فِلِبِّي 3:15 - الكتاب المقدس بالعربي الدارجي هنا تشاد

¹⁵ وَ خَلَاصْ، خَلِّي كُلِّنَا الْبِقِينَا قَوِيِّينْ فِي الْإِيمَانْ نِتَابُعُوا نَفْس الْفِكِرْ. وَ كَنْ فِكِرْكُو شِقْ مِنْ الْفِكِرْ دَا، خَلِّي دَا كُلَ اللّٰهْ يِوَصِّفَهْ لَيْكُو.

فِلِبِّي 3:15 Cross References

يُوحَنَّا 7:17

أَيِّ نَادُمْ كَنْ عِنْدَهْ نِيَّةْ يِسَوِّي كُلَّ شَيّءْ الْاللّٰهْ يِدَوْرَهْ، هُو يَعَرِفْ كَنْ كَلَامِي دَا جَايِ مِنْ اللّٰهْ أَوْ جَايِ مِنِّي أَنَا بَسْ.

غَلاطِية 5:10

لَاكِنْ الرَّبّ أَنْطَانِي ضَمَانْ لَيْكُو وَ نَعَرِفْ كَدَرْ إِنْتُو مَا تَقْبَلَوْا فِكِرْ شِقْ مِنْ فِكِرْنَا. وَ النَّادُمْ الْقَاعِدْ يِبَرْجِلْكُو دَا، الْحُكُمْ يَجِي فَوْقَهْ كَنْ يَبْقَى يَاتُو كُلَ.

1 كُرُنْتُس 2:6

وَ لَاكِنْ كَنْ أَنِحْنَ قَاعِدِينْ مَعَ مُؤمِنِينْ كُبَارْ فِي الْإِيمَانْ، نِكَلُّمُوا لَيْهُمْ بِحِكْمَةْ عَدِيلَةْ. وَ الْحِكْمَةْ دِي مَا تِشَابِهْ حِكْمَةْ نَاسْ الدُّنْيَا وَ لَا حِكْمَةْ كُبَارَاتْ نَاسْ الدُّنْيَا اللَّابُدَّ يَبْقَوْا مَا فِيهُمْ.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

1 كُرُنْتُس 14:20

يَا أَخْوَانِي، خَلِّي فِكِرْكُو مَا يَبْقَى مِثِلْ فِكِرْ هَنَا الْعِيَالْ الدُّقَاقْ. خَلِّي أَيِّ نَادُمْ يَبْقَى بَرِي مِثِلْ الطِّفِلْ فِي الشَّيّءْ الْبُخُصّ الشَّرّ. لَاكِنْ خَلِّي فِكِرْكُو يَبْقَى فِكِرْ هَنَا النَّادُمْ الْعَاقِلْ.

مَتَّى 5:48

خَلَاصْ، أَبْقَوْا نَاسْ كَامِلِينْ مِثِلْ اللّٰهْ أَبُوكُو فِي السَّمَاءْ كَامِلْ.»

إشَعْيا 35:8

وَ فِي الْبَكَانْ دَا، يِسَوُّوا دَرِبْ وَ يِسَمُّوهْ الدَّرِبْ الْخَاصّ. الْمَا طَاهِرْ مَا يِعَدِّي بَيَّهْ وَ الْمُنَافِقِينْ مَا يِوَدُّرُوا فَوْقَهْ أَشَانْ الدَّرِبْ دَا لِشَعَبْ اللّٰهْ بَسْ.

عِبْرَانِيِّين 5:14

وَ التَّعْلِيمْ الْمُهِمّ، هُو مِثِلْ اللَّحَمْ وَ هُو وَاجِبْ لِلنَّادُمْ الْعَاقِلْ فِي الْإِيمَانْ الدَّرَّسَوْه لَحَدِّي يَعَرِفْ كِكَّيْف يِمَيِّزْ الْخَيْر مِنْ الشَّرّ.

كُلُوسِي 1:28

وَ نِبَلُّغُوا النَّاسْ بِالْمَسِيحْ. وَ نِخَبُّرُوا أَيِّ نَادُمْ وَ نِعَلُّمُوا أَيِّ نَادُمْ بِكُلِّ حِكْمَةْ أَشَانْ أَيِّ إِنْسَانْ يُكُونْ كَامِلْ فِي الْمَسِيحْ.

رَوْمَا 15:1

لَاكِنْ أَنِحْنَ الْقَوِيِّينْ فِي الْإِيمَانْ، وَاجِبْ نَحْمَلَوْا أَخْوَانَّا الْمَا قَوِيِّينْ فِي الْإِيمَانْ. وَ مَا وَاجِبْ نِسَوُّوا الشَّيّءْ الْيَعَجِبْنَا أَنِحْنَ بَسْ.

لُوقا 11:13

إِنْتُو الْمُذْنِبِينْ كُلَ تَعَرْفُوا كِكَّيْف تَنْطُوا شُغُلْ سَمَحْ لِعِيَالْكُو. وَ لَاكِنْ أَبُوكُو اللّٰهْ أَخَيْر زِيَادَةْ مِنْكُو. وَ هُو يَنْطِي الرُّوحْ الْقُدُّوسْ لِلنَّاسْ الْيَسْأَلَوْه.»

1 يُوحَنَّا 2:5

وَ النَّادُمْ الْقَاعِدْ يِتَابِعْ كَلَامْ اللّٰهْ، هُو دَا صَحِيحْ كَيْ يِحِبّ اللّٰهْ تَمَامْ. وَ دَاهُو كِكَّيْف نِأَكُّدُوا كَدَرْ أَنِحْنَ قَاعِدِينْ ثَابْتِينْ فَوْقَهْ.

2 تِمُوتَاوُس 3:17

وَ بَيَّهْ خَدَّامْ اللّٰهْ يَبْقَى قَادِرْ وَ جَاهِزْ أَشَانْ يِسَوِّي أَيِّ عَمَلْ هَنَا خَيْر.

يُوحَنَّا 6:45

وَ مَكْتُوبْ فِي كِتَابْ الْأَنْبِيَاء: <اللّٰهْ ذَاتَهْ يِعَلِّمْهُمْ كُلُّهُمْ.> وَ أَيِّ نَادُمْ الْيَسْمَعْ كَلَامْ أَبُويِ وَ يِلْعَلَّمْ مِنَّهْ، يَجِي لَيِّ.

أفَسُس 1:17

وَ نَدْعِي اللّٰهْ أَبُونَا الْمَجِيدْ الرَّسَّلْ رَبِّنَا عِيسَى الْمَسِيحْ وَ نَسْأَلَهْ لَيْكُو كَدَرْ هُو يَنْطِيكُو بِالرُّوحْ الْقُدُّوسْ فِكِرْ عَدِيلْ وَ عِرْفَةْ أَشَانْ تَعَرْفُوا اللّٰهْ بِزِيَادَةْ.

1 تَسَلونِيكِي 4:9

وَ أَكِيدْ، اللّٰهْ ذَاتَهْ عَلَّمَاكُو كَدَرْ وَاجِبْ تِرَّايَدَوْا أَمْبَيْنَاتْكُو. وَ أَشَانْ دَا، إِنْتُو مَا حَوْجَانِينْ أَنِحْنَ نَكْتُبُوا لَيْكُو فِي الْمَحَبَّةْ الْأَخَوِيَّةْ.