji aina nujai Cristuwa imanuk amainaitji. Cristo nemajin aidautinak niiyai jutii Apujiya duka.

(Carta de San Pablo a los Efesios) 5:10

nunin asamtai shiig dekaatajum, Apu Jesusan shiig awagma nunú.

(Carta de San Pablo a los Efesios) 5:27

dutika niina iglesiajin shiig tsaaptin tsuwatnash antiakchau, makichkish pegkegchauji atsugbau, pegkejam iwainakta tau asa.

(Carta de San Pablo a los Efesios) 6:24

Apajuí wait anenkagtamujiya duka dekaskenum ashí iina Apuji Jesucristun aneena nui tuke atinai. Aatus atí.

(Carta de San Pablo a los Filipenses) 1:16

Nuniinai ujumak aidau Cristo aneamunum etsegtuinawai, Apajuí yamajam chichama juna ayamjukti tusa mina jui apujtusa nuna dekagtuidau asag;

(Carta de San Pablo a los Filipenses) 1:6

Apajuí atumiin takat pegkejan nagkabauwa nunak, dutiksagkeap takamtijamá atatua tsawan Jesucristo minamu atina imanuish tajai.

(Carta de San Pablo a los Filipenses) 2:16

Chicham pujutan sukagtina nuanuig ebetmamjatajum, nuniau asagmin Cristo minakuish, atumiin ememasan anentaimjatjai, wainkanuk wekaesachuapitja nuigtush wainkanuk takaschauwapitja tusan.

(Primera carta de San Pablo a los Tesalonicenses) 3:13

atumi anentaiminish ebetmamjau, makichkish nuninai tumainchau pegkejam iina Apají Apajuiya nuna emtinish atajum, Apu Jesús niina aentsji pegkejam aidaujai minitna duish. Aatus atí.

(Primera carta de San Pablo a los Tesalonicenses) 5:21

ashí shiig kuitamsa antukjum, pegkeja duke ebetjatajum.

(Primera carta de San Pablo a los Tesalonicenses) 5:23

Apajuiya duke, shiig agkan pujutan sukagtina nu atumnash pegkeemtijamiagti, ashí atumi wakanmin, anentaibaugmin nuigtú iyashminashkam, Apu Jesucristo taatta duish bakumamainchau atinme tusa.

(Josué) 24:14

“Nunú ashí anentaimtusjum Tuke Pujuu eme anentsa emematkujum dekaskenum umigkatajum. Tuja yaunchuk atumi muunjum aidau namak Eufratesa amain etsa minitaiya nuni batsamas ditá apajuímtai aidaun emematujaku aina duka idaisatajum. ¡Nunikjum ima Tuke Pujuuk umigkatajum!

(Primera carta de San Juan) 4:1

Aneetaig yatsug aidauh, ashí aents aidau wakan tujutbaun tajai tuinakuish dekaskeapi tiigpa, nunitsuk dekapsatajum wakan ditai awa dusha Apajuinuash ajá tusajum; wagki kuashat wait profeta aidau nugkanum jiinjaju asagmatai.

(Apocalipsis) 2:2

Atum takaam nunak wainjai, utugchatnum pujakjum senchi waitiajum nunashkam, nuniakjumesh emamkesjum nagkaejume. Pegkegchau aidaush dakitagme, nuigtush apóstol ainaji tuidaush dekapsajum waitjamu dekagjum nunashkam;