فِلِبِّي 2:16 - الكتاب المقدس بالعربي الدارجي هنا تشاد

¹⁶ أَشَانْ إِنْتُو مُنْكَرِبِينْ فِي كَلَامْ الْحَيَاةْ. وَ كَنْ تَبْقَوْا مِثِلْ دَا، نَقْدَرْ نَرْفَعْ رَاسِي فَوْق فِي يَوْم جَيَّةْ الْمَسِيحْ. وَ نَعَرِفْ تَعَبِي وَ خِدِمْتِي الْخَدَمْتَهَا لَيَّهْ مَا فَشَلَتْ.

فِلِبِّي 2:16 Cross References

1 كُرُنْتُس 9:26

أَشَانْ دَا، فِي دَرِبْ الْإِيمَانْ أَنَا جَارِي قِدَّامْ بِنِيَّةْ وَاحِدَةْ. نِسَوِّي نَفْسِي مِثِلْ الْمُلَاكِمْ الشَّدِيدْ وَ مَا نَضْرُبْ فِي الرِّيحْ سَاكِتْ.

غَلاطِية 2:2

مَشَيْت بِسَبَبْ رُؤْيَةْ مِنْ اللّٰهْ. وَ مَشَيْت لِكُبَارَاتْ الْمُؤمِنِينْ الْمَعْرُوفِينْ وَ لَمَّيْت مَعَاهُمْ فِي مَلَمَّةْ وِحَيْدنَا. وَ قَدَّمْت لَيْهُمْ الْبِشَارَةْ الْبَلَّغْتَهَا فِي أُسْط النَّاسْ الْمَا يَهُودْ. دَوَّرْت نِأَكِّدْ كَدَرْ الْخِدْمَةْ الْأَوَّلْ سَوَّيْتهَا وَ الْهَسَّعْ قَاعِدْ نِسَوِّيهَا مَا تَبْقَى بَاطْلَةْ.

1 يُوحَنَّا 1:1

الْكَلَامْ النِّبَلُّغُوهْ لَيْكُو قَاعِدْ مِنْ الْبِدَايَةْ وَ أَنِحْنَ سِمِعْنَاهْ وَ شِفْنَاهْ بِعُيُونَّا لَحَدِّي عِرِفْنَاهْ عَدِيلْ كَيْ وَ لَمَّسْنَاهْ بِإِيدَيْنَّا وَ هُو كَلَامْ الْحَيَاةْ.

2 كُرُنْتُس 1:14

وَ قُلْت الْكَلَامْ دَا أَشَانْ إِنْتُو لِسَّاعْكُو مَا فِهِمْتُوا نِيِّتْنَا تَمَامْ. وَ كَنْ فِهِمْتُوا نِيِّتْنَا، خَلَاصْ فِي يَوْم جَيَّةْ رَبِّنَا عِيسَى، إِنْتُو تِفَاشُرُوا بَيْنَا مِثِلْ أَنِحْنَ نِفَاشُرُوا بَيْكُو.

يُوحَنَّا 6:68

وَ سِمْعَانْ بُطْرُسْ رَدَّ لَيَّهْ وَ قَالْ: «يَا سَيِّدْنَا، نَمْشُوا وَيْن؟ إِنْتَ وِحَيْدَكْ عِنْدَكْ كَلَامْ الْحَيَاةْ الْأَبَدِيَّةْ.

1 تَسَلونِيكِي 3:5

أَشَانْ دَا، وَكِتْ فَقَدْت الصَّبُرْ مَرَّةْ وَاحِدْ، رَسَّلْت لَيْكُو تِمُوتَاوُسْ أَشَانْ نِدَوْر نَعَرِفْ كَنْ إِنْتُو ثَابْتِينْ فِي إِيمَانْكُو وَلَّا لَا. وَ فِي الْوَكِتْ دَاكْ، أَنَا قَاعِدْ نِهِمّ لَيْكُو. فِي فِكْرِي، أَكُونْ إِبْلِيسْ الْيِجَرِّبْ النَّاسْ أَنَّصَرْ فَوْقكُو وَ التَّعَبْ الْأَنَا تِعِبْتَهْ فَوْقكُو مَشَى فِي الرِّيحْ سَاكِتْ.

يُوحَنَّا 6:63

رُوحْ اللّٰهْ يَنْطِي الْحَيَاةْ. وَ الْقُدْرَةْ الْإِنْسَانِيَّةْ مَا عِنْدَهَا فَايْدَةْ. الْكَلَامْ الْقُلْتَهْ لَيْكُو جَايِ مِنْ الرُّوحْ وَ يَنْطِيكُو الْحَيَاةْ.

لُوقا 12:8

«وَ أَنَا، إِبْن الْإِنْسَانْ، نُقُولْ لَيْكُو كَدَرْ أَيِّ نَادُمْ الْيَشْهَدْ لَيِّ قِدَّامْ النَّاسْ، أَنَا نَشْهَدْ لَيَّهْ قِدَّامْ مَلَائِكَةْ اللّٰهْ.

عِبْرَانِيِّين 4:12

كَلَامْ اللّٰهْ حَيّ وَ قَادِرْ وَ طَرِينْ زِيَادَةْ مِنْ السَّيْف الْمُطَرَّقْ مِنْ جَايْ وَ جَايْ. هُو يَقْطَعْ دَاخَلْ فِي النَّادُمْ مَرَّةْ وَاحِدْ لَحَدِّي يَلْحَقْ الْبَكَانْ الْفَوْقَهْ النَّفَسْ وَ الرُّوحْ، وَ الْعُضَامْ وَ الْمُشَاشْ. كَلَامْ اللّٰهْ يِمَيِّزْ الْأَفْكَارْ وَ النِّيَّةْ فِي قَلِبْ الْإِنْسَانْ.

1 بُطْرُس 1:23

بِقِيتُوا مَوْلُودِينْ مِنْ جَدِيدْ وَ دَا مَا مِنْ وَالْدَيْنكُو الْيُمُوتُوا لَاكِنْ هِي مِنْ كَلَامْ اللّٰهْ وَ الْكَلَامْ دَا، أَبَداً مَا يُمُوتْ.

1 تَسَلونِيكِي 2:19

أَيْوَى، نِدَوْرُوا نِشِيفُوكُو بَتَّانْ أَشَانْ إِنْتُو بَسْ عَشَمْنَا وَ فَرَحْنَا. وَ فِي يَوْم جَيَّةْ رَبِّنَا عِيسَى، شُنُو الدَّلِيلْ الْيِوَصِّفْ خِدْمِتْنَا مَا فَشَلَتْ؟ الدَّلِيلْ هُو إِنْتُو وَ إِيمَانْكُو.

غَلاطِية 4:11

حَالِتْكُو دِي خَوَّفَتْنِي بِلْحَيْن أَشَانْ أَكُونْ التَّعَبْ الْأَنَا تِعِبْتَهْ فَوْقكُو مَشَى فِي رِيحْ سَاكِتْ.

إشَعْيا 49:4

وَ لَاكِنْ أَنَا قُلْت: «أَنَا عِيِيتْ بَلَا فَايْدَةْ! وَ وَدَّرْت قُدُرْتِي فِي الْفَاضِي وَ فِي الرِّيحْ سَاكِتْ. لَاكِنْ أَكِيدْ اللّٰهْ يَنْطِينِي حَقِّي وَ مُكَافَاتِي قَاعِدَةْ فِي إِيدْ إِلٰـهِي.»

زَبُور 71:17

يَا رَبّ! إِنْتَ عَلَّمْتِنِي مِنْ صُبَايِ وَ لَحَدِّي هَسَّعْ، أَنَا قَاعِدْ نِخَبِّرْ بِعَجَايْبَكْ.

رُؤية 22:17

وَ الرُّوحْ الْقُدُّوسْ وَ الْعَرُوسْ يُرُدُّوا لِلْمَسِيحْ وَ يُقُولُوا «تَعَالْ.» وَ خَلِّي أَيِّ نَادُمْ الْيَسْمَعْ الْكَلَامْ دَا يُقُولْ: «تَعَالْ.» وَ أَيِّ نَادُمْ الْعَطْشَانْ، خَلِّي يَجِي. وَ أَيِّ نَادُمْ الْيِدَوْر يَشْرَبْ أَلْمِي الْحَيَاةْ، خَلِّي يِشِيلَهْ بَلَا تَمَنْ.

أعمال الرُسُل 13:26

وَ بُولُسْ قَالْ: «يَا الْأَخْوَانْ، يَا عِيَالْ جِدِّنَا إِبْرَاهِيمْ وَ كُلَّ النَّاسْ اللَّامِّينْ مَعَانَا وَ خَايْفِينْ مِنْ اللّٰهْ، هُو رَسَّلْ خَبَرْ النَّجَاةْ دِي لَيْنَا كُلِّنَا.

مَتَّى 10:27

أَيِّ شَيّءْ النُّقُولَهْ لَيْكُو فِي اللَّيْل، قُولُوهْ فِي النَّهَارْ. وَ الْكَلَامْ الْكَلَّمْتَهْ لَيْكُو بِبِشَيْش فِي أَدَانْكُو، بَلُّغُوهْ بَرَّا فِي الشَّوَارِعْ.

زَبُور 40:9

نِبَشِّرْ بِعَدَالْتَكْ لِمُجْتَمَعْ كَبِيرْ. يَا اللّٰهْ، شِيفْ! أَنَا مَا نَسْكُتْ، إِنْتَ تَعَرْفَهْ.

1 كُرُنْتُس 1:8

الْمَسِيحْ يَحْفَضْكُو لَحَدِّي فِي الْآخِرَةْ. أَشَانْ دَا، فِي يَوْم جَيَّةْ رَبِّنَا عِيسَى الْمَسِيحْ، تُكُونُوا بَلَا عَيْب.

فِلِبِّي 1:6

وَ أَنَا مُؤَكِّدْ كَدَرْ اللّٰهْ، الْبَدَا خِدِمْتَهْ الْعَدِيلَةْ فَوْقكُو، هُو يِسَوِّيهَا دَايْماً لَحَدِّي يِتَمِّمْهَا فِي يَوْم جَيَّةْ الْمَسِيحْ عِيسَى.

فِلِبِّي 1:10

أَشَانْ تَعَرْفُوا كِكَّيْف تِمَيُّزُوا دَايْماً الشَّيّءْ الْأَفْضَلْ. وَ خَلَاصْ تِعِيشُوا بِنِيَّةْ مُخْلِصَةْ وَ بَلَا عَيْب وَ تَبْقَوْا جَاهِزِينْ لِلْيَوْم الْيَجِي فَوْقَهْ الْمَسِيحْ.