فِلِبِّي 3:12 - الكتاب المقدس بالعربي الدارجي هنا تشاد

¹² وَ مَا نُقُولْ تَمَّيْت مَقْصُودِي خَلَاصْ وَ بِقِيتْ نَادُمْ تَمَامْ. لَاكِنْ أَنَا نِجَاهِدْ لِنَمُلْكَهْ أَشَانْ الْمَسِيحْ عِيسَى مَلَّكَانِي لِنَمْلُكْ الْمَقْصُودْ دَا.

فِلِبِّي 3:12 Cross References

زَبُور 138:8

اللّٰهْ يِتَمِّمْ كُلَّ شَيّءْ الْهُو بَدَا لَيِّ. يَا اللّٰهْ، رَحْمَتَكْ دَايْمَةْ إِلَى الْأَبَدْ. مَا تِخَلِّي أَعْمَالْ إِيدَيْنَكْ!

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

إشَعْيا 51:1

«أَسْمَعَوْنِي، إِنْتُو التَّجْرُوا وَرَاءْ الْعَدَالَةْ وَ تِتَابُعُونِي أَنَا اللّٰهْ. إِنْتُو مِثِلْ حَجَرْ الْقَطَعَوْه مِنْ جَبَلْ. أَذَّكَّرَوْا الْجَبَلْ الْقَطَعَوْكُو مِنَّهْ وَ النُّقْرَةْ الْمَرَقَوْكُو مِنْهَا.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

أفَسُس 1:4

قُبَّالْ بِدَايَةْ الدُّنْيَا، اللّٰهْ عَزَلَانَا فِي الْمَسِيحْ. بِسَبَبْ مَحَبِّتَهْ، هُو شَالْ نِيَّةْ أَشَانْ نَبْقَوْا خَاصِّينْ وَ نَحْضَرَوْا قِدَّامَهْ بَلَا أَيِّ عَيْب.

فِلِبِّي 3:16

خَلِّي أَيِّ وَاحِدْ يِعِيشْ حَسَبْ مَعْرَفَةْ الْمَسِيحْ اللِّقِيهَا وَ يَمْشِي قِدَّامْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

يَعْقُوب 3:2

أَيِّ وَاحِدْ مِنِّنَا يَخْطَا كَتِيرْ. كَنْ نَادُمْ أَبَداً مَا يَخْطَا فِي كَلَامَهْ، هُو دَا نَادُمْ كَامِلْ وَ يَقْدَرْ فِي نَفْسَهْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

غَلاطِية 5:17

أَشَانْ الشَّيّءْ الْيِرِيدَهْ قَلِبْ الْإِنْسَانْ شِقْ مِنْ الْيِرِيدَهْ الرُّوحْ الْقُدُّوسْ. وَ الشَّيّءْ الْيِرِيدَهْ الرُّوحْ الْقُدُّوسْ شِقْ مِنْ الْيِرِيدَهْ قَلِبْ الْإِنْسَانْ. الْإِتْنَيْن دَوْل يِدَّاوَسَوْا أَمْبَيْنَاتْهُمْ أَشَانْ يَدْحَرَوْكُو مِنْ الشَّيّءْ التِّدَوْرُوا تِسَوُّوهْ.

أيُّوب 17:9

الصَّالِحْ يَثْبِتْ فِي دَرْبَهْ وَ الْإِيدَيْنَهْ نَضِيفْينْ يَلْقَى قُدْرَةْ زِيَادَةْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

2 تَسَلونِيكِي 2:13

لَاكِنْ، يَا أَخْوَانِي الرَّبِّنَا يِحِبُّكُو، وَاجِبْ نَشْكُرُوا اللّٰهْ دَايْماً فِي شَانْكُو إِنْتُو. اللّٰهْ عَزَلَاكُو مِنْ الْأَوَّلْ أَشَانْ يِنَجِّيكُو وَ يِسَوِّيكُو صَالِحِينْ بِعَمَلْ الرُّوحْ الْقُدُّوسْ. وَ دَا يَبْقَى أَشَانْ إِنْتُو آمَنْتُوا بِالْحَقّ.

أفَسُس 4:12

وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

2 كُرُنْتُس 13:9

وَ كَنْ أَنِحْنَ مَا عِنْدِنَا قُدْرَةْ وَ إِنْتُو بَسْ عِنْدُكُو، خَلَاصْ أَنِحْنَ فَرْحَانِينْ. وَ نَسْأَلَوْا اللّٰهْ لَيْكُو أَشَانْ إِنْتُو تَبْقَوْا مُؤمِنِينْ كَامِلِينْ.

1 كُرُنْتُس 13:10

لَاكِنْ وَكِتْ كُلِّ شَيّءْ يَبْقَى تَمَامْ، الشَّيّءْ الْمَا تَمَامْ يِكَمِّلْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

زَبُور 119:5

خَلِّي دُرُوبِي يَبْقَوْا ثَابْتِينْ أَشَانْ نَحْفَضْ شُرُوطَكْ.

زَبُور 84:2

وَ نَفْسِي مُشْتَاقَةْ وَ قَرْمَانَةْ لِفَضَايَةْ بَيْتَكْ الْمُقَدَّسْ. وَ قَلْبِي وَ جِسْمِي يَصْرَخَوْا مِنْ الْفَرَحْ لِلّٰهْ الْحَيّ.

زَبُور 63:8

نَفْسِي مُتَمَسِّكَةْ بِمُتَابَعَتَكْ وَ إِيدَكْ الزَّيْنَةْ كَرَبَتْنِي.

1 تَسَلونِيكِي 5:15

أَنْقَرْعُوا، نَادُمْ مِنْكُو مَا يِسَوِّي شَيّءْ فَسِلْ لِلنَّاسْ السَّوَّوْا لَيَّهْ شَيّءْ فَسِلْ. شِيلُوا نِيَّةْ أَشَانْ تِسَوُّوا دَايْماً الْخَيْر أَمْبَيْنَاتْكُو وَ لِكُلَّ النَّاسْ.

1 تِمُوتَاوُس 6:19

وَ مِثِلْ دَا، يُضُمُّوا لِنُفُوسْهُمْ رَاسْ مَالْ لِلْآخِرَةْ أَشَانْ يَكُرْبُوا قَوِي الْحَيَاةْ الصَّحِيحَةْ الْهِي الْحَيَاةْ الْأَبَدِيَّةْ.

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

زَبُور 94:15

الشَّرِيعَةْ تِنْقَطِعْ حَسَبْ الْعَدَالَةْ وَ كُلَّ النَّاسْ الْقَلِبْهُمْ عَدِيلْ يِتَابُعُوهَا.

عِبْرَانِيِّين 12:23

وَ جِيتُوا قِدَّامْ جَمَاعَةْ أَوْلَادْ الْبِكِرْ الْأَسَامَيْهُمْ مُسَجَّلِينْ فِي السَّمَاءْ. وَ جِيتُوا قِدَّامْ اللّٰهْ الْيِحَاسِبْ كُلَّ النَّاسْ. وَ جِيتُوا قِدَّامْ أَرْوَاحْ الصَّالِحِينْ الْاللّٰهْ سَوَّاهُمْ كَامِلِينْ.

زَبُور 42:1

مِثِلْ غَزَالْ مُشْتَاقَةْ لِلْأَلْمِي أَنَا كُلَ مُشْتَاقْ لَيْك، يَا إِلٰـهِي!

مَتَّى 5:48

خَلَاصْ، أَبْقَوْا نَاسْ كَامِلِينْ مِثِلْ اللّٰهْ أَبُوكُو فِي السَّمَاءْ كَامِلْ.»

رَوْمَا 8:39

وَ لَا الْقُوَّاتْ الْفَوْق وَ لَا الْقُوَّاتْ التِّحِتْ وَ لَا أَيِّ مَخْلُوقْ، أَبَداً مَا فِي شَيّءْ يَفْرُقْنَا مِنْ مَحَبَّةْ اللّٰهْ لَيْنَا الْقَاعِدَةْ فِي الْمَسِيحْ عِيسَى رَبِّنَا.

1 كُرُنْتُس 9:24

تَعَرْفُوا كَدَرْ فِي السَّبَقْ، كُلَّ النَّاسْ يَجْرُوا لَاكِنْ وَاحِدْ مِنْهُمْ بَسْ يَلْقَى الْجَائِزَةْ. شِيلُوا الْمَثَلْ دَا وَ جَاهُدُوا فِي دَرِبْ الْإِيمَانْ أَشَانْ تَلْقَوْا جَائِزَةْ.

1 كُرُنْتُس 13:12

أَشَانْ هَسَّعْ فِي زَمَنَّا دَا، نِشِيفُوا الْحَقّ مِثِلْ نِشِيفُوهْ فِي أَمْ شَوَّافَةْ الْوَسْخَانَةْ وَ فِي الْآخِرَةْ، نِشِيفُوهْ عَدِيلْ. هَسَّعْ دَا، أَنَا عِرِفْت شِيَّةْ وَ بَعَدَيْن نَعَرِفْ عَدِيلْ مِثِلْ اللّٰهْ عِرِفْنِي.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.