فِلِبِّي 2:30 - الكتاب المقدس بالعربي الدارجي هنا تشاد

³⁰ أَوَّلْ هُو قَرِيبْ يُمُوتْ فِي شَانْ خِدِمْتَهْ لِلْمَسِيحْ وَ دَسَّ نَفْسَهْ فِي خُطُورَةْ شَدِيدَةْ أَشَانْ يِجِيبْ لَيِّ مُسَاعَدَةْ الْإِنْتُو مَا تَقْدَرَوْا تِجِيبُوهَا لَيِّ.

فِلِبِّي 2:30 Cross References

1 كُرُنْتُس 16:17

وَ أَنَا فِرِحْت بِلْحَيْن بِجَيَّةْ أَخْوَانْكُو إِسْتِفَانْ وَ فُرْتُونَا وَ أَخَايِكْ أَشَانْ أَنَا قَرْمَانْ لَيْكُو وَ هُمَّنْ جَوْا فِي قَدُّكُو.

فِلِبِّي 4:10

أَنَا فَرْحَانْ بِلْحَيْن وَ قَاعِدْ نَشْكُرْ رَبِّنَا كَدَرْ فِي الأَخِيرْ، إِنْتُو شِلْتُوا نِيَّةْ أَشَانْ تِسَاعُدُونِي بَتَّانْ. بِالصَّحِيحْ، أَوَّلْ كُلَ عِنْدُكُو نِيَّةْ لَاكِنْ مَا عِنْدُكُو فُرْصَةْ.

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

2 كُرُنْتُس 12:15

وَ فِي شَانْكُو إِنْتُو، نَنْطِي بِفَرَحْ كُلَّ شَيّءْ الْعِنْدِي وَ نَنْطِي نَفْسِي فِي شَانْكُو بَتَّانْ. كَنْ نِحِبُّكُو كَتِيرْ، هَلْ إِنْتُو تِحِبُّونِي شِيَّةْ وَلَّا؟

رُؤية 12:11

وَ هُمَّنْ أَنَّصَرَوْا فَوْقَهْ بِقُدْرَةْ دَمّ الْحَمَلْ وَ بِشَهَادِتْهُمْ لَيَّهْ. وَ هُمَّنْ حَبَّوْا رَبُّهُمْ زِيَادَةْ مِنْ نُفُوسْهُمْ لَحَدِّي أَبَوْا مَا يَجْرُوا مِنْ الْمَوْت.

فِلِمُون 1:13

بِالصَّحِيحْ، دَوَّرْت هُو يَقْعُدْ هِنِي مَعَايِ. أَنَا قَاعِدْ فِي السِّجِنْ فِي شَانْ بِشَارَةْ الْمَسِيحْ وَ نَعَرِفْ كَدَرْ إِنْتَ تِدَوْر تِسَاعِدْنِي. وَ كَنْ الْفَايِدْ يَقْعُدْ مَعَايِ، هُو يَقْدَرْ يِسَاعِدْنِي فِي بَدَلَكْ إِنْتَ.

فِلِبِّي 2:27

وَ بِالصَّحِيحْ، أَوَّلْ هُو مَرْضَانْ بِلْحَيْن وَ قَرِيبْ يُمُوتْ. لَاكِنْ اللّٰهْ حَنَّ فَوْقَهْ وَ مَا فَوْقَهْ هُو وِحَيْدَهْ بَسْ، لَاكِنْ فَوْقِي أَنَا كُلَ أَشَانْ مَا يِزِيدْ لِحِزْنِي حِزِنْ آخَرْ بَتَّانْ.

فِلِبِّي 2:17

وَ حَتَّى كَانْ دَمِّي وَاجِبْ يِدَفِّقْ مِثِلْ هَدِيَّةْ شَرَابْ فِي الضَّحِيَّةْ التِّقَدُّمُوهَا لِلّٰهْ فِي شَانْ إِيمَانْكُو وَ خِدْمِتْكُو، خَلَاصْ أَنَا نَفْرَحْ وَ نِنْبَسِطْ مَعَاكُو كُلُّكُو.

1 كُرُنْتُس 16:10

وَ وَكِتْ تِمُوتَاوُسْ يَجِيكُو، أَكُرْبُوهْ قَوِي وَ خَلِّي يَقْعُدْ مَعَاكُو بِالسَّلَامْ أَشَانْ هُو قَاعِدْ يَخْدِمْ خِدْمَةْ اللّٰهْ مِثْلِي أَنَا.

1 كُرُنْتُس 15:53

أَشَانْ الْجِسِمْ الْيَتْلَفْ دَا وَاجِبْ يَلْبَسْ الْجِسِمْ الْأَبَداً مَا يَتْلَفْ. وَ الْجِسِمْ الْيُمُوتْ وَاجِبْ يَلْبَسْ الْمَا يُمُوتْ.

رَوْمَا 16:4

وَ هُمَّنْ دَخَلَوْا فِي خُطُورَةْ شَدِيدَةْ أَشَانْ يِنَجُّونِي مِنْ الْمَوْت. وَ كُلَّ جَمَاعَاتْ الْمُؤمِنِينْ الْقَاعِدِينْ فِي أُسْط النَّاسْ الْمَا يَهُودْ قَاعِدِينْ يَشْكُرُوهُمْ مَعَايِ.

2 كُرُنْتُس 4:12

وَ خَلَاصْ، أَنِحْنَ نِعِيشُوا فِي أُسْط الْمَوْت أَشَانْ إِنْتُو تَلْقَوْا الْحَيَاةْ الْأَبَدِيَّةْ.