فِلِبِّي 3:1 - الكتاب المقدس بالعربي الدارجي هنا تشاد

¹ وَ خَلَاصْ، يَا أَخْوَانِي، أَفْرَحَوْا بِرَبِّنَا عِيسَى. مَا قَاسِي لَيِّ نَكْتِبْ لَيْكُو نَفْس الشَّيّءْ الْأَوَّلْ أَوْرَيْتكُو بَيَّهْ وَ نِكَرِّرَهْ بَتَّانْ أَشَانْ دَا يَبْقَى لَيْكُو أَكِيدْ.

فِلِبِّي 3:1 Cross References

فِلِبِّي 4:4

أَفْرَحَوْا بِرَبِّنَا عِيسَى دَايْماً وَ بَتَّانْ نُقُولْ لَيْكُو، أَفْرَحَوْا!

رَوْمَا 5:11

وَ زِيَادَةْ مِنْ دَا، هَسَّعْ أَنِحْنَ قَاعِدِينْ نَفْرَحَوْا بِالْعَلَاقَةْ الْعِنْدِنَا مَعَ اللّٰهْ بِرَبِّنَا عِيسَى الْمَسِيحْ. أَشَانْ بِالْمَسِيحْ بَسْ، أَنِحْنَ لِقِينَا الصُّلُحْ.

يَعْقُوب 1:2

يَا أَخْوَانِي، أَفْرَحَوْا فِي أَيِّ تَعَبْ الْيَجِيكُو

1 بُطْرُس 4:13

إِنْتُو قَاعِدِينْ تِشَارُكُوا فِي تَعَبْ الْمَسِيحْ وَ أَشَانْ دَا، أَفْرَحَوْا فِي أُسْط التَّعَبْ. وَ كَنْ شَارَكْتُوا فِي تَعَبْ الْمَسِيحْ دَا، تَفْرَحَوْا فَرْحَةْ شَدِيدَةْ وَكِتْ هُو يِبِينْ فِي مَجْدَهْ.

1 تَسَلونِيكِي 5:16

أَفْرَحَوْا دَايْماً

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

2 بُطْرُس 3:1

يَا أَخْوَانِي النِّحِبُّكُو، دَاهُو الْجَوَابْ التَّانِي الْكَتَبْتَهْ لَيْكُو. وَ فِي جَوَابَاتِي نِدَوْر نِذَكِّرْكُو بِالْكَلَامْ التَّعَرْفُوهْ خَلَاصْ وَ تِفَكُّرُوا بِفِكِرْ مُخْلِصْ.

أفَسُس 6:10

وَ آخِرْ شَيّءْ، أَبْقَوْا قَوِيِّينْ فِي عَلَاقِتْكُو مَعَ الرَّبّ وَ بِقُدُرْتَهْ الْعَظِيمَةْ.

لُوقا 1:47

وَ نَفْرَحْ بِلْحَيْن بِاللّٰهْ الْيِنَجِّينِي.

زَكَرِيَّا 10:7

نَاسْ قَبِيلَةْ أَفْرَايِمْ يَبْقَوْا مِثِلْ فُرَّاسْ وَ يِنْمَلُوا بِالْفَرَحْ مِثِلْ الشِّرْبَوْا الْخَمَرْ. وَكِتْ يِشِيفُوهُمْ، عِيَالْهُمْ يِنْبَسْطُوا وَ قُلُوبْهُمْ يَفْرَحَوْا فِي شَانْ اللّٰهْ.

صَفَنْيا 3:17

اللّٰهْ إِلٰـهْكِ قَاعِدْ فِي أُسُطْكِ مِثِلْ فَارِسْ الْيِنَجِّيكِ. هُو فَرْحَانْ بَيْكِ وَ فِي شَانْ حُبَّهْ، هُو يِجَدِّدْكِ وَ هُو يَفْرَحْ بَيْكِ فَرَحْ شَدِيدْ.»

صَفَنْيا 3:14

زَغْرِطِي، يَا صَهْيُون الْمِثِلْ بِنَيَّةْ! أَصْرَخَيْ بِفَرَحْ، يَا إِسْرَائِيلْ! أَفْرَحَيْ وَ أَنْبَسْطِي بِكُلَّ قَلِبْكِ، يَا مَدِينَةْ الْقُدُسْ الْمِثِلْ بِنَيَّةْ!

يُوِيل 2:23

يَا نَاسْ صَهْيُون، أَفْرَحَوْا وَ أَنْبَسْطُوا بِاللّٰهْ إِلٰـهْكُو. أَشَانْ يِنَزِّلْ مَطَرْ أَوَّلْ الْخَرِيفْ الْوَاجِبْ لَيْكُو وَ يِنَزِّلْ لَيْكُو مَطَرْ الرِّشَاشْ وَ مَطَرْ الْخَرِيفْ مِثِلْ زَمَانْ.

