فِلِبِّي 3:11 - الكتاب المقدس بالعربي الدارجي هنا تشاد

¹¹ وَ خَلَاصْ بِأَيِّ دَلِيلْ، نَلْحَقْ فِي الأَخِيرْ بُعَاثْ الْمَيْتِينْ.

فِلِبِّي 3:11 Cross References

رُؤية 20:5

وَ دَا الْبُعَاثْ الْأَوَّلَانِي. الْمَيْتِينْ الْآخَرِينْ مَا يَحْيَوْا لَحَدِّي الْأَلِفْ سَنَةْ دَوْل يِتِمُّوا.

أعمال الرُسُل 26:7

وَ قَبَايِلْنَا الْأَتْنَا عَشَرْ قَاعِدِينْ يَعَبُدُوا اللّٰهْ بِشِدَّةْ لَيْل وَ نَهَارْ أَشَانْ هُمَّنْ مُؤمِنِينْ بِالْبُعَاثْ وَ يِدَوْرُوا اللّٰهْ يِتِمّ لَيْهُمْ كَلَامَهْ. وَ هَسَّعْ، بِسَبَبْ كَلَامِي فِي الْبُعَاثْ بَسْ، الْيَهُودْ قَاعِدِينْ يَتْهَمَوْنِي، يَا السَّيِّدْ الْمَلِكْ.

أعمال الرُسُل 23:6

وَ وَكِتْ بُولُسْ قَاعِدْ يِشِيفْ نَاسْ الْمَجْلَسْ، هُو عِرِفْ وَاحِدِينْ مِنْهُمْ صَدُّوقِيِّينْ وَ وَاحِدِينْ مِنْهُمْ فَرِيزِيِّينْ. وَ حَجَّى بِحِسّ عَالِي وَ قَالْ: «يَا الْأَخْوَانْ، أَنَا فَرِيزِي وِلَيْد هَنَا فَرِيزِيِّينْ! يِدَوْرُوا يِشَارُعُونِي أَشَانْ أَنَا مُؤمِنْ بِالشَّيّءْ النَّرْجَوْه بِعَشَمْ. أَنَا مُؤمِنْ بِالْبُعَاثْ.»

عِبْرَانِيِّين 11:35

وَ فِي عَوِينْ الْمَيْتِينْهِنْ بَعَثَوْا وَ قَبَّلَوْا لَيْهِنْ. وَ لَاكِنْ فِي نَاسْ وَاحِدِينْ، عَذَّبَوْهُمْ وَ أَبَوْا مَا يَمُرْقُوا مِنْ الْعَذَابْ أَشَانْ يِدَوْرُوا يَبْعَثَوْا فِي حَيَاةْ أَفْضَلْ.

2 تَسَلونِيكِي 2:3

مَا تِخَلُّوا نَادُمْ يُغُشُّكُو بِأَيِّ شَيّءْ. قُبَّالْ يَوْم الرَّبّ مَا يَجِي، لَابُدَّ الْعِصْيَانْ الْأَخِيرْ يَبْقَى وَ نَاكِرْ الْحَقّ يِبِينْ وَ هُو النَّادُمْ الْاللّٰهْ قَدَّرْ لَيَّهْ الْهَلَاكْ.

1 تَسَلونِيكِي 3:5

أَشَانْ دَا، وَكِتْ فَقَدْت الصَّبُرْ مَرَّةْ وَاحِدْ، رَسَّلْت لَيْكُو تِمُوتَاوُسْ أَشَانْ نِدَوْر نَعَرِفْ كَنْ إِنْتُو ثَابْتِينْ فِي إِيمَانْكُو وَلَّا لَا. وَ فِي الْوَكِتْ دَاكْ، أَنَا قَاعِدْ نِهِمّ لَيْكُو. فِي فِكْرِي، أَكُونْ إِبْلِيسْ الْيِجَرِّبْ النَّاسْ أَنَّصَرْ فَوْقكُو وَ التَّعَبْ الْأَنَا تِعِبْتَهْ فَوْقكُو مَشَى فِي الرِّيحْ سَاكِتْ.

2 كُرُنْتُس 11:3

لَاكِنْ نَعَرْفُوا كَدَرْ الدَّابِي غَشَّ حَوَّاء بِنَجَاضْتَهْ وَ هَسَّعْ أَنَا خَايِفْ لَيْكُو. أَكُونْ نَادُمْ يِتَلِّفْ فِكِرْكُو أَشَانْ مَا تِتَابُعُوا الْمَسِيحْ بِمَحَبَّةْ صَادْقَةْ وَ مُخْلِصَةْ.

1 كُرُنْتُس 9:27

أَيْوَى، أَنَا نِوَلِّفْ جِسْمِي التَّعَبْ لِنِسَّيْطَرْ فَوْقَهْ. أَشَانْ كَنْ مَا نِسَّيْطَرْ فِي نَفْسِي، أَكُونْ نِنَادِي النَّاسْ فِي دَرِبْ النَّجَاةْ لَاكِنْ فِي الأَخِيرْ، أَنَا ذَاتِي يَدْحَرَوْنِي مِنْ الْجَائِزَةْ.

1 كُرُنْتُس 9:22

وَ كَنْ أَنَا قَاعِدْ مَعَ النَّاسْ الْمَا عِنْدُهُمْ قُدْرَةْ، أَنَا كُلَ نِسَوِّي نَفْسِي نَادُمْ الْمَا عِنْدَهْ قُدْرَةْ لِنِجِيبْ الْمَا عِنْدُهُمْ قُدْرَةْ فِي دَرِبْ النَّجَاةْ. أَنَا نِسَوِّي نَفْسِي مِثِلْ أَيِّ نَادُمْ فِي أَيِّ حَالْ لِنِنَجِّي وَاحِدِينْ مِنْهُمْ بِأَيِّ دَلِيلْ.

رَوْمَا 11:14

أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ.

يُوحَنَّا 11:24

وَ مَرْثَةْ قَالَتْ لَيَّهْ: «نَعَرِفْ كَدَرْ هُو يَبْعَثْ مَعَ الْمَيْتِينْ فِي الْبُعَاثْ الْيَبْقَى فِي يَوْم الْأَخِيرْ.»

لُوقا 14:14

وَ اللّٰهْ يِبَارِكَكْ أَشَانْ هُمَّنْ مَا يَقْدَرَوْا يِقَبُّلُوا لَيْك شَيّءْ. وَ اللّٰهْ يِآجِرَكْ وَكِتْ بُعَاثْ الصَّالِحِينْ.»

زَبُور 49:7

الْإِنْسَانْ مَا يَقْدَرْ يَفْدَى أَخُوهْ وَ لَا يِكَفِّي تَمَنْ فِدْيَتَةْ لِلرَّبّ.

أعمال الرُسُل 27:12

وَ دَوَّرَوْا يَلْقَوْا بَكَانْ هَادِي أَشَانْ يَقْعُدُوا فَوْقَهْ لَحَدِّي الشِّتَاءْ يِكَمِّلْ وَ الْبَكَانْ السَّفِينَةْ قَاعِدَةْ فَوْقَهْ مَا مُوَافِقْ. وَ نَاسْ كَتِيرِينْ قَالَوْا يَبْقَى لَيْهُمْ أَخَيْر كَنْ يَمْشُوا قِدَّامْ وَ يِجَاهُدُوا أَشَانْ يَلْحَقَوْا حِلَّةْ فِينِكْس وَ يَقْعُدُوا فَوْقهَا. فِينِكْس قَاعِدَةْ فِي جَزِيرَةْ كِرِيتْ وَ عِنْدَهَا خَشُمْ بَحَرْ عَدِيلْ مَا فَاتِحْ لِلرِّيحْ، إِلَّا فِي قَرْن الْمُنْشَاقْ لِلْغَرِبْ وَ فِي قَرْن الْوَطِي لِلْغَرِبْ.

1 كُرُنْتُس 15:23

لَاكِنْ أَيِّ نَادُمْ يَبْعَثْ حَسَبْ نِظَامْ اللّٰهْ. أَوَّلْ، الْبِكِرْ بَعَثْ وَ هُو الْمَسِيحْ. وَ بَعَدَيْن فِي يَوْم جَيْتَهْ، كُلَّ نَاسْ هَنَا الْمَسِيحْ يَبْعَثَوْا.

2 تِمُوتَاوُس 4:8

وَ هَسَّعْ الْجَائِزَةْ الْيَنْطُوهَا لِلْغَالِبْ تَرْجَانِي. وَ هِي التَّاجْ الرَّبِّنَا يُخُطَّهْ فِي رَاسْ النَّادُمْ الصَّالِحْ. وَ رَبِّنَا الْحَاكِمْ الْعَادِلْ يَنْطِينِي الطَّاقِيَّةْ دِي فِي الْيَوْم الْأَخِيرْ. وَ مَا يَنْطِيهَا لَيِّ أَنَا وِحَيْدِي لَاكِنْ يَنْطِيهَا لِكُلَّ النَّاسْ الْقَرْمَانِينْ لِيَوْم جَيْتَهْ.