فِلِبِّي 4:12 - الكتاب المقدس بالعربي الدارجي هنا تشاد

¹² نَعَرِفْ كِكَّيْف نِعِيشْ فِي الْمَسْكَنَةْ أَوْ فِي الْغُنَى. أَنَا عَلَّمْت كِكَّيْف نَبْقَى رَضْيَانْ فِي أَيِّ بَكَانْ وَ فِي كُلِّ حَالْ، كَنْ أَنَا شَبْعَانْ وَلَّا جِيعَانْ وَ كَنْ عِنْدِي كَتِيرْ وَلَّا شِيَّةْ.

فِلِبِّي 4:12 Cross References

مَتَّى 11:29

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

2 كُرُنْتُس 11:27

أَنَا خَدَمْت بِدُرَاعِي وَ تِعِبْت وَ فَقَدْت دَايْماً النَّوْم وَ الْأَكِلْ وَ الشَّرَابْ. وَ كَتِيرْ كَيْ الْبَرِدْ لِحِقَانِي وَ خُلْقَانْ قَصَّرَوْا لَيِّ.

2 كُرُنْتُس 11:9

وَ وَكِتْ أَنَا مَعَاكُو وَ بِقِيتْ حَوْجَانْ، أَنَا مَا كَلَّفْت أَيِّ نَادُمْ مِنْكُو. الْأَخْوَانْ الْجَوْا مِنْ مَقِدُونِيَةْ بَسْ سَاعَدَوْنِي بِالشَّيّءْ الْقَصَّرْ لَيِّ. وَ أَنَا أَبَيْت مَا كَلَّفْتُكُو بِأَيِّ شَيّءْ وَ أَبَداً مَا نِكَلِّفْكُو.

تَثْنِية 32:10

وَ هُو لِقِيهُمْ فِي أَرْض صَحَرَاء، فِي أَرْض جَفَافْ الْفَوْقهَا إِلَّا حَرَكَةْ الرِّيحْ. هُو حَفَضَاهُمْ وَ عَلَّمَاهُمْ وَ فَكَّرْ فَوْقهُمْ مِثِلْ نَادُمْ يِفَكِّرْ فِي وَلْد عَيْنَهْ.

إشَعْيا 8:11

وَ دَاهُو كَلَامْ اللّٰهْ لَيِّ وَكِتْ إِيدَهْ كَرَبَتْنِي وَ حَذَّرْنِي مَا نِشِيلْ دَرِبْ الشَّعَبْ دَا. هُو قَالْ:

2 كُرُنْتُس 11:7

وَ تَعَرْفُوا كَدَرْ أَنَا مَا طَلَبْت مِنْكُو قُرُسْ وَكِتْ بَلَّغْت لَيْكُو بِشَارَةْ اللّٰهْ. وَ بِمِثِلْ دَا، أَنَا سَوَّيْت نَفْسِي صَغَيَّرْ أَشَانْ إِنْتُو تَبْقَوْا كُبَارْ. وَ هَسَّعْ تُقُولُوا دَا خَطَا مِنِّي أَنَا وَلَّا؟

2 كُرُنْتُس 10:10

حَتَّى كَانْ نَاسْ وَاحِدِينْ يَحْقُرُونِي وَ يُقُولُوا فَوْقِي: «كَلَامْ بُولُسْ فِي جَوَابَاتَهْ حَارّ وَ قَوِي. لَاكِنْ وَكِتْ هُو ذَاتَهْ حَاضِرْ مَعَانَا، هُو مَا عِنْدَهْ قُدْرَةْ وَ كَلَامَهْ مَا عِنْدَهْ فَايْدَةْ.»

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

إرْمِيا 31:19

أَيْوَى، بَعَّدْنَا نُفُوسْنَا مِنَّكْ وَ لَاكِنْ هَسَّعْ نِدِمْنَا. وَ بَعَدْ عِرِفْنَا خَطَايَانَا، دَنْقَرْنَا رُوسَيْنَا. وَ الْعَيْب وَ الْخِجْلَةْ كَرَبَوْنَا أَشَانْ أَنِحْنَ قَاعِدِينْ نِلْحَمَّلَوْا إِهَانَةْ صُبَانَا.›»

نَحَمْيا 9:20

وَ نَزَّلْت لَيْهُمْ رُوحَكْ الزَّيْن أَشَانْ يَنْطِيهُمْ الْفِهِمْ. وَ أَنْطَيْتهُمْ الْمَنَّةْ وَكِتْ جِيعَانِينْ وَ وَكِتْ عَطْشَانِينْ، أَنْطَيْتهُمْ أَلْمِي.

مَتَّى 13:52

وَ عِيسَى قَالْ: «خَلَاصْ، أَيِّ نَادُمْ الْهُو عَالِمْ بِالتَّوْرَاةْ وَ بِقِي تِلْمِيذْ مَمْلَكَةْ اللّٰهْ، هُو مِثِلْ نَادُمْ وَاحِدْ سِيدْ بَيْت كَبِيرْ. وَ مِنْ خُمَامَهْ الْغَالِي الدَّمَّهْ فِي بَيْتَهْ، هُو يَقْدَرْ يَمْرُقْ شَيّءْ جَدِيدْ وَ شَيّءْ قَدِيمْ الْمَضْمُومْ مِنْ زَمَانْ كُلَ.»