زَبُور 37:4

وَ مَعَ اللّٰهْ، تَلْقَى كُلَّ شَيّءْ سَمَحْ وَ هُو يَنْطِيكْ طَلَبَاتْ قَلْبَكْ.

زَبُور 32:11

أَفْرَحَوْا بِاللّٰهْ وَ غَنُّوا، يَا الصَّالِحِينْ! وَ وَصُّفُوا فَرَحْكُو، يَا الْعَادِلِينْ!

أيُّوب 22:26

وَ بَيْدَا، الْقَادِرْ يَبْقَى فَرْحِتَكْ وَ عَلَيْ الرَّبّ، تَرْفَعْ وِجْهَكْ بَتَّانْ.

1 أخبار 29:22

وَ فِي الْيَوْم دَا، هُمَّنْ أَكَلَوْا وَ شِرْبَوْا قِدَّامْ اللّٰهْ بِفَرْحَةْ كَبِيرَةْ. وَ لِتَانِي مَرَّةْ، هُمَّنْ شَالَوْا سُلَيْمَانْ وِلَيْد دَاوُدْ وَ مَسَحَوْه وَ دَرَّجَوْه مَلِكْ وَ خَصَّصَوْا لِلّٰهْ. وَ مَسَحَوْا صَدُوقْ رَاجِلْ دِينْ كَبِيرْ.

فِلِبِّي 3:3

يُقُولُوا هُمَّنْ الْمُطَهَّرِينْ. لَاكِنْ أَنِحْنَ بَسْ النَّاسْ الْمُطَهَّرِينْ بِالصَّحِيحْ، أَنِحْنَ النَّعَبُدُوا اللّٰهْ بِقُدْرَةْ الرُّوحْ الْقُدُّوسْ. وَ نِفَاشُرُوا بِالْمَسِيحْ عِيسَى وَ أَبَداً مَا نِنْتَكْلُوا عَلَيْ جِلِدْنَا.

مَتَّى 5:12

أَفْرَحَوْا وَ أَنْبَسْطُوا زِيَادَةْ أَشَانْ أَجُرْكُو فِي السَّمَاءْ يَبْقَى كَتِيرْ بِلْحَيْن. أَشَانْ أَوَّلْ النَّاسْ تَعَّبَوْا الْأَنْبِيَاء الْجَوْا قُبَّالْكُو. وَ خَلَاصْ إِنْتُو كُلَ تَبْقَوْا مِثِلْهُمْ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 41:16

إِنْتَ تِغَرْبِلْهُمْ وَ الرِّيحْ تِشِيلْهُمْ وَ الزَّوْبَعَانَةْ تِشَتِّتْهُمْ. وَ لَاكِنْ إِنْتَ تَفْرَحْ بَيِّ أَنَا اللّٰهْ وَ تَشْكُرْ قُدُّوسْ إِسْرَائِيلْ.

زَبُور 149:2

خَلِّي إِسْرَائِيلْ يَفْرَحَوْا بِخَالِقْهُمْ أَيْوَى، سُكَّانْ صَهْيُون يِنْبَسْطُوا بِمَلِكْهُمْ.

زَبُور 97:1

اللّٰهْ هُو الْمَلِكْ. خَلِّي الْأَرْض تِنْبَسِطْ وَ كُلَّ الْجَزَايِرْ يَفْرَحَوْا!

زَبُور 42:4

وَ قَلْبِي يَحْزَنْ وَكِتْ نِذَّكَّرْ الْأَيَّامْ الْفَاتَوْا، وَكِتْ مَشَيْت مَعَ النَّاسْ وَ قُدْتُهُمْ لِبَيْت اللّٰهْ، وَكِتْ كُلَّ النَّاسْ عَيَّدَوْا وَ بِغِنَيْ وَ فَرَحْ، شَكَرَوْه.

زَبُور 5:11

خَلَاصْ، كُلَّ الْيَلْجَأَوْا لَيْك يَفْرَحَوْا وَ دَايْماً يِزَغْرُطُوا وَ يِرَقْرُقُوا. إِنْتَ مَلْجَأْ لِلْيِحِبُّوا أُسْمَكْ وَ هُمَّنْ يِنَطُّطُوا مِنْ الْفَرَحْ.

نَحَمْيا 8:10

وَ بَتَّانْ قَالَوْا لَيْهُمْ: «أَمْشُوا وَ جَهُّزُوا أَكِلْ حَلُو وَ آكُلُوهْ وَ أَشَرْبَوْا شَرَابْ حَلُو وَ قَسُّمُوا مِنَّهْ لِلنَّاسْ الْمَا قِدْرَوْا جَهَّزَوْا شَيّءْ. أَشَانْ الْيَوْم دَا يَوْم خَاصّ لِرَبِّنَا. مَا تَحْزَنَوْا، أَشَّاجَعَوْا أَمْبَيْنَاتْكُو أَشَانْ الْفَرَحْ الْيَجِي مِنْ اللّٰهْ، هُو قُدْرِتْكُو!»

1 أخبار 16:10

أَنْبَسْطُوا أَشَانْ أُسْمَهْ الْمُقَدَّسْ وَ خَلِّي قُلُوبْكُو يِنْمَلُوا بِفَرَحْ إِنْتُو الْقَاعِدِينْ تِتَابُعُوا اللّٰهْ.

1 أخبار 15:28

وَ كُلَّ بَنِي إِسْرَائِيلْ وَدَّوْا صَنْدُوقْ مُعَاهَدَةْ اللّٰهْ فِي أُورُشَلِيمْ بِزَغْرَاطْ وَ ضَرِبِينْ بُوقْ وَ بُرُنْجِي وَ نُقَّارَةْ وَ بِضَرِبِينْ أَمْ سِبَيْبَةْ وَ جِقِنْدِيَّةْ.

1 صَمُوِيل 2:1

وَ حِنَّةْ صَلَّتْ وَ قَالَتْ: «نِعْمَةْ اللّٰهْ مَلَتْ قَلْبِي بِالْفَرَحْ، اللّٰهْ رَفَعْ رَاسِي وَ أَنْطَانِي قُدْرَةْ. قِدَّامْ عُدْوَانِي، ضِحِكْت بِحِسّ عَالِي وَ بِنَجَاتَكْ أَنَا فِرِحْت، يَا رَبِّي.

تَثْنِية 16:11

وَ أَفْرَحَوْا قِدَّامْ اللّٰهْ إِلٰـهْكُو فِي الْبَكَانْ الْهُو يَعَزِلَهْ لِيُخُطّ فَوْقَهْ أُسْمَهْ، إِنْتُو وَ عِيَالْكُو وَ بَنَاتْكُو وَ عَبِيدْكُو وَ خَدِيمْكُو وَ اللَّاوِيِّينْ السَّاكْنِينْ فِي حِلَّالْكُو وَ الْأَجَانِبْ وَ الْأَتَامَا وَ الْأَرَامِلْ الْقَاعِدِينْ فِي أُسُطْكُو.

تَثْنِية 12:18

وَ لَاكِنْ تَاكُلُوهُمْ قِدَّامْ اللّٰهْ إِلٰـهْكُو فِي الْبَكَانْ الْهُو يَعَزِلَهْ بَسْ. وَ تَاكُلُوهُمْ إِنْتُو وَ أَوْلَادْكُو وَ بَنَاتْكُو وَ عَبِيدْكُو وَ خَدِيمْكُو وَ اللَّاوِيِّينْ السَّاكْنِينْ فِي حِلَّالْكُو. وَ تَفْرَحَوْا قِدَّامْ اللّٰهْ إِلٰـهْكُو بِكُلَّ شَيّءْ السَّوَّتَهْ إِيدْكُو.

1 تَسَلونِيكِي 4:1

يَا أَخْوَانِي، أَسْمَعَوْا كَلَامِي بَتَّانْ. أَوَّلْ عَلَّمْتُوا مِنِّنَا الْحَالْ الْوَاجْبَةْ أَشَانْ اللّٰهْ يَرْضَى بَيْكُو. وَ خَلَاصْ إِنْتُو مَاشِينْ عَدِيلْ. وَ أَشَانْ دَا، نَشْحَدَوْكُو وَ نِوَصُّوكُو بِأُسُمْ الرَّبّ عِيسَى أَشَانْ تَمْشُوا عَدِيلْ بِزِيَادَةْ.

إشَعْيا 65:14

عَبِيدِي يِكَوْرُكُوا مِنْ فَرَحْ قُلُوبْهُمْ لَاكِنْ إِنْتُو تِكَوْرُكُوا مِنْ وَجَعْ قُلُوبْكُو وَ تَبْكُوا بِحِزِنْ وَ بِرُوحْ مُحَطَّمَةْ.

زَبُور 33:1

يَا الصَّالِحِينْ! زَغْرُطُوا لِلّٰهْ مِنْ الْفَرَحْ! حَمْد اللّٰهْ يِوَافِقْ مَعَ النَّاسْ الْعَدِيلِينْ.