فِلِبِّي 3:6 - الكتاب المقدس بالعربي الدارجي هنا تشاد

⁶ وَ أَنَا بِقِيتْ مُنْكَرِبْ بِلْحَيْن فِي دِينِي الْيَهُودِي لَحَدِّي حَاوَلْت نِدَمِّرْ أُمَّةْ الْمَسِيحْ. وَ حَسَبْ كَلَامْهُمْ فِي شُرُوطْ التَّوْرَاةْ، أَنَا بِقِيتْ نَادُمْ صَالِحْ وَ مَا عِنْدِي عَيْب.

فِلِبِّي 3:6 Cross References

أعمال الرُسُل 8:3

وَ لَاكِنْ شَاوُولْ دَوَّرْ يِدَمِّرْ أُمَّةْ الْمَسِيحْ مَرَّةْ وَاحِدْ وَ قَمَّ أَنْدَسَّ بَيْت لِبَيْت أَشَانْ يَكْرُبْ رُجَالْ وَ عَوِينْ وَ يِدِسُّهُمْ فِي السِّجِنْ.

مَتَّى 5:20

وَ نُقُولْ لَيْكُو كَنْ إِنْتُو مَا بِقِيتُوا صَالِحِينْ زِيَادَةْ مِنْ الْعُلَمَاءْ وَ الْفَرِيزِيِّينْ، أَبَداً مَا تَدْخُلُوا فِي مَمْلَكَةْ اللّٰهْ.

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

فِلِبِّي 3:9

وَ نِدَوْر عَلَاقْتِي مَعَايَهْ تَبْقَى كَامِلَةْ. وَ بِمِثِلْ دَا، مَا نَجْعَلْ نَفْسِي صَالِحْ بِطَبِّقِينْ شُرُوطْ التَّوْرَاةْ لَاكِنْ نَبْقَى صَالِحْ بِإِيمَانِي بِالْمَسِيحْ أَشَانْ الدَّرِبْ الْاللّٰهْ يِسَوِّي بَيَّهْ النَّاسْ صَالِحِينْ، هُو دَرِبْ الْإِيمَانْ.

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

رَوْمَا 7:9

أَوَّلْ أَنَا حَيّ وَ مَا عِرِفْت شُرُوطْ التَّوْرَاةْ لَاكِنْ الْوَصِيَّةْ جَاتْ لَيِّ وَ الذَّنِبْ حِيِي فَوْقِي

أعمال الرُسُل 26:5

مِنْ زَمَانْ يَعَرْفُونِي. وَ كَنْ هُمَّنْ دَوَّرَوْا يَشْهَدَوْا لَيِّ، يَقْدَرَوْا يِأَوْرُوكْ كَدَرْ أَنَا طَبَّقْت تَعْلِيمْ الْفَرِيزِيَّةْ وَ مَا فِي يَهُودْ كَارْبِينْ الدِّينْ زِيَادَةْ مِنْ الْفَرِيزِيِّينْ.

أعمال الرُسُل 21:20

وَ وَكِتْ سِمْعَوْا كَلَامَهْ، مَجَّدَوْا اللّٰهْ. وَ لَاكِنْ قَالَوْا لَيَّهْ: «شِيفْ، يَا أَخُونَا. هِنِي آلَافْ مِنْ النَّاسْ الْآمَنَوْا بِرَبِّنَا عِيسَى هُمَّنْ يَهُودْ وَ كُلُّهُمْ يِتَابُعُوا تَوْرَاةْ مُوسَى بِقَلِبْ وَاحِدْ.

لُوقا 1:6

وَ هُمَّنْ صَالِحِينْ قِدَّامْ اللّٰهْ وَ قَاعِدِينْ يِطَبُّقُوا عَدِيلْ كُلَّ وَصِيَّاتَهْ وَ شُرُوطَهْ.

مَتَّى 23:25

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ وَكِتْ تِلْوَضَّوْا، دَا يَبْقَى مِثِلْ تِغَسُّلُوا الْكَاسْ وَ الْكَوْرَوْ مِنْ بَرَّا لَاكِنْ فِي دَاخَلْ هُمَّنْ مَلَانِينْ تَكْ مِنْ خُمَامْ السِّرْقَةْ وَ مِنْ الطَّمَعْ.

2 مُلوك 10:16

وَ قَالْ لَيَّهْ: «تَعَالْ مَعَايِ وَ تِشِيفْ زَعَلِي الشَّدِيدْ ضِدّ عُدْوَانْ اللّٰهْ.» وَ يَاهُو وَدَّاهْ مَعَايَهْ فِي عَرَبَتَهْ.

2 صَمُوِيل 21:2

وَ الْمَلِكْ نَادَاهُمْ لِسُكَّانْ قِبْعُونْ وَ حَجَّى لَيْهُمْ. وَ الْقِبْعُونِيِّينْ، هُمَّنْ مَا مِنْ بَنِي إِسْرَائِيلْ لَاكِنْ مِنْ الْأَمُورِيِّينْ الْفَضَّلَوْا فِي الْبَلَدْ. وَ زَمَانْ، بَنِي إِسْرَائِيلْ حَلَفَوْا لِلْقِبْعُونِيِّينْ وَ قَالَوْا مَا يَكْتُلُوهُمْ. وَ لَاكِنْ مِنْ شِدَّةْ حَمِيصْتَهْ لِبَنِي إِسْرَائِيلْ وَ بَنِي يَهُوذَا، شَاوُولْ دَوَّرْ يِدَمِّرْهُمْ.

جامِعة 7:16

نَاسْ وَاحِدِينْ بُقُولُوا: «مَا تَبْقَى صَالِحْ زِيَادَةْ وَ لَا تَبْقَى حَكِيمْ زِيَادَةْ. أَشَانْ بَيْدَا، تِدَمِّرْ نَفْسَكْ.

أعمال الرُسُل 22:5

وَ كَلَامِي دَا صَحِيحْ وَ كَنْ مَا تِصَدُّقُونِي، أَسْأَلَوْا كَبِيرْ رُجَالْ الدِّينْ وَ مَجْلَسْ الْكُبَارَاتْ. هُمَّنْ ذَاتْهُمْ أَنْطَوْنِي جَوَابَاتْ لِأَخْوَانْهُمْ فِي مَدِينَةْ دِمَشْق. وَ أَنَا مَشَيْت أَشَانْ نَكْرُبْ نَاسْ هَنَا عِيسَى الْقَاعِدِينْ هِنَاكْ وَ دَوَّرْت نَرْبُطْهُمْ وَ نِقَبِّلْ بَيْهُمْ فِي مَدِينَةْ الْقُدُسْ أَشَانْ يِعَاقُبُوهُمْ هِنِي.

1 كُرُنْتُس 10:32

مَا تَبْقَوْا سَبَبْ لِأَيِّ نَادُمْ لِتَمُرْقُوهْ مِنْ الدَّرِبْ، وَ لَا لِلْيَهُودْ وَ لَا لِلْيُونَانِيِّينْ وَ لَا لِنَاسْ اللّٰهْ أُمَّةْ الْمَسِيحْ.

فِلِبِّي 2:15

أَشَانْ تَبْقَوْا نَاسْ بَلَا خَطَا وَ بَرِيِّينْ وَ تِعِيشُوا مِثِلْ عِيَالْ اللّٰهْ بَلَا عَيْب فِي أُسُطْ النَّاسْ الْفَسْلِينْ وَ عُوُجْ هَنَا الدُّنْيَا دِي. وَ تَبْقَوْا فِي أُسُطْهُمْ نُورْ مِثِلْ النُّجُومْ فِي الْعَالَمْ الْأَضْلَمْ

لاوِيِّين 13:16

وَ كَنْ الْجِسِمْ الْبِنْشَافْ أَحْمَرْ غَيَّرْ وَ بِقِي أَبْيَضْ، خَلِّي الْمَرْضَانْ يِقَبِّلْ لِرَاجِلْ الدِّينْ.

قُضياء 6:30

وَ نَاسْ الْحِلَّةْ قَالَوْا لِيُوَاشْ: «جِيبْ لَيْنَا وِلَيْدَكْ نَكْتُلُوهْ أَشَانْ هُو بَسْ الْهَدَّمْ مَدْبَحْ بَعَلْ وَ كَسَّرْ الْعُودْ هَنَا عِبَادَةْ أَشِيرَةْ الْقَاعِدْ جَنْبَهْ.»