فِلِبِّي 4:4 - الكتاب المقدس بالعربي الدارجي هنا تشاد

⁴ أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

فِلِبِّي 4:4 Cross References

رَوْمَا 12:12

أَفْرَحَوْا أَشَانْ عِنْدُكُو عَشَمْ فِي رَبِّنَا. أَصْبُرُوا فِي التَّعَبْ وَ صَلُّوا دَايْماً بَلَا كَسَلْ.

فِلِبِّي 3:1

وَ خَلَاصْ، يَا أَخْوَانِي، أَفْرَحَوْا بِرَبِّنَا عِيسَى. مَا قَاسِي لَيِّ نَكْتِبْ لَيْكُو نَفْس الشَّيّءْ الْأَوَّلْ أَوْرَيْتكُو بَيَّهْ وَ نِكَرِّرَهْ بَتَّانْ أَشَانْ دَا يَبْقَى لَيْكُو أَكِيدْ.

مَتَّى 5:12

أَفْرَحَوْا وَ أَنْبَسْطُوا زِيَادَةْ أَشَانْ أَجُرْكُو فِي السَّمَاءْ يَبْقَى كَتِيرْ بِلْحَيْن. أَشَانْ أَوَّلْ النَّاسْ تَعَّبَوْا الْأَنْبِيَاء الْجَوْا قُبَّالْكُو. وَ خَلَاصْ إِنْتُو كُلَ تَبْقَوْا مِثِلْهُمْ.

1 بُطْرُس 4:13

إِنْتُو قَاعِدِينْ تِشَارُكُوا فِي تَعَبْ الْمَسِيحْ وَ أَشَانْ دَا، أَفْرَحَوْا فِي أُسْط التَّعَبْ. وَ كَنْ شَارَكْتُوا فِي تَعَبْ الْمَسِيحْ دَا، تَفْرَحَوْا فَرْحَةْ شَدِيدَةْ وَكِتْ هُو يِبِينْ فِي مَجْدَهْ.

زَبُور 146:2

أَنَا نَحْمُدْ اللّٰهْ فِي كُلَّ مُدَّةْ حَيَاتِي، نِغَنِّي لِإِلٰـهِي فِي الْفَضَّلْ مِنْ أَيَّامِي.

أعمال الرُسُل 16:25

وَ فِي أُسْط اللَّيْل، بُولُسْ وَ سِيلَا قَاعِدِينْ يِصَلُّوا وَ يَمْدَحَوْا وَ يَشْكُرُوا اللّٰهْ وَ الْمَسَاجِينْ قَاعِدِينْ يَسْمَعَوْهُمْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

غَلاطِية 1:8

وَ لَاكِنْ كَنْ أَيِّ نَادُمْ مِنِّنَا وَلَّا مَلَكْ مِنْ مَلَائِكَةْ اللّٰهْ يَجِي يِبَلِّغْ لَيْكُو بِشَارَةْ بِالْمَسِيحْ شِقْ مِنْ الْبِشَارَةْ الْبَلَّغْنَاهَا لَيْكُو دِي، خَلِّي اللّٰهْ يَلْعَنَهْ.

زَبُور 33:1

يَا الصَّالِحِينْ! زَغْرُطُوا لِلّٰهْ مِنْ الْفَرَحْ! حَمْد اللّٰهْ يِوَافِقْ مَعَ النَّاسْ الْعَدِيلِينْ.

حَبَقُوق 3:18

بَيْدَا كُلَ، أَنَا نِنْبَسِطْ بِاللّٰهْ وَ نَفْرَحْ بِإِلٰـهِي الْيِنَجِّينِي.

2 كُرُنْتُس 6:10

عِنْدِنَا حِزِنْ وَ لَاكِنْ نَفْرَحَوْا دَايْماً. أَنِحْنَ مَسَاكِينْ وَ لَاكِنْ نِجِيبُوا لِكَتِيرْ مِنْ النَّاسْ بَرَكَةْ كَتِيرَةْ. مَا عِنْدِنَا شَيّءْ وَ لَاكِنْ كُلَّ شَيّءْ هَنَانَا.

فِلِبِّي 2:18

وَ وَاجِبْ إِنْتُو كُلَ تَبْقَوْا فَرْحَانِينْ وَ تَفْرَحَوْا مَعَايِ.