فِلِبِّي 2:3 - الكتاب المقدس بالعربي الدارجي هنا تشاد

³ وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

فِلِبِّي 2:3 Cross References

رَوْمَا 12:10

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

غَلاطِية 5:26

خَلِّي مَا نِسْتَكْبَرَوْا وَ لَا نِزَّاعَلَوْا أَمْبَيْنَاتْنَا وَ لَا نِلْحَاسَدَوْا.

أفَسُس 5:21

أَبْقَوْا ضَلُولِينْ أَمْبَيْنَاتْكُو وَ خَلِّي أَيِّ وَاحِدْ يِكَرِّمْ الْآخَرْ فِي شَانْ الْمَسِيحْ.

أفَسُس 4:2

سَوُّوا كُلَّ شَيّءْ بِنَفَسْ بَارِدْ وَ أَبْقَوْا ضَلُولِينْ وَ صُبُورِينْ وَ أَلْحَمَّلَوْا الْوَاحِدِينْ لِلْآخَرِينْ بِمَحَبَّةْ.

1 بُطْرُس 5:5

وَ لَيْكُو إِنْتُو الشَّبَابْ كُلَ، أَسْمَعَوْا عَدِيلْ كَلَامْ كُبَارَاتْكُو. وَ نُقُولْ لَيْكُو كُلُّكُو، مَسْكُنُوا نُفُوسْكُو أَمْبَيْنَاتْكُو الْوَاحِدِينْ لِلْآخَرِينْ. أَشَانْ اللّٰهْ يُقُمّ ضِدّ النَّاسْ الْيِسْتَكْبَرَوْا لَاكِنْ هُو يَنْطِي نِعْمَةْ لِلنَّاسْ الْيِمَسْكُنُوا نُفُوسْهُمْ.

فِلِبِّي 2:14

فِي كُلَّ شَيّءْ مَا تَشْكُوا وَ لَا تِهَارُجُوا أَمْبَيْنَاتْكُو.

غَلاطِية 5:15

لَاكِنْ كَنْ تِلْخَالَفَوْا أَمْبَيْنَاتْكُو وَ تِدَّاوَسَوْا مِثِلْ كُلابْ، خَلَاصْ فِي الأَخِيرْ تِلْآكَلَوْا مَرَّةْ وَاحِدْ.

1 تِمُوتَاوُس 6:4

هُو مُسْتَكْبِرْ مَرَّةْ وَاحِدْ. مَا يَعَرِفْ شَيّءْ. عِنْدَهْ مَرَضْ هَنَا الْمُنَاقَشَاتْ وَ الْمُغَالَطَاتْ فِي مَعَنَى الْكَلِمَاتْ. كَلَامَهْ يِسَبِّبْ الْحُسُدْ وَ الْمُخَاصَمَةْ وَ الْقَطِيعَةْ وَ التُّهَمْ الْبَاطْلِينْ.

لُوقا 18:14

«وَ نُقُولْ لَيْكُو مِنْ النَّاسَيْن دَوْل، الرَّاجِلْ التَّانِي بَسْ قَبَّلْ فِي بَيْتَهْ وَ اللّٰهْ جَعَلَهْ صَالِحْ. أَشَانْ أَيِّ نَادُمْ الْيِسَوِّي نَفْسَهْ كَبِيرْ، اللّٰهْ يِسَوِّيهْ صَغَيَّرْ وَ النَّادُمْ الْيِسَوِّي نَفْسَهْ صَغَيَّرْ، اللّٰهْ يِسَوِّيهْ كَبِيرْ.»

أمْثال 13:10

فِي بَكَانْ الْإِسْتِكْبَارْ، فِيَّهْ هُرَاجْ وَ فِي بَكَانْ الْيَسْمَعَوْا الْوَصِيَّةْ، فِيَّهْ حِكْمَةْ.

كُلُوسِي 3:8

لَاكِنْ هَسَّعْ، خَلُّوا مِنْكُو كُلَّ شَيّءْ الْمَا عَدِيلْ. خَلُّوا مِنْكُو الْغَبِينَةْ وَ الزَّعَلْ وَ الْحَسِيفَةْ وَ الْقَطِيعَةْ وَ الْكَلَامْ الشَّيْن.

2 كُرُنْتُس 12:20

وَ هَسَّعْ أَنَا خَايِفْ أَشَانْ وَكِتْ نَجِيكُو، إِنْتُو مَا تُكُونُوا مِثِلْ أَنَا نِدَوْرَهْ وَ أَنَا كَمَانْ مَا نُكُونْ مِثِلْ إِنْتُو تِدَوْرُوهْ. أَكُونْ نَلْقَى أَمْبَيْنَاتْكُو الْهُرَاجْ وَ الْحُسُدْ وَ الزَّعَلْ وَ الْمُخَاصَمَةْ وَ الْبَغَاضَةْ وَ الْقُوَالَةْ وَ الْإِسْتِكْبَارْ وَ الْبَرْجَالْ.

1 كُرُنْتُس 3:3

إِنْتُو قَاعِدِينْ تِتَابُعُوا فِكِرْ هَنَا نَاسْ الدُّنْيَا وَ مَا فِكِرْ اللّٰهْ. إِنْتُو قَاعِدِينْ تِلْحَاسَدَوْا وَ تِهَارُجُوا أَمْبَيْنَاتْكُو. وَ بَيْدَا، فِكِرْكُو بِقِي فِكِرْ هَنَا نَاسْ الدُّنْيَا وَ حَالْكُو مِثِلْ حَالْ النَّاسْ!

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

رَوْمَا 13:13

خَلِّي حَالْنَا تُكُونْ حَالْ هَنَا عِيَالْ النُّورْ. وَ خَلِّي مَا نَمْشُوا فِي السَّفَاهَةْ وَ السَّكَرْ، وَ لَا فِي الزِّنَى وَ الْفَسَادْ، وَ لَا فِي الدُّوَاسْ وَ الْحُسُدْ.

رَوْمَا 2:8

لَاكِنْ النَّاسْ الْعَاصِيِينْ الْيَابَوْا الْحَقّ وَ يِتَابُعُوا الْفَسَالَةْ، زَعَلْ اللّٰهْ وَ غَضَبَهْ يَنْزُلُوا فَوْقهُمْ.

كُلُوسِي 3:12

يَا النَّاسْ الْاللّٰهْ عَزَلَاكُو، بِقِيتُوا صَالِحِينْ وَ مَحْبُوبِينْ. أَشَانْ دَا، أَلْبَسَوْا الْمَحَنَّةْ وَ خَلِّي قُلُوبْكُو يَبْقَوْا بُيُضْ وَ نَفَسْكُو يَبْقَى بَارِدْ وَ أَبْقَوْا ضَلُولِينْ وَ صُبُورِينْ.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.