فِلِبِّي 3:8 - الكتاب المقدس بالعربي الدارجي هنا تشاد

⁸ أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

فِلِبِّي 3:8 Cross References

رَوْمَا 8:18

تَعَبْ هَنَا وَكِتْنَا دَا، نَحْسِبَهْ شِيَّةْ وَكِتْ نِفَكِّرْ فِي الْمَجْد الْاللّٰهْ يِبَيِّنَهْ لَيْنَا بَعَدَيْن.

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

فِلِبِّي 3:7

لَاكِنْ كُلَّ شَيّءْ الْأَوَّلْ جَعَلْتَهْ هُو عِنْدَهْ فَايْدَةْ دَا، أَنَا خَلَّيْتَهْ مِنِّي وَ جَعَلْتَهْ مِثِلْ شَيّءْ سَاكِتْ فِي شَانْ الْمَسِيحْ.

يُوحَنَّا 17:3

وَ الْحَيَاةْ الْأَبَدِيَّةْ هِي، يَعَرْفُوكْ إِنْتَ اللّٰهْ الْوَاحِدْ الصَّحِيحْ وَ يَعَرْفُوا عِيسَى الْمَسِيحْ الْإِنْتَ رَسَّلْتَهْ.

فِلِبِّي 3:10

وَ نِجَاهِدْ أَشَانْ نَعَرِفْ الْمَسِيحْ تَمَامْ وَ نِعِيشْ بِقُدْرَةْ بُعَاثَهْ وَ نِشَارِكْ مَعَايَهْ فِي تَعَبَهْ. وَ نِدَوْر نَبْقَى مِثِلْ هُو بِقِي فِي مَوْتَهْ

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

1 كُرُنْتُس 2:2

وَ شِلْت نِيَّةْ أَشَانْ نِكَلِّمْ لَيْكُو مِثِلْ مَا نَعَرِفْ شَيّءْ إِلَّا عِيسَى الْمَسِيحْ وَ مَوْتَهْ فِي الصَّلِيبْ.

1 يُوحَنَّا 5:20

وَ نَعَرْفُوا كَدَرْ إِبْن اللّٰهْ جَاءْ وَ فَتَّحْ لَيْنَا قُلُوبْنَا أَشَانْ نَعَرْفُوا اللّٰهْ هُو الْإِلٰـهْ الْحَقّ وَ خَلَاصْ أَنِحْنَ بِقِينَا نَاسْ الْإِلٰـهْ الْحَقّ بِإِبْنَهْ عِيسَى الْمَسِيحْ. هُو بَسْ الْإِلٰـهْ الْحَقّ وَ الْحَيَاةْ الْأَبَدِيَّةْ.

يُوحَنَّا 17:8

أَشَانْ أَنَا أَنْطَيْتهُمْ الْكَلَامْ الْإِنْتَ أَنْطَيْتنِي. وَ هُمَّنْ قِبْلَوْه وَ يَعَرْفُوا أَكِيدْ أَنَا جِيتْ مِنَّكْ وَ آمَنَوْا كَدَرْ إِنْتَ رَسَّلْتِنِي.

يُوحَنَّا 14:20

وَ فِي الْيَوْم دَا، تَعَرْفُوا كَدَرْ أَنَا قَاعِدْ فِي أَبُويِ وَ إِنْتُو قَاعِدِينْ فِيِي وَ أَنَا قَاعِدْ فِيكُو.

عِبْرَانِيِّين 3:14

أَشَانْ كُلِّنَا بِقِينَا مُشَارِكِينْ فِي الْمَسِيحْ كَنْ صَحِيحْ نِتَابُعُوا الْإِيمَانْ الْعِنْدِنَا مِنْ الْبِدَايَةْ وَ نَقْعُدُوا ثَابْتِينْ فَوْقَهْ لَحَدِّي النِّهَايَةْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

يُوحَنَّا 14:7

كَنْ عِرِفْتُونِي، أَكِيدْ تَعَرْفُوا أَبُويِ اللّٰهْ كُلَ. وَ مِنْ هَسَّعْ عِرِفْتُوهْ وَ شِفْتُوهْ خَلَاصْ.»

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

أفَسُس 4:13

وَ يِسَوُّوا خِدْمِتْهُمْ لَحَدِّي كُلِّنَا سَوَا نَلْحَقَوْا الْوِحْدَةْ فِي الْإِيمَانْ وَ نَعَرْفُوا إِبْن اللّٰهْ تَمَامْ. وَ كُلِّنَا نَبْقَوْا عَاقْلِينْ لَحَدِّي أَيِّ وَاحِدْ يَبْقَى تَمَامْ مِثِلْ الْمَسِيحْ هُو تَمَامْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

1 يُوحَنَّا 1:3

وَ الشَّيّءْ الشِّفْنَاهْ وَ سِمِعْنَاهْ أَنِحْنَ نِبَلُّغُوهْ لَيْكُو أَشَانْ نِدَوْرُوا إِنْتُو كُلَ تُكُونُوا مَعَانَا فِي الْعَلَاقَةْ. وَ الْعَلَاقَةْ الْعِنْدِنَا دِي، هِي عَلَاقَةْ مَعَ أَبُونَا اللّٰهْ وَ مَعَ إِبْنَهْ عِيسَى الْمَسِيحْ.

2 تِمُوتَاوُس 4:6

وَ لَاكِنْ أَنَا بِقِيتْ مِثِلْ هَدِيَّةْ شَرَابْ وَ قَرِيبْ دَمِّي يِدَفِّقْ. وَ أَنَا مَوْتِي قَرَّبْ خَلَاصْ.

يُوحَنَّا 20:28

وَ تُومَا رَدَّ لَيَّهْ وَ قَالْ: «إِنْتَ رَبِّي. إِنْتَ إِلٰـهِي!»

يُوحَنَّا 16:3

يَكْرَهَوْكُو مِثِلْ دَا أَشَانْ مَا عِرْفَوْا أَبُويِ اللّٰهْ وَ مَا عِرْفَوْنِي أَنَا كُلَ.

زَبُور 126:6

الْيَمْشِي بِبَكِي، شَايِلْ تَيْرَابَهْ، هُو يِقَبِّلْ بِفَرَحْ، شَايِلْ قَنَادِيلَهْ.

1 يُوحَنَّا 2:19

أَوَّلْ هُمَّنْ فِي أُسُطْنَا وَ هَسَّعْ مَرَقَوْا مِنِّنَا لَاكِنْ بِالصَّحِيحْ، أَوَّلْ كُلَ هُمَّنْ مَا أَخْوَانَّا. كَنْ أَوَّلْ هُمَّنْ أَخْوَانَّا، هُمَّنْ يَقْعُدُوا مَعَانَا. وَ مِنْ مَرَقَوْا مِنْ أُسُطْنَا دَا، بِقِي وَاضِحْ لَيْنَا كَدَرْ مَا فِي نَادُمْ وَاحِدْ كَيْ مِنْهُمْ أَخُونَا بِالصَّحِيحْ.

1 بُطْرُس 2:7

وَ لَيْكُو إِنْتُو الْمُؤمِنِينْ، الْمَسِيحْ هُو الْحَجَرْ الْعِنْدَهْ قِيمَةْ كَبِيرَةْ. وَ لَاكِنْ لِلنَّاسْ الْمَا مُؤمِنِينْ، هُو بِقِي مِثِلْ الْكَلَامْ الْمَكْتُوبْ فِي الْكِتَابْ الْبُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

غَلاطِية 1:16

هُو بَيَّنْ إِبْنَهْ فِي قَلْبِي أَشَانْ نِبَشِّرْ بَيَّهْ فِي بُلْدَانْ هَنَا نَاسْ الْمَا يَهُودْ. وَ أَنَا مَا شَاوَرْت أَيِّ إِنْسَانْ.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

1 كُرُنْتُس 9:10

أَكِيدْ، اللّٰهْ قَالْ الْكَلَامْ دَا فِي شَانَّا أَنِحْنَ كُلَ. أَيْوَى، الْكَلَامْ دَا مَكْتُوبْ لِفَايْدِتْنَا. وَ دَا مِثِلْ الْحَرَّاتِي الْيَحْرِتْ فِي الزَّرَعْ وَ النَّادُمْ الْيُدُقّ الْغَلَّةْ فِي الْمَدَقّ يَخْدُمُوا بِعَشَمْ أَشَانْ يَلْقَوْا شَيّءْ مِنْ الْغَلَّةْ دِي.

يُوحَنَّا 20:13

وَ حَجَّوْا لَيْهَا وَ قَالَوْا: «مَرَةْ زَيْنَةْ، مَالْكِ تَبْكِي؟» وَ هِي رَدَّتْ لَيْهُمْ وَ قَالَتْ: «أَنَا قَاعِدَةْ نَبْكِي أَشَانْ شَالَوْا سَيِّدِي وَ مَا نَعَرِفْ الْبَكَانْ الْوَدَّوْه فَوْقَهْ.»

لُوقا 11:20

وَ كَنْ أَنَا طَرَدْت الشَّوَاطِينْ بِقُدْرَةْ اللّٰهْ ذَاتَهْ، خَلَاصْ مَمْلَكَةْ اللّٰهْ قَابَلَتْكُو.

عَدد 14:30

أَبَداً إِنْتُو مَا تَدْخُلُوا فِي الْبَلَدْ الْحَلَفْت وَ قُلْت نَنْطِيهَا لَيْكُو لِتَسْكُنُوا فَوْقهَا. إِلَّا كَالِبْ وِلَيْد يَفُونَى وَ يَشُوعْ وِلَيْد نُونْ بَسْ يَدْخُلُوهَا.

لُوقا 1:43

وَ كِكَّيْف اللّٰهْ أَنْطَانِي نِعْمَةْ كَبِيرَةْ مِثِلْ دِي لَحَدِّي إِنْتِ أَمّ رَبِّي تَجِي تِسَلِّمِينِي؟

مَلاخِـي 2:3

وَ دَاهُو نِحَذِّرْ ذُرِّيِّتْكُو وَ نَضْرُبْكُو بِبَعَرْ فِي وُجُوهْكُو وَ دَا الْبَعَرْ هَنَا ضَحَايَا أَعْيَادْكُو. وَ يِدَفُّقُوكُو بَرَّا مَعَ الْبَعَرْ دَا!

أيُّوب 20:7

هُو يَبْقَى مَا فِيهْ مَرَّةْ وَاحِدْ مِثِلْ هُرَارَهْ وَ الْيَعَرْفُوهْ يُقُولُوا: «وَيْن هُو؟»

2 مُلوك 9:37

وَ الْفَضْلَةْ هَنَا جِسِمْهَا كَمَانْ تَبْقَى مِثِلْ الْبَعَرْ الدَّيَّرَوْا بَيَّهْ زَرَعْ فِي أَرْض يَزْرَعِيلْ. وَ نَادُمْ مَا يَقْدَرْ يَعَرِفْهَا وَ يُقُولْ: ”دِي إِزَبِيلْ.“›»

1 مُلوك 14:10

وَ بِسَبَبْ دَا، أَنَا نِنَزِّلْ شَرّ فَوْق عَايِلَةْ يَرُبَعَامْ. وَ نِدَمِّرْ كُلَّ الرُّجَالْ مِنْ عَايِلْتَهْ كَنْ عَبِيدْ وَلَّا حُرِّينْ كُلَ فِي لُبّ بَنِي إِسْرَائِيلْ. وَ نُقُشّ عَايِلْتَهْ مِثِلْ يُقُشُّوا الْبَعَرْ مِنْ وِجْه الْأَرْض.

زَبُور 73:25

أَنَا نَلْقَى يَاتُو فِي السَّمَاءْ، بَلَاكْ إِنْتَ؟ وَ كَنْ إِنْتَ مَعَايِ، مَا نِرِيدْ شَيّءْ آخَرْ فِي الْأَرْض!

رَوْمَا 8:39

وَ لَا الْقُوَّاتْ الْفَوْق وَ لَا الْقُوَّاتْ التِّحِتْ وَ لَا أَيِّ مَخْلُوقْ، أَبَداً مَا فِي شَيّءْ يَفْرُقْنَا مِنْ مَحَبَّةْ اللّٰهْ لَيْنَا الْقَاعِدَةْ فِي الْمَسِيحْ عِيسَى رَبِّنَا.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

فِلِبِّي 3:12

وَ مَا نُقُولْ تَمَّيْت مَقْصُودِي خَلَاصْ وَ بِقِيتْ نَادُمْ تَمَامْ. لَاكِنْ أَنَا نِجَاهِدْ لِنَمُلْكَهْ أَشَانْ الْمَسِيحْ عِيسَى مَلَّكَانِي لِنَمْلُكْ الْمَقْصُودْ دَا.

2 بُطْرُس 1:2

عَلَيْكُمْ السَّلَامْ وَ الرَّحْمَةْ بِكَتَرَةْ بِسَبَبْ عِرْفِتْكُو لِلّٰهْ وَ رَبِّنَا عِيسَى.

2 بُطْرُس 1:8

وَ كَنْ عِنْدُكُو الْأَشْيَاءْ دَوْل وَ قَاعِدِينْ يِزِيدُوا فَوْقكُو بِكَتَرَةْ، خَلَاصْ تَبْقَوْا نَافْعِينْ وَ تَلْقَوْا مَعْرَفَةْ زِيَادَةْ فِي رَبِّنَا عِيسَى الْمَسِيحْ.