فِلِبِّي 4:10 - الكتاب المقدس بالعربي الدارجي هنا تشاد

¹⁰ أَنَا فَرْحَانْ بِلْحَيْن وَ قَاعِدْ نَشْكُرْ رَبِّنَا كَدَرْ فِي الأَخِيرْ، إِنْتُو شِلْتُوا نِيَّةْ أَشَانْ تِسَاعُدُونِي بَتَّانْ. بِالصَّحِيحْ، أَوَّلْ كُلَ عِنْدُكُو نِيَّةْ لَاكِنْ مَا عِنْدُكُو فُرْصَةْ.

فِلِبِّي 4:10 Cross References

2 كُرُنْتُس 11:9

وَ وَكِتْ أَنَا مَعَاكُو وَ بِقِيتْ حَوْجَانْ، أَنَا مَا كَلَّفْت أَيِّ نَادُمْ مِنْكُو. الْأَخْوَانْ الْجَوْا مِنْ مَقِدُونِيَةْ بَسْ سَاعَدَوْنِي بِالشَّيّءْ الْقَصَّرْ لَيِّ. وَ أَنَا أَبَيْت مَا كَلَّفْتُكُو بِأَيِّ شَيّءْ وَ أَبَداً مَا نِكَلِّفْكُو.

غَلاطِية 6:6

كَنْ نَادُمْ قَاعِدْ يِعَلِّمْكُو كَلَامْ اللّٰهْ، وَاجِبْ تَنْطُوهْ مِنْ الْمَالْ الْعِنْدُكُو.

فِلِبِّي 1:3

فِي أَيِّ وَكِتْ كَنْ فَكَّرْت لَيْكُو، نَشْكُرْ اللّٰهْ رَبِّي.

غَلاطِية 6:10

وَ أَشَانْ دَا، فِي أَيِّ وَكِتْ عِنْدِنَا فُرْصَةْ، خَلِّي نِسَوُّوا الْخَيْر لِكُلَّ النَّاسْ وَ خَاصَّةً لِأَهَلْ الْإِيمَانْ.

2 كُرُنْتُس 6:7

كَلَامْنَا كَلَامْ الْحَقّ وَ نَخْدُمُوا بِقُدْرَةْ اللّٰهْ. الْحَالْ الصَّالْحَةْ بَسْ سِلَاحْنَا فِي إِيدْنَا الزَّيْنَةْ وَ فِي إِيدْنَا الْإِسْرَةْ.

زَبُور 85:6

مَا إِنْتَ بَسْ التِّقَبِّلْ لَيْنَا وَ تَحَيِينَا وَ تَبْقَى فَرَحْ لِشَعَبَكْ؟

فِلِبِّي 2:30

أَوَّلْ هُو قَرِيبْ يُمُوتْ فِي شَانْ خِدِمْتَهْ لِلْمَسِيحْ وَ دَسَّ نَفْسَهْ فِي خُطُورَةْ شَدِيدَةْ أَشَانْ يِجِيبْ لَيِّ مُسَاعَدَةْ الْإِنْتُو مَا تَقْدَرَوْا تِجِيبُوهَا لَيِّ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

هُوشَع 14:7

وَ بَنِي إِسْرَائِيلْ يِقَبُّلُوا لَيِّ وَ يَقْعُدُوا فِي ضُلِّي. يِتَيْرُبُوا الْقَمَحْ وَ يِنَوُّرُوا مِثِلْ الْعِنَبْ. وَ نَاسْ يِحَجُّوا بَيْهُمْ مِثِلْ الْخَمَرْ اللَّذِيذْ هَنَا لُبْنَانْ.

2 أخبار 31:8

وَ وَكِتْ حِزْقِيَّا وَ مَسَائِيلَهْ جَوْا وَ شَافَوْا الْكِيمَانْ دَوْل، بَارَكَوْا اللّٰهْ وَ شَكَرَوْا شَعَبَهْ بَنِي إِسْرَائِيلْ